السلام عليكم


مقبل على خطبه و انا معقد جدا تجاه هذي المسالة
السبب هو خوفي ان اظر او احطم نفسيه الفناة اذا رفضتها او صرفت النظر عنها

الخطبه لدي لا تعني الزواج ابدا هي طريقه للتعرف على الاخر
كان ودي بدون خطبه لكن هذا غير معمول به في مجتمعنا ......!
المهم
هل اضر الفتاة اذا رفضتها او صرفت النظر عنها بعد الخطبه او لا
هل تتأثر نفسيتها بالسلبيه ام انها تقتنع انه لانصيب او انه لايوجد تكافوء بيننا

ارجوكم بدون مجاملات ابي ردة الفعل الطبيعيه
حسب علمي انها تتحطم نفسيتها خاصه اذا اعجبت بالخاطب وهذي مصيبه ما ابي تصدر مني
سبب الرد لايمكن ان ابوح فيه لاحد
حتى الاهل لانه خاص

وعليكم السلام ورحمة الله وبركاته ....
والله كنت أبقوم أصلي ،،، بس موضوعك جذبني ..
شوف يا أخوي توني طالعة من هالتجربة البايخة .... السخيفة ....
بتتأثر .... وبتنحرج قدام أهلها ...
وبيزيد عليها الموضوع اذا أهلك جايين وشافوها وكانت وفق مواصفاتك ...
وتجي أنت ولا تدخل مزاجك ,,,,,
ارحمونا ياشباب .... ترى الموضوع مو سهل .. الا اذا كانت الوحدة تكشف فهي ماراح تهتم ... لكن اللي بنقابها وش حليلها يجي هالخطيب يطل في وجهها ويروح ليش ؟؟؟؟ طيب ليش ؟؟؟ قبيحة ؟؟؟ أكيد لا ؟؟
الشباب اللي يقولون ابتسم عشان ترتاح ... لا تبتسم الا اذا أعجبتك ... لأنها بتأمل وبالأخير بتجيها نوبة بكاء .. والسبب ابتسامتك الساحرة ...
واذا ما أعجبتك من بكرة ارسل رسالة لأبوها أخوها .,,, وأعتذر ... لا تخلي الموضوع مفتوح ... انهيه عشان ما تطول بالأمل الضعيفة ..... وربي بيخلف علي وعليها " لا سمح الله في حال استقبحت شكلها " الرجال الصالحين الفالحين ....

الله يوفقك وييسر أمرك وان شاء الله ماتكسر بخاطر ولا وحدة يارب ....

اضافة ... فيه غيري بيجي يقول .... مالت عليه ،،،، أصلا هو الخسران ،،، واللي جابه جاب غيره ... ومن هالحكي !!!! للأسف أنا ماقد قلت هالكلام .. والحمدلله على كل حال ... وفعلا هو الخسران

ليه الشيخ ابو نوره التميمي يبي تعارف غير شرع الله يبيها بساط احمدي
هداك الله يااخي احنا نطبق الشريعه الإسلاميه وديننا لا يسمح لنا بهذه الطرق
بل امرنا بغض البصر وطرق البيوت من ابوابها
شرع الله سبحانه وتعالى ليس تخلف التخلف هو ماتتمنا ان يكون معمول به في مجتمعنا


مااستنتجته من كلامك انك غير مقتنع بتاتا بهذه الخطبه او انك مجبر على هذا العمل
بدون علم البنت ولا اهلها عن نيتك بعدم الإرتباط بهم
اذا مو مقتنع بالبنت او اهلها او متردد من مصاهرتهم لا تقدم لهم من البدايه
اذا كان استنتاجي خاطئ فلما هذا التفائل والإشمئزاز ؟
تفائل بالخير ياأخي وسم بالرحمن واعقلها وتوكل

وفقني ووفقك الله

اخي الكريم اختي غدا أفضل اختصرت علي الكلام وقالت اللي بنفسي ....

