الحمدلله الذي بنعمته تتم الصالحات ..
اخذت اجازتي اخيرا ،، و حددنا موعد الزواج بشكل نهائي ..
لكن الوالد مارضى انى اخذ اجازه < عنده تقديس كبير للعمل و يعتقد بعد انى بتركه
فقلت له ان هذا راي ابراهيم و هو اللى جاب لى الاجازه ..
طبعا انا اللى جبتها مو هو ، هو فقط ساعدنا بامور بس كل السالفه منى انا ..
عرف الوالد بس مدرى كيف عرف انه انا ..!
راح يسالنى كيف سويت ؟ و ليش كذبت عليه ؟
وجلس يتكلم علي و محاضره طويله و عصب من ردى عليه و من انى رحت للمسول بنفسي
و مع الكلام قلت له انت مالك كلمة علي .. عصب و ضربني < اول مره بحياتى يضربنى !
انا انفعلت و حلفت ماجيه مره ثانيه و لا عاد يشوفنى عمره كله و كم كلمة قلتها ورحت
بعدين ابراهيم راح له و حدد موعد الزواج ..
ومن العادات انه قبل الزواج بفتره تكون فيه ليله مصغره ببيت الاهل < بيت ابوي
انا الغيتها و قلت انى ما ابغاها و تحججت بكدا حجه .
بس ابراهيم مصرين عليها طبعا هو مايعرف شيء عن اللى بيننا ..
مو عارفه كيف الغيها ..! وموعدها قريب بعد اسبوعين تقريبا ..
هل احاول جد اقنعه مع انى عجزت فيه
او ماحضرها انا وهذا صعب و عيب بحقي انا
استسلم مكرهه و ارضى فيها .. و دا صعب علي ..!

بكره الصباح إن شاء الله

تروحي تسلمي على رأس والدك ويده وتقولي له أنا آسفة وما راح أمشي ألين ترضى علي

إذا سويتي هذا الأمر .. باقي الأشياء إللي في موضوعك راح تتحل تلقائي ومايسير عندك مشكلة


بارك الله فيك

فيه وحده تقول لابوها مالك كلمه علي ...!؟ وفوق هذا تبين التوفيق بزواجك ...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

الله اكبر اول مره في حياتي اشوف شخص يسوي كذا مع ابوه وبعد تعترفين تقلين لابوك مالك كلمه عليه تمر الايام يجيك عيالك يسون لك كذا بس سؤال لاحظت شي غريب فيك مدري خلال بعض ردودك وكلامك وتصرفاتك مدري انتي صغيره في العمر ولا جهل في الحياه ولا سذاجه فيك ولا ايش اسميها

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

مسرع تزوجتي وانكرتي افضال اهلك
اجل مالك سلطة علي !!! << برأيك مين له سلطة عليك غير ابوك
كلامك هذا يندرج تحت عقوق الوالدين
انتبهي انتبهي على تصرفاتك وخاصه والدينك احترميهم
هم من تعبو عليك وربوك ووصلوك لهذه المرحلة

__________________

سؤال : مين اللي له كلمة عليكي؟

وياريت تسهبي فيها

من ناحية :
الشرع
القانون
العُرف
نفسيتك الداخلية

__________________

كيف تطلبين التوفيق وانتي تقولين كذا لابوك
حتى لو يقطعك
وهو يبغى مصلحتك وكل هواشه لك عشان مصلحتك الشخصية

تركتم الموضوع الاساسي و علقتم على جزئية !!

اسلم على راسه ويده وهو ضاربني !!