متى يصير التبويض بالضبط - منتدى عالم الأسرة والمجتمع

22-04-2009, 10:52 AM

أم هيَا

عضو نشيط جدا

تاريخ التسجيل: Mar 2009

المشاركات: 214

متى يصير التبويض بالضبط

بسم الله الرحمن الرحيم

السلام عليكم ورحمة الله وبركاته

عندي استفسار مجنني وملخبطني وأتمنى تفيدوني

يا بنات الحين دايما اقرأ ان التبويض يبدأ باليوم ال14 فما فوق

طيب اذا هالكلام صحيح .. كيف بعض النساء يحملوا بعد الدورة على طول !!!!

وهو بالأصل بويضه وحده كل شهر ؟؟؟؟ معقولة ؟؟؟ وقريت ان عمر البويضة يكون من 12 ل 24 ساعه

طيب وبعدين وين تروح والدورة لسه ما جا وقتها ؟؟؟؟؟

بحثت وقريت بس اتلخبطت أكثر

أتمنى حد منكم يفيدني بكلام مبسط لأني خاطري أفهم آلية التبويض بالضبط

تعرفوان ايش اللي خلاني أفكر في هالسؤال...

زوجة أخوي كانت من كم يوم تقولي عن حملها

هي ماشاءالله ولدت خلاص الله يخليلهم ولدهم

المهم .. هي حملت السنة الماضية بشهر فبراير

طبيعة دورتها 3 أيام بس من يوم تزوجت صارت كذا .. ومنتظمة ..

انزين يا بنات ..بعدما طهرت من دورتها .. صار جماع على طول بتاريخ 14 فبراير

وحسيت بأعراض وراحت للطبيبة وفحصت بتاريخ 8 مارس يعني بعد أقل من شهر

وطلعت حامل ... والطبيبة حسبتلها الحمل صار بتاريخ 14 فبراير .. يعني بأول جماع بعد الدورة!!

قلتلها كيف يصير كذا اللي اعرفه التبويض يجي في ال14 للدورة !!!!

أنتظر ردودكم لأني احترت

على فكرة بعد كلامها انا قلت خلاص مارح أحسب لا تبويض و لا غيره واذا الله أراد بحمل

في أي وقت

__________________

التعديل الأخير تم بواسطة Crestalla ; 22-04-2009 الساعة 09:20 PM

22-04-2009, 12:31 PM

سمو الأميرة

موقوف

تاريخ التسجيل: Sep 2006

المشاركات: 2,454

فعلا ياهيا لا تحسبي تبويض ولا غيره ..

خلي الحمل طبيعي وفي أي وقت ..

راح أجاوبك باللي أقدر عليه .. هناك علامات للتبويض وهوا نزول سوائل شفافة .. وتكون مثل زلال البيض ..

هذا معناته تبويض .. أما السوائل الصفرا والغير لزجة هذا مو تبيوض

التبويض يختلف وقته من وحدة لوحدة لكن عموما يكون في منتصف الأيام بين الدورتين ..

تحديدا لو دورتك كل 30 يوم يكون في اليوم ال 15 ..

وبرضو مو شرط .. في ناس يقدم أو يأخر .. لازم أنتي تتابعي بمراقبة السائل اللي ينزل من المهبل ... حتى تعرفي

متى تبيوضك بالضبط ..

حاليا حبيبتي أنتي لأنك عروس خلي الحمل يصير بأي وقت .. أيام التبويض وغيره ..

في بعض الحريم يترقبو يوم التبويض بالذات لأنه في هذا اليوم يرجح أن يكون المولود ذكر ..

وقبله بنت ..

وكمان نسبة التلقيح طبعا تكون عالية . ..

إي صح .. ويوم التبويض تحسي بألم خفيف .. ساعتها تعرفي أنه تبويض

أتمنى أكون أفدتك ..