__________________
الدراسة مقبلة دعواتكم

يا هلا وغلا بالغد الافضل ان شاء الله
..... الاشكاليه ماهي بالشوفه يعني مو مجرد اني شفتها اقول مابيها
لا لا الله يهديك المسألة ماهي بهالبساطه والسخافه و السطحيه
ابي اعرفها وابيها تعرفني ونتعرف على بعض اكثر واكثر بعد الخطبه
فبعد هذي المرحله والي ما ادري كم مدتها ,, اكيد اني رايح اقرر هل ابيها زوجه لي ولا لا
وهي كذالك رايح تقرر هل تبيني زوجا لها ولا لا
و امر الزواج مهم وخطير بنظري فهذا يبني اجيال وانا امام مسؤولية كبيرة في الاختيار
وكذالك البنت ايضا عليها مسؤوليه كبيره ايضا
المسألة ماهي انا خسران او هي ربحانه الله يهديك لا تكون طريقة نظرتك للموضوع بهذي الطريقه السطحيه ,,, او ربما ان طريقة عرضي للموضوع كانت ناقصه
مقصدي هو بعد التعارف و التقارب بيني وبين الفتاة خطيبتني
هل تتأثر بعد ان اغير رأيي و ااصرف النظر عنها ولا لا ,,,
ولاهو معقول اني احكم عليها من شكلها انا عاقل وفاهم واقدر الموضوع حق قدره
المسألة تحتاج لتوافق وتكامل وتجانس ماهي شختك بختك ولا سوالف الاولين
انا مشدد جدا في مسألة التقارب و اتمنى اني اقدر اتعرف عليها بدون خطبه لكن المجتمع وضعه ما يسمح خاصه انه للاسف بعض الشباب ماخذينها لعبه
فلذالك لاباس من الخطبه والتعرف وهذا هو سبيلي الوحيد للتعرف عليها
لايعقل ابدا ابدا ابدا اني اتزوج توؤم الروح وزوجه العمر لانها معجبه اهلي او موصفاتها كذا وكذا
هذا غير مقبول عندي ابدا ... فإما ان اتعرف عليها واذا اعجبتني كزوجه الحمد لله والا صرفت النظر وبس ,,, وكذالك هي تسوي نفس الشي يمكن ما اعجبها او ماني على مزاجها فترفضني وتصرف النظر عني ,,, وانا عادي جدا اتقبل وبصدر رحب لانه حقها
المهم هو اني ماسبق وخطبت و اتوقع اني ماراح اتزوج ولا بعد 5 خطبه والله اعلم ,,, اتمنى ان مشروع زواجي يفلح من اول خطبه لكن ما اعتقد لاسباب كثيره

النظره الشرعيه معروفه والاصل تكون قبل الخطبه
بعضهم يحب يشوفها بعد الخطبه مثل وقت الملكه
وبعضهم مايشوفها الا يوم عرسه - عاداتهم تقتضي هالشئ ..

الامر اكون فيه احراج وقلق وتوتر ... ولان الاصل فيه زواج
مافيه ابد شئ اسمه مجاملات .. الاكيد النفسيه بتتاثر للاثنين
وللبنت اكثر .. بس يرفضها ارحم من يوافق ع مضض وبكره
يطلقها بعيال الامر لاتتحكم به العواطف بشكل عام .فالعقل سيد الموقف ..
وبعدين بصراحه مو حلو ابدا رجل يقبل بي عشان مايكسر خاطري ويرفضني
ابيه يقبل بي لانه مرتاح لي لاني نلت اعجابه مو كسرت خاطره ..!!
والبنت المؤمنه الواثقه من نفسها ممكن تتاثر بس مو تنهار ..
وعارفه كل شئ نصيب ولكل شخص نظره وقناعه ممكن اعجبه وممكن لا
ويمكن يعجبني وممكن لا .ولايعني بالضروره اذا عجبته لازم يعجبني
. والخيره فيما اختاره الله ..

بالمناسبه .. من العادات هنا لبعض المناطق اذا جا يشوف البنت نظره شرعيه
يدفع مبلغ معين - طبعا مو اقل من الفين ولا اكثر من اربعه - مع هديه طبعا للبنت ..
ويشوفها .. بعضهم بنفس اللحظه يتم القبول او الرفض وبعضهم بعد اسبوع ..

