السلام عليكم ورحمه الله وبركااته

كيف حاالكم يااعسولات وكيف البرد معااكم


بنات بنت زوجي ساكنه بيت جديد وابي اروح لها اقهويها واهدي لها

ابي رايكم بالهديه يوم سكنت في بيتي جابت لي صندوق كبير وفيه سجادات
في حياتي ماشفت مثلها 5 سجادات والوان تطير العقل حتي ودي اسالها من وين جابتها
كل من شافها عندي انهبل عليها شكلها شغل يد

عاد ودي اهدي لها حاجه تفيدها وتكون مميزه هي عازمتنا الاربعاء وبيحضرون خالتها وبناتهم وهم دايم هدايهم غريبه ومميزه

ابي حاجه تفيدها وبنفس الوقت غريبه حركتها

تكفون لاتبطون علي عشان يمديني اجيب لها

الميزانيه 500ريال دورو شي سعره منطقي

معلومه جانبيه
عندها بنتين تؤام مابعد ظبطت غرفتهم مره

ابجورات

مفارش سرير

لوازم مطبخ .. كاسات .. بيالات .. ترامس .. خلاطة مولينكس

شنطة ملاعق وشوك وخلافه ..

هاذا اللي عندي على حسب ميزانيتك ..

__________________

يااحبيلك يااشيخه

بس هذي الاشياء عندها ولاهي غريبه يعني ممكن اجيبها وماتستفيد منها
ودي بحاجه يعني تكون غيرر وتفيدها

مااقصرتي ياعسل

حوض سمك ^^
او لوحة مميزة

اعجبتني فكرتك ياروح
قد شفت عند بيت خالهم حوض سمك يجنن وشكله انيق

طيب وين احصله ايش المحلات اللي ممكن الاقي فيها بالرياض

بنات مازلت انتظر افكاركم

ما افضل فكرة حوض السمك لانه بـ 500 ريال ما رح تحصلي على نوعية ممتازة من الاحواض والاسماك

في فكرة عندي وهي الاستكانات واطقم التقديم اللي مكتوب عليها اسم العائله او اسم صاحب البيت

ومبلغ 500 ريال ممكن تجيبي فيه طقم 12 حبة من كاسات الشاي والقهوة

__________________
هدية Beta لكم موضوع يحتوي روابط كل مواضيع والدنا المستشار الفاضل رجل الرجال
http://www.66n.com/forums/showthread.php?t=227929

بطانيات لبناتها حلوات وحتى لو كان عندها تغير بها وتبقى ذكرى
فيه محلات البطانيات في العويس والتوفيق روعة وسعر النفر تقريبا للفرد
ماركة تريكس
وفكرة بنت ابي مره روعة ويليت اختي بنت ابي تقول من وين

الله يسهل امورك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

هلا اختي سحابة الصحراء

والله ان الفكرة هذه اعتقد موجوده بأكثر من كان ويسوونها حسب الطلب

اكثر شيء لقيتها بالمعارض اللي تقام وانا شخصيا عندي صديقة هوايتها هالشيء وتسوي بالبيت وتبيع لكن اللي جبت صورهم من النت حاولت القى مكان بيعهم بس ما عرفت الاخت صاحبة الطلب هي وين ساكنه.

__________________
هدية Beta لكم موضوع يحتوي روابط كل مواضيع والدنا المستشار الفاضل رجل الرجال
http://www.66n.com/forums/showthread.php?t=227929

بنت ابي الفكره مرره روعه
وين الاقيها بالظبط انا بالرياض

كيف اوصل لصديقتك وكيف اسعاارها؟؟

تكفون ابي اكبر كميه من الافكار مافيه وقت

وراكم جحدتوني يابنات هذا وانا طالبه فزعتكم

مارحت لها تعبت واعتذرت بس تكفون ابي رايكم مره محتاره ماجبت لها شي
ودي ازورها هالاسبوع اخاف اولد مابعد جيتها