السلام عليكم ورحمه الله وبركاته
كيفكم وكل عام وانتم بخير والله يتقبل منا قيام وصيام رمضان ويجعلنا نشهد ليله القدر
يارب يابنات ويادكتورات وياممرخات ويامتزوجات اطلب منكم المساعده بعد الله لان والله يعلم ان لي شهرين وانا اتالم ومابقى شي ماسويته
بقول لكم قصتي واي وحده معاها منفعه تقولي والله ثم والله لتصدق عنها وادعيلها بالعشر الاواخر
انا كنت حامل وولدت بسلامه والحمدلله وكنت نفاس وبعد 30 يوم اخذت حبوب منع الحمل سيزارت وكنت ارضع مره او مرتين في اليوم وبعد ست ايام جبت وحده تعمل مساج وترفع الارحام ممرخه فلبينيه وبعدها الله يكرمكم انا كنت على طهاره ولما مرختني وراحت نزل مني افرازات دمويه وقلت وقت الدوره وشربت قرفه وهتيك نزيف احمر مره مو دوره كلمت الدكتوره بعد 5 ايام وقالت وقفي حبوب منع الحمل وخذي دفلون مرتين في اليوم وقعد الدم خمس ايام ثانيه وبعدين وقف وبعد ماوقف بدى يظهر علي اعراض غريبه الم في فخذي الايمن وشد من بدايت الفخذ عند الثنيه من جوه وزي الدبوس في الظهر على جهت اليمين وعلى جنب الورك اليمين الم زي الدبوس يخليني مقدر اتربع يعني اجلس على الارض احس بشد والم بعدين لرحت لممرخه اسمها ام خالد يمنيه معروفقلتلي رحمك كله مايل على جهت اليمين وسحبته وعدلته وربطت بطني قعدت ثلاث ايام وانا رابطه قالت لي لاتفكيه ابدا الا عند النوم اقعدي شهر بعدين سافرت وقاعده امشي على كلامها ما انتبهت للالم لاني مربوطه وبعد 5 ايام زي عادتي جيت اربط وجاني ذاك الالم وفخذي ووركي كلها قامت قعدت فتره اتالم بعدين رحت عند دكتوره وسوت لي سونار وقالت مافي شي وهي زعلانه واعطتني علاج بروفين وقالت عندك التهاب في المثانه والتهاب في الرحم شخصت من عندها وصرفت لي علاجت وقالت المنطقه اللي تشتكين منها اعلى الفخذ هي قناه سمعيه تسمع الرحم واللي حواليه واخذت علاجاتها بس كانت قويه كل حبه 600 جرام ثلاث مرات في اليوم 3علب ومرتحت مع المسكن سكن الالم وبس فكيته رجع
انا احترت مدري وش في هو رحمي مايل ولا فخذي تعبان والا وين اروح من ممرخه الى دكتوره ساعدوني تعرفون دكتوره شاطره تعرف للارحام والمبايض اذا كانت مايله في جده انا معرف اجلس يشد على واخر شي طلع لي عرق اخضر صغير فوق الورك على اليمين مكانه يوجعني الله يخليكم معاد ادري ويش اسوي وش بلاي

حبيبتي .. ماعندي شي أقدر افيدك إياه ..

ربي يشفيك ويعافيك .. عليكِ بزيارة طبيبة أخرى للاطمئنان وعمل الأشعة
من جديد ..

__________________

95 زياره ولا وحده جبرت خاطري غيرالاخت اوراق ملونه وانا شاده فيكم الظهر واللي زاد الطين بله ان عندي انتفاخ في بطني اسفله من اليسار مدري مبايض ولا أيش لأني مااعرف مكان المبايض

اختي اسأل الله ان يخفف عنك ويجعله كفارة لك بهالايام الفضيلة..اللي بقدر افيدك فيه هوه ابعدي عن الممرخات او المدلكات..كلهم حكي فاضي مش مبني على اسس علمية او فحوصات طبية..بيخمنوا تخمين يااختي بناء على تخمينات سابقة لمن سبقوك..نصيحتي دوري على دكتورة نسائية شاطرة في منطقتك وروحيلها وان شاء الله تفيدك.

__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}

والله يا اخت هلا اني تعبت ما اعرف دكتوره شاطره في جده ياليت احد يفيدني واللي تمرخت عند وحده شاطره ياليت تفيدني انا في انتظاركم

شوفي ياقلبي ... انا شخصيا ضد حكاية الرحم مايل و المبايض طايحة و مادري ايش
حبيبتي العلم اتقدم .. يعني هل الممرخة وهي مو شايفة شي بتعرف احسن من الطبيبة الي تدخل
جهاز للداخل و تشوف الرحم و المبايض عالشاشة بوضوح ؟؟؟؟؟؟!!!!!!
بالمنطق حبيبتي اعقليها
صح احيانا يقولو فلانة مرخت و بعدها حملت ..
بس شخصيا احس انها حالة نفسية ..
اكثر ما انه الممرخة فعلا نفعت .. يعني لو واحد عنده صداع و قعدتي تمدحي
بدواء للصداع و اعطيتيه (والدواء اصلا فيتامين ) راح يتشافى من الصداع
لانه الايحاء النفسي يلعب دور ..

المهم خلاصة كلامي ... دوري على طبيبة شااطرة و سمعتها كويسة و روحي لها
و عرفي سبب الي عندك طبيا ..
ربي يشفيك و يعافيك حبيبتي و يخليك لبناتك يارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

اشكر كل من رد علي والله اني بين المصدقه للمعالجات والمكذبه ولاكن الالم بظهري ووركي ذبحني وما اعرف دكتوره شاطره بجده

الله يسعدكم ويسعدك يانوره وامين