واعرف منطقه وقت الشوفه يجيب معاه الشبكه ..- طقم الذهب -
ويشوف البنت ان عجبته يخلي الشبكه .. وان ماعجبته يستاذن وياخذ معاه الشبكه
يعني الله يعين البنت بتقعد عينها على الشبكه
واحد سوى العكس ومن الربكه نسي الكيس ورجع لاهله بدون الشبكه وانحرج وتزوجها

موفق يااخوي ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

توك تفصل للموضوع وتوي افهم قصدك لي عوده ان شاء الله ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

حي الله الذرب ابوشنان ياهلا وغلا والله
يالغالي سم ابوضح لك بكل جزئية:
قولي لايعني ابدا مسألة الشرع ... سبب تحرجي من مسألة الخطبه هو اني ما ابي اضر البنت او اكسر عواطفها يابن الحلال افهمني
انا اسعى للتعرف عليها وتتعرف علي عن قرب .. كنت اتمنى لو ان مجتمعنا يسمح لي ولأمثالي من الجادين انهم يتعرفون على بناتهم بحدود وضوابط شرعيه
مثل : ان اكلمها بعلم اهلها , او ان اجتمع معها بحضور امها او اخوها, او اجتمع معها بحضور امي وامها الخ
المهم اني اجلس معها و اسولف و اشوفها وتشوفني وتحاورني واحاورها بكل اريحيه بدون اي تحرج وبوجود احد من اهلي او اهلها او بهما جميعا
هذا اشوفه من التخلف عدم العمل فيه لانه وبساطه يجعل الشاب يتحرج من رد الفتاة ويقبل على زواج ماهو مقتنع فيه ,,, وكذالك الحالة تصير للبنت ربما تتعرض للتوبيخ ليش ترفضينه وعيب وفشيله وكلام فاضي
مسألة الزواج مهمه جدا وهذا الارتباط للاسف مأخوذ بإستخفاف كبير جدا من غالبية مجتمعنا المتخلف
واذا قلت متخلف هذا لايعني اني لست منهم ,, انا اقدر بأني لبنه تخلف للاسف الشديد و احوال ان اجتث نفسي من هذا التخلف و اهم خطوة و اخطرها هو الزواج بالطبع لذالك انا مهتم بمسألة التعرف عليها و ايجاد التوافق بيننا واذا ما وجد فلا مانع لدي ابد من صرف النظر سواء عني او عن الفتاه

مثل مابينت لك انا بالعكس اشدد على طرق الباب لكن اذا لم يحقق مطلبي بالجلوس مع الفتاة والتعرف عليها والتعرف علي ف الشكوى لله لازم اخطبها مع ان الخطبه تعتبر خطوة كبيرة ما يجب ان تكون بدون جزم وعجزم على الزواج من الفتاة او انها تتزوج بي


كما بينت لك يالغالي انا اعد الخطبه خطوة كبيرة جدا على مشوار الزواج ,, يابن الحلال انا ابي اعرفها وابيها تعرفني قبل الخطبه ان حصل ,,, وكما بينت لك عادي جدا يا اخي اجلس معها وتجلس معي بوجود امها و امي او اخوها الي هو ,,, المهم اننا نتعرف على بعض وان كان نصيب خطبنا ولا
ياناس الشكل عادي جدا عندي اهم شي فكر البنت ام عيالي هذا هدفي والي مايقدر لا اهلي ولا اهلها تبيين فكرها لي او مدى مناسبتها لي
انا جاد ومن جديتي اني ما ابي اخبط وانا اعرف ان البنت تبي تتأثر اذا رديتها
اما اذا ردتني فهذا من حقها ,, واتمنى انها تفهم انه من حقي لكن الشكوى لله ,, مجتمعنا مريض وعليل ,, خطبت فلازم تتزوج للاسف ونا ولاجل هذي المسألة مغرز