22-04-2009, 02:11 PM

اخميمية

عضو نشيط جدا

تاريخ التسجيل: Apr 2009

المشاركات: 271

انا اللي اعرفه ان التبويض يبدا بعد متخلص الدوره باسبو ع يعني الاسبوع اللي بعد الدوره مباشر هذا بيكون فترة امان يعني مابيحصل فيه حمل والاسبوع الثاني بيكون فترة الحمل فيه اكبر باذن الله تعالي والله يعطيكي الزرية الصالحة يارب

22-04-2009, 05:42 PM

redanour

عضو جديد

تاريخ التسجيل: Apr 2009

المشاركات: 12

لو بتسالى عشان الجماع فالاضمن من اليوم 9 لليوم 21من بداية الدوره

22-04-2009, 09:15 PM

حرم المعلم

عضو متألق

تاريخ التسجيل: Nov 2007

المشاركات: 1,830

يختلف التبويض من وحده لأخرى
البعض يكون التبويض متقدم يعني في اليوم 9/10 /11
والبعض يكون وسط 13 /14/15
والبعض يكون متأخر 18 /19 /20

يعني ماتقدري تعرفي الا بالسونار
وفعلاً زي ماذكروا الأخوات للحمل من 9 ــــ21
الله يرزقك

__________________

من القلب كل الشكر لك بكر الشايب والله يرزقك ماتتمنين

23-04-2009, 02:10 AM

أم هيَا

عضو نشيط جدا

تاريخ التسجيل: Mar 2009

المشاركات: 214

ما قصرتوا حبيباتي

^_^

__________________

23-04-2009, 04:50 PM

رند..

عضو جديد

تاريخ التسجيل: Mar 2008

المشاركات: 46

بالنسبه لي انا باليوم 11

وقت التبويض..

بس الصراحه كل شئ بيد الله لو ربي رايد الحمال اول يوم طهاره ممكن يصير..

وسلامتك..

23-04-2009, 08:16 PM

حلمي قريب

عضو مميز

تاريخ التسجيل: Aug 2007

المشاركات: 2,635

حبيبتي اسهل اجابه لك

هو اختبار يشبه اختبار الحمل

اسمه اختبار الاباضه
ovulation test

وهذي يعمل كالتالي

العلبه فيها خمس اعواد اختبار .. تبتدين تستخدمين الاختبار الاول في اليوم ال 11 للدوره او اليوم ال10 للدوره

هو يجي نفس اختبار الحمل عن طريق البول (يعني يطلع لك خطين وقت التبويض )
تستخدمين الاختبار بنفس طريقة اختبار الحمل .. لمدة الخمس الايام وتستهلكين الاعواد الخمسه .. وانتي ويوم تبويضك .. متى ماطلع لك الخطين .. معناه ان اليوم اللي طلع لك الخط واليوم اللي بعده تكون الاباضه

هذا حل عملي لو ماعرفتي تكتشفين موضوع الافرازات الشفافه والاعراض الطبيعيه .. الخ

هذا حبيبتي كل اللي عندي وان شاء الله يكون موضوع مفيد

__________________
اللهم بارك لي في ابني وارزقني خيرا
الحمدلله رب العالمين

23-04-2009, 08:29 PM

أم هيَا

عضو نشيط جدا

تاريخ التسجيل: Mar 2009

المشاركات: 214

أشكركم على تفاعلكم

بس انتو مو فاهميني للأسف

انا الحين ما أتكلم عن نفسي

انا حبيت أعرف بشكل عام ... كيف تتحدد أيام التبويض انها بعد الدورة بأسبوع مثلا ؟؟ وفي ناس يصير عندهم حمل

على طول بعد الطهارة .. بس فهمت انه كله بيد الله تعالى أكيد .. ومو كل الكلام العلمي صحيح

حلمي قريب

كيف صحتك الحين .. ما تشوفي شر

حبيبتي أعرف الجهاز واستخدمته الشهر اللي فات .. وبديت من اليوم ال14

وكان فيهم خطين لونهم غامق لمدة 3 أيام .. يعني 14 و 15 و 16

باليوم ال17 و ال18 ما ظهر الا خط واحد بسسس

اللي فهمته اني كنت في فترة اباضه عاليه في الأيام ال3 .. وخلصت بعد اليوم ال16

والله أعلم

^_^

__________________

23-04-2009, 08:33 PM

#10

حلمي قريب

عضو مميز

تاريخ التسجيل: Aug 2007

المشاركات: 2,635

الله يوفقج ياقمر

والله حبيبتي علمي علمك

بخصوص التبويض هذا شي محير

انا عملت سونار يوم 12 من الدوره ... صار ال .... في نفس اليوم وبعدها ابو الشباب سافر ...

وكنت فاقده الامل اني اكون حامل هالشهر لان يوم صار ال ... ماكانت البويضه انفجرت .. يعني لو كنت مستخدمه التحليل الاباضه كان ماظهر لي خط

وصار الحمل الحمدلله بأذن الله

يعني لاكلام دكاتره ولا يحزنون

__________________
اللهم بارك لي في ابني وارزقني خيرا
الحمدلله رب العالمين

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه