السلام عليكم


انا عندي مشكله مع اهلي

والدتي واخواتي

والمشكله هي في عيالهم

اخوي عمره 16 سنه

ولد اختي عمره 17

اخوي بعد المغرب يطلع كل يوم مايرجع للبيت الا وحده واحيانا في الاجازات ثلاث او الصباح

ولد اختي لما يبات عند اهلي مع امه واخواته يطلع مع اخوي واحيانا يطلع كل واحد مع اصحابه ولا يرجعون الا نص الليل او الصباح

انا والدي متوفي واخوي هذا اخر العنقود والولد الوحيد اخوي الكبير توفى الله يرحمه واخوي لسى طفل

اخوي نقول ماعنده رجال يوقفه عند احده وامي نقطه ضعفها اخوي

وكل ما اقولها يمه وينه تقول والله مايروح الا مع اصدقاه استراحات واقولها يمه توه صغير وبعدين ريحته دخاااااااااااااااااااااااااااان اكيد يدخن وامي لا تعليق تقول اقوله يقول هولي اصدقاي

ومره لقينا في سيارته ارقيله وقلت لامي وقالها هذي حقت صديقي وصدقته

وانا متاكده انها له وحاطها في الاستراحه

يعني توه بهالعمر يدخن ويعسل وسهر في الاستراحات الى الصباح وامي تروح تنام وهو برا البيت

واختي نفس الشي واذا قلت لها قالت انا مو مثل امي هو بس اذا جى عند اهلي يطلع لان ابوه مجننه

قلت في ايش مجننه تقول انه ماياخذ راحته في السهر تخيلو يطلع العشاء ويرجع الساعه 11 وتقول مايسهر

واذا ابوه رجع للبيت وعصب عليه تقول معقده مجننه ان ولدي يقول كل اصدقاي يسهرون ويطلعون وانا لا وكل شوي ابوي يتصل وينك فيه واصدقاه اهلهم مايتصلون عليهم

قلت طيب ابوه يهتم ويخاف على ولده اما اصحابه اهلهم مهيتينهم وهم الخسرانين

ودايما تقول ذا الكلام عند ولدها ان ابوه معقد وابوه شديد وهو طيب ويخليه يسهر بحدود

وعيالها الي اعمارهم 15 13 واختي الثانيه عيالها في اعمار عيال اختي

24 ساعه في الشارع اذا رحنا لاهلي ينامون عند اهلي وبيت اهلي مافيه رجال وعيالهم برا البيت مايرجعون الا وحده باليل

ولا يتصلون عليهم خواتي ولا يفكرون واذا اتصلو ازواجهم يسئلون عن عيالهم وينهم يكذبون خواتي ويقولون في الملحق مع العيال يلعبون بلاي ستيشن

يخبون عن رجالهم عشان مايدرون انهم في الشوارع

بالله عليكم وش رايكم وكل مانصحت امي وخواتي قالو والله كل الناس كذا فيهم برود مو طبيعي اقولهم ترا عيالكم بيكبرون ويصيرون رجال ولاحقين على الحريه بكره بيكبرون ويسافرون لحالهم

بس لازم تشدون عليهم في المراهقه لانها اصعب مرحله ممكن ينحرف فيها المراهق او ينصلح بس لا حياه لمن تنادي

والمشكله الثانيه انو امي حالتها الماديه عاديه جدا ومجمعه فلوس وتبي تشتري لاخوي سياره بسبعين الف وهي اول سياره له

نصحناها قلت يا يمه هو توه صغير ودايم ياخذ منك خليه يعتمد على نفسه واذا توظف يشتري سياره غاليه انتي الحين اشتري له سياره صغيره وسعرها معقول مو مره وحده سياره بسبعين الف

وش رايكم في اهلي والله جننوني

ياليت تردون وماتطنشوني

امم انا قريب من اعمارهم عمري 14 لكن عادي انا اسهر و 24 ساعه برا البيت بس 4 او 5 ساعات فالبيت لكن ابوي قال لي انا اثق فيك و من هالكلام فصار يخليني اطلع مع ربعي او عمامي ونروح البر و و و ...

انتو حطو له حد يراقبه من عمامه او عيال عمامه يرافقه و يروح مع ربعه و يشوفه شيسوي شمايسوي

يا اخوي المسأله مو مسئله ثقه

الدنيا صارت تخوف حتى على الكبير تخاف وانت تقول انو تطلع مع اعمامك يعني ناس ثقه

لكن المشكله انو احنا ماندري وين يروحون ووين يجون ومافي احد يراقب من وين اجيب احد يراقبهم وامهاتهم راضين بوضعهم

والله يا أختي أقلك اياها بصراحه ...انا مهندس اتصالات وأبراج وشغلي يبدأ في أكثر الأحيان الساعه 9 باليل وانتهي منه الساعه 9 الصبح ........شغلي فوق بيوت الناس بأبراج الإتصالات وكل ليله بحي شكل وبيت شكل ....الان في هذه الأيااام مع عطلة المدارس لا حظت اللي تحكي عنه ...والمشكله النسبه الكبرى منهم تحت 18 سنه والله نشوف منهم شوفااات اشكال وألوااااان ............انا كل ليلة اسئل نفسي هالسؤال وييييييييييييييييييييييين أهلهم ...يا اختي الاسف الشديد شعار الاهل هذه الأياااااااام خلف وزت(خلف وارمي)....يا اختي بارك الله فيكي لاهتمامك وشكوك بمحلهااا وما بدي ازيد في شكوكك لأنه عنجد تصرفاتهم وأعمالهم بهاليل خطر وجرم بحقهم وحق اهليهم

المشكله انو اهلهم موجودين وراضين

والله معك حق الدنيا من جد صارت تخوف مشاكل الإستراحات اللي ماتخلص و المخدرات والحشيش والعلاقات الشاذة صارت منتشره بشكل عجيب
الحين رجال كبار و متزوجين يدخلون في هالمشاكل كيف شباب في هالسن الحساس يتركونهم بلا مراقبة والله يااختي احرصي على نصيحتهم واذكري لهم القصص اللي تحصل في المجتمع يمكن يصحون لأنفسهم قبل لا يطيح الفأس بالراس وفي هالعمر مايحتاج سيارة ان كان ماله حاجة ضرورية فيها ترى الدلع بهالطريقة يخلي الواحد ينحرف بالغصب..
الله يهدي شباب المسلمين

__________________

بعد يمكن انهم يسوون بلاوي !!

لان ذيك المرة كنت سهران مع ربعي الا واحد منهم يطلع من جيبه زقاير و يقول من يبغى الكل خذى انا خذت لكن خفت يشمون فيني ريحة و تذكرت كلام ابوي يوم يقول انا اثق فيك و تراجعت و استاذنت و رحت المجلس !!

يعني لازم تحسسونه بانه محل الثقة

الدخان انا متاكده انه يدخن هو وولد اختي وامهاتهم عافين بس يهاوشونهم وهم ينكرون والامهات يسكتون ما ياخذون موقف منهموانا خايفه عليهم يضيعون

وين الردود