انا مبدئيا مقتنع فيها حسب الاوصاف الي نقلت لي لكن لا يعقل اتزوجها بنائا على وصف
هذا غير معقول ولا مقبول ابدا ابدا ابدا و بنظري تخلف وسطحيه
انا متحمس وارجوا من الله انها تكون من نصيبي وتكون وفق تطلعاتي ,, واطمع بالقرب من ال فلان لكن يابن الحلال ماعرف البنت بطبيعه الحال ما اعرفها ,, فلازم اعرفها وتعرفني
اعقلها وتوكل انا معك لكن هذا النص الحديثي يجب ان نلم فيه و ننزله على موقف يقارب له ,, فإنزالك له هنا لا شان له بالموضوع ابدا ولا عنيه ابدا ,, اعقلها وتوكل اذا وجدت التوافق بيني وبينها ,,, اما اني اسمع عنها اوصاف طيبه و كوني اطمع بالقرب منهم وبعد ان اشوفها ,, اعقلها و اتوكل ههههه هذي سطحيه لاتعقل ابدا ,, لابد من التعارف والتقارب
هذا من حقها ومن حقي ,, لكني متخوف جدا من مسالة اذا رفضتها او ما اعجبتني انها تتضرر ,,, وهذا صراحه الي معقدني في مسالة الزواج
انا فوق 25 ولاعمري خطبت ولا فيه امل اظاهر اخطب الا في هذي الحالة
حالة اني اتعرف عليها قبل الخطبه ,,,فالظاهر هذا قراري عشان لا تتخطم البنت ولا شي
وكما بينت اتعرف عليها بحدود وضوابط الشرع لاشك ولاجدال في الامر ابدا ,, ولا اشكال ابدا بتواجد امها وامي معنا في مجلس اتحاور فيه انا والبنت بتواجدهم وتحت اعيانهم
من ناحيتي هذا هو المفروض يعمل فيه في مجتمعنا لخلق مجتمع متجانس و ازواج متوافقين و اجيال بنائه تتربى في جو مستقر و بيت حميمي دافئ صريح وواضح وجريئ



اللهم امين واياك والقراء و عموم المسلمين
والله ياجماعه الخير لو ماني مهتم بالموضوع ماطرحته ولا كثرت الهرج فيه مثل منتم شايفين
وانا شاكر ومقدر كل بنت بالذات وكل رجل يساهم في توضح رايه او الرد علي او المساهمه في المووضع
يشهد الله علي ان هذا حالي ولاعمري خطبت بسبب هذي الاشكاليه العويصه بنظري ونا بسبب اني فاهم ومستوعب حساسيه الفتاة ما ابي اخش في مرحلة الخطوبه لانها خطوة كبيرة يا ناس ,,, واني اتمنى اني اعقلها واتوكل من اول مره لكن هذا مستحيل بنظري
الام والاب والاخ والاخت والعم والخال الخ لايمكن انهم يختارون لي فتاه العمر ,, هم فقط همزة وصل ومحاوله منهم للتقارب بيننا فإن حصل نصيب الحمد لله وان ماحصل فالحمد لله هذا حقي وهذا حقها وهو حق الامه علينا بان نخلق مجتمع متجانس متوافق مترابط لي ولأبنائي وابنائها واحفادنا وللامة انا افعل هذا الشي
لو كانت اطماع دنيويه والله ماهي صعبه علي لكني والله اعلم بما يجول في خاطري ما حملت الموضوع حقه الا بسبب الهم .. لا ازكي نفسي فيني مافيني والله يغفر لنا ولكم لكن هذا مالدي وحبيت اوضحه حتى ما يسيء بعض الاخوة الله يهدينا واياهم الظن فيني
وهم معذورين لاشك بسبب الجيل الهابط السخيف المنحط للاسف الي نشوفه سواء من الشباب وهم الاكثر او الشابات الله يصلحنا واياهم
الله يوفقني واياكم لكل خير

