السلام عليكم ورحمة الله
ببدا مباشرة بالموضوع
راح اكتب الموضوع بكل عفوية يعني بدون تنسيق وترتيب
انا متزوجة من خمس شهور عن غير قناعة يعني بالغصب على واحد قريب من بداية زواجي وانا ابدا مارتحت له نهائيا هو رجال طيب وحنون احيانا بس يعصب بشكل فظيع وعليه حركات غبية
اول ليلة لنا ما عدت على خير فصارت عندي ردت فعل تجاه هالشي ( فاهمين شقصد صح ؟) وكنت اعاني بسبب هالشي
هو قال انه بيتركني لحالي وما راح يفكر بهالشي حتى انا نفسيتي ترتاح واتعود الجو ولو استمريت شهر لقدام حسب كلامه بس بنفس الوقت قاعد يضغط علي لان شلته (اصدقاءه) يقولوله خلص على عمرك من اول ليلة ( كني بطير من ايدينه ) وهذا الشي بصراحة كرهته كرهته كرهته وكلمته عن هذا وقلتله ان هذا بيني وبينك ومحد ثاني له دخل بيننا
انا بجد مو عاجبني ان اصحابه يتدخلون وهو يسمع منهم وينفذ علي , بالاخير مشيتها له هالنقطة .....
(وصارت) مع انه ما كان فيه اي تجاوب مني .
لاحظت عليه بعد كثرة العادة السرية مادري اذا كان هالشي طبيعي ولا شي عادي ولا مادري
مو مهمة هالنقطة
باول ايامنا طلب مني طلب بجد فجرلي راسي
قالي يبي يتصور معاي وانا بدون ملابس .. جنيييييييييت قلت هذا شفيه ؟ اكثر شي انزعجت منه ان هو واحد يسمع لربعه واي كلمة يقولوها ينفذها وانا بصراحة خفت ليكونو هم اللي طلبوها . يمكن تستغربون شكي بس هو قالي ربعه مستاجرين شقة ويسوون فيها رقص ... فمادري خفت ليكون وراهم بلاوي.
المهم انا من بعد موضوع الصورة وانا خلاص واصله حدي كرهته بكل ما فيه
وحتى من كثر ما لاحظ علي اني صرت ماطيقه سألني تبين تتطلقين ؟؟ فأنا قلتله ايه ابي اتطلق .. طبعا قلت هالشي عن غير وعي لاني كنت بحالة مو قادرة افكر . بس ما طلقني
نسيت اقول ان شغله بعيد شوي من منطقتي فهو يروح لشغله ويجي 3 ايام كل اسبوعين او ثلاثة
فمرة من المرات اللي جا فيها جاب لي معاه صورته يوم كان في بتايا وحطها عالطاولة انا كنت ادري انه راح لـ
ـ.......... قبل لا يتزوج بسنة تقريبا . وايش راح يجي على بالكم لو سمعتوا بشاب عزوبي راح لـ
...... ؟؟؟؟؟
عموما انا قلت هذا ماضي وانتهى وانا ماعندي شي يثبت , لكن يجيبي صورة ؟؟ ليش ما يراعي شعوري ؟؟ وانا فعلا قبل لا شوف الصورة , اثناء( النوم ) كان يقولي كلام فيه مقارنة ( فاهميني؟ ) فأنا شكيت لا يكون مجرب ؟؟ وسمعت منه كلام كثير يخليني اشك انه فعلا مجرب .
مرة كنت عند اهلي وكان هو جاي بذيك اليوم
انا ما لقيت احد يوصلني لبيته على اساس انه جاي
فقلتله يجيلي ,,,,,,, الوقت كان شبه متأخر تقريبا 11 بالليل فكان مبين عليه انه معصب ليه ما رحت للبيت من العصر او اي وقت ابكر شوي . هو مسوي فيها تعبان وجاي من سفر ومادري ايش .
المهم بعد ما (خلصنا) جاله اتصال من صديقه .... المكالمة كانت قصيرة سمعت منها وهو يرد على صديقه : خلصت . قلت فنفسي وهو شدخله ؟؟ بعد الاتصال مباشرة طلع لعندهم للشقة (قلت هذا اللي شكله تعبان؟؟ ) . بس رجع دخل الغرفة مرة ثانية لانه نسى شي ,, فشفت بايده كرتون السجاير ...... انا حسيت وقتها اني زي النعال خلص منه ورماه , او وحده قاعد تبيع نفسها , مو كني زوجته . وكرتون السجاير زاد من همي.
بدت خلافاتنا تزيد وتزيد , صرت ما طيقه ويجيني اكتئاب اذا هو جمبي وماقدر انام اذا كان عندي صار زي الحاجة اللي اشمئز منها. في مرة كنت اكلمه عالتلفون , قالي ان صديقة يوم تزوج , مر عليه شهرين ومرته ماحبلت ( انا قلت طيب هم تو الناس >> كنت مبققة عيوني) المهم كمل كلامه فقال : راح الصديق هذا وسوى لنفسه فحص للحيوانات المنوية وطلعو سليمين والحين مرته حامل ( انا قلت طيب ؟؟؟؟؟؟؟ هذا غبي ولا شنو ؟؟ كنت اقصده هو يعني زوجي .. وربي صديقك غبي يعني هو تو الناس يا دوب مر شهرين)
كمل كلامه قال : وانا بعد سويت فحص وكل شي مية مية ( معناها انه لو ما صار حمل يكون انتي السبب ) قلتله انا مالي دخل بصديقك يسوي اللي يسويه وانا اساسا ما شكيت فيك ولا شي وحنا يا دوب كملنا شهرين . يعني هالولد كل مرة يطلعلي بنوع من الجهالة او مادري شسميها .
مثل ما قلت الخلافات بتزيد وانا قررت اطلب الطلاق , صرت ماطيق اسمع صوته , استخرت وحسيت فعلا ان الطلاق راح يريحني , وانا اساسا كنت رافضة الزواج مو عشانه هو السبب , لا انا كنت رافضة فكرة الزواج ككل كنت عارفه اني مو مستعدة للزواج ومو مستعدة اتحمل مسؤولية لكن الوالد اصر .
بالاخير
انا قررت الطلاق , استخرت ومازلت ابي الطلاق , لكن بنفس الوقت مابي اتسرع لاني اخاف اندم . شرايكم ؟؟؟؟؟؟
17-12-2009, 10:07 PM
ضوابط المشاركة
العرض العادي