تفائل بالخير ... صح مو كثير البنات المثقفات والمطلعات بس موجود وان شاء الله تتوفق في بنوتة تكون مفصلة تفصيل على كل شروطك ... بإذن الله .. موفق أخوي .. والله يرزقك ماتتمنى وأكثر

ياهلا بالأخت الفاضله لاتظلمونه الله ينصرك وينصر بك عباده
مداخلتك طيبه و ممتازه بالحيل الله يزيدك من العلم والفهم والحكمه
فتحتي عيني على مسألة اني اجلب لهم هديه بسيطه خلال مرحله التعرف -الي يسمها البعض خطبه او انها يجعلها من خلال الخطبه وهذا خطأ عظيم بنظري- و بالهديه ربما انها تكون اهون عليها مسأله غض النظر عنها
انا والله مقدر الاشكاليه عندكم يا البنات وعارف انكم بتتأثرون لاشك خاصه اذا كان الرجل بنظركم مناسب وممتاز ,,, المشكله اذا هو ما يرى ان هذي البنت هي خياره
يعني الحاله هي كتالي:
-البنت تشورف الشاب و يعجب بها ايما اعجاب من كافه النواحي بعد التعارف بينهم لكن البنت تتردد وترى ان الشاب ما ينفع يكون زوج لها لاسبابها الخاصه ,, في حين رفضها له او صرف النظر عن الشاب ,,, الشاب وبكل اريحيه يتقبل و ينصرف بحكم انه رجل
-نفس الحاله لكن في هذي المره الشاب لا تعجبه البنت ,,, هنا اشكال
هنا الحساسيه الي ما ابي اضر البنت فيها وهذا الي انا متخوف منه الان
ما ابي اجرحها ولا بشعره ,,ولا ودي اتصنع لها و ابين لها على غير ماتبي مني
لهدف ان تصرف النظر هي عني (مع اني صارف النظر عنها) لكن ما ابيها تجي مني ابيها هي الي ترفضي ولا ارفضها وتتأثر
والله ودي القى حل اتمنى لو اني اقدر اتصنع بس ما اقدر اعجز مستحيل,, ثمن حتى لو يمكن في بعض الاحيان تقول عادي الشكوى لله ولو ابيه
هنا ماعاد ينفع الا ان صرف النظر يجي من طريقي وهذا الي ما ابيه ,,
لكن مثل مابينت الاخت الفاضله "لاتظلمونه" يمكن الهديه تغير من الموقف شوي ,, المهم ان فيه شي يعني يهدي خاطرها ,,, مع اني مازلت ماني مقتنع اني ارفضها صعبه والله

ماشاء الله عليك يا "لاتظلمونه" والله ماقصرتي في المداخله الطيبه هذي ,, مسألة الهديه او مايقارب الشبكه حلوه ومناسبه مع بقاء ان الموضوع حساس بتأثر الفتاه
ودي لو ان انها تسوعب هذا الامر لكن بطبيعه نفسيتها ما تقدر تتخطى هذا الشي بدون تأثر وهذا بلاي ,,, والله مليت صراحه امي قطعت قلبي ابوي اخاوني والله احدهم بكى يقول تكفا تزوج ,,, موقفي حساس جدا ولا ابي اتزوج على مزاج الاهل نهائيا
ولكن مجتعمنا ظالم جهول ,, يبي الحسب والنسب و هالحسب والنسب صعبه تردهم بعد الخطبه
وانا مااقدر اتعرف عليها قبل الخطبه ,, فلو خطبتها وتعرفت عليها و نسيت امر سلم الاهل و اعرافهم وتقاليدهم في مثل هذي الضروف والله ما تهون على البنت والله ولذالك انا احس اني صاير هم لغيري مليت والله طقت معي من هالوضع الغبي
ياليت لو مؤسسة ابن باز تساهم في تعارف الازواج قبل الزواج ياليت والله ,, او مثلا يكون فيه برنامج حكومي وفيه المشايخ مشرفين عليه يساهمون في التعارف بين الشباب والشابات لاتهمني الطريقه بقدر مايهني الهدف المنشود
ومره اخرى شكرا جزيلا على مداخلتك الرائعه