السلام عليكم
انا كتبت موضوع قبل فترة قبل اسافر واروح انفس عند اهلي
اني لقيت زوجي يبحث عن بنات ليل في منطقته كان معطني جواله لشغله
انا عطيته جواله قمت رحت ابكي اظن عرف اني عرفت وماصار بينا كلام عن الموضوع بس اني انا انصدمت فيه وكانت سفرتي من بكره فسكت ماله داعي اقضي نفاسي بمشاكل
لاحظت زوجي بعدها بكم يوم حذف كل اللي عنده في البرنامج غير حساب واحد ما اعرف لمين ولا اقدر اشوف مين مقفل
الحين رجعت من النفاس كان زوجي يسالني متى ترجعون
حسيت انه مشتاق فرحت ما اخفيكم بحكم وحدته هناك لان فكرت لو لاقي غيري ما بغى ارجع
رجعت يالله وش هالشوق ! الرجال متغيررر يتهرب ونفسيته 👎
لي تقريبا الشهر راجعه ولا لمسني ولا قرب مني بالعكس يتهرب
اجل ليه مشقني متى ترجعين متى ترجعين
و انت بتجيبني وتحطني مزهريه
والادهى ان جلست جنبه حط بيني وبينه مخده
مدري مستقصد او لا
جلست جنبه بالسرير قام منه يتعذر باي شي
نقول ضغوط عمل ادري عنده ضغوط بس اذا ضميته ما يضمني !
تركته براحته وصار يبعد اكثر
اخذت جواله مالقيت البر نامج مدري يمكن مخفيه وهذا اكدلي انه عرف اني شفت
المهم اني بديت اشك انه تواصل مع احد من اللي راسلهم
لان حركاته ما اشوفها طبيعيه او انه اخذ مني موقف لاني كشفته مدري ليه كذا
ولا ودي اواجهه بتكبر الفجوه وتخرب اعرف نفسي تطيب خاطري
وافكر اطلع معه واتكلم بموضوع انه شفيه متغير
مع اني سالته اليوم ومارد علي
لين متى كاننا اخوان بالبيت والله كلمه حلوه من رجعتي ماسمعت حتى اشتقت لك ماقالها
اوكي متعوده على شح الكلام بس مافيه رجال يترك زوجته ٣ شهور مايلمسها صح !
بالشهر التاسع والنفاس والحين غريب
وجهوني ايش اقوله مستصعبه اواجهه وكاني اطره علاقه ولا عاطفه خاصه بعد اللي شفته
بس ابي اعرف وش صاير هل دخل احد بينا هل هو ماخذ موقف هل شايف علي شي هل فيه شي

وعليكم السلام ..
اختي كل هذه الأسئلة هو اللي بيجاوبك عليها ..
سكوتك مارح يقدم شي في الموضوع ، لازم تجلسين معة وتبدين تكلمينه باللي في خاطرك
واسمعي منه .. لازم تفهمين سبب صده وهروبة ..!
بعدها لكل حادث حديث
الله يطمن بالك يارب .

__________________
زاهدً فيما سيأتي .... ناسياً ماقد مضى ..!

وقلبك ربي يسعدك
زوجي من النوع اللي يتهرب من المواجهه
يعني يوم سالته فيك شي مارد علي
انقهر اكثر ودايم ياخذ كلامي من باب تبين تمشين كلامك او اقصد شي ثاني
هو يستثقل ويقول عني نكديه اذا فتحت حوار ونقاش عن شي بينا
انا بفتح معه الموضوع حتى لو مارد بس افكر ما اجيب طاري اللي شفته بجواله
وش رايكم
ولا عارفه وش اقول

احتمال زوجك شافك وانت تولدين...
وحدة اعرفها كانت تشتكي من نفس مشكلتك
وبعدين مرت فترة ورجعوا احسن من اول ..
لا تجيبين طاري الولادة ولا وش طلع منك...

فيه موضوع قرأته من زمان عن مثل هذه الحالة
تصيب الزوج بعد ولادة زوجته...
لا تقلقي.. وخليك عادي... ولا تتناقشين معاه...
بيرجع لك بعد مايتأقلم على وجودك...

انا ولادتي في بنتي قيصري وما دخل معي
صار اليوم موقف وصدني بقوه وكان لازم اعرف ليه تعامل معي كذا
وصار نقاش
ويالتني ما ناقشت حاولت اعديها بس غصب قال ما فيه رغبه
قلت مو شي طبيعي ٣ شهور و ما اشتقت
قال هذا اللي حصل مافيه رغبه
اظن زادت الفجوه
الله يصلح الحال

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

ذهابي كان بطلب منه يقول مقدر اهتم فيك
ومن الشهر الثامن كان يقول اولدي عند اهلك لاني ماعرف بهالامور
وانا متاكده انه فعلا خايف من الولاده
اما ابتعاده بالتاسع فهو منه وكان يخاف من بطني وانه ياذني
بالعكس انا كنت اتقرب ..
وما رحت من عنده الا بعد ٢٠ يوم من ولادتي رحت لاهلي ٢٠ يوم
لان السفر كان ممنوع على الطفل
ابدا ما كنت ارده وامنعه لانه حقه .. واذا بادرت هو يتهرب مايحب ابادر
وانا اللي خلاني اتكلم معه واكتب مشكلتي اني اخاف انه مشبع لاني شفت انه يبحث بوقت حملي عن بنات رخيصات
ومااعرف بعدها ايش صار
بس انا من جيت هو مايطلع من البيت بس ما ادري اذا بوقت دوامه مابي اشك
واحط افكار لين القى دليل ولا ماراح اتهمه
سالته امس اذا فيه شي يخليه يتهرب قال لا وسالته اذا فيه شي مايعجبه قال لا بس مافيه رغبه و الرغبه يبلها جو وانتي منشغله ومنحاسه بالبيبي
بس ابدا مو عذر ولا سبب
حبيبتي الله يسعدك بالعكس مبسوطه بردك

بالعكس سعيده جدا بردك
اللهم امين ربي يسعدك
نسيت اقولك ان زوجي يحب زللاسف الافلام الاباحيه من قبل زواجي
ومره بداية زواجي قال خلينا نشوف عشان تزيد الرغبه رفضت وقلت انا اكفي
ربي يهديه ويصلحه

قبل ان تحلي مشكله انه يرغب فيك ويجيك تأكدي انه ماقام بفعل محرم والعياذ بالله واذا تأكدتي اطلبي تحاليل حتى لاينتقل لك امراض فكرري بصحتك اولا

__________________
مضى مامضى والله على المقبلات يعين ..! وعسى الله يزينها على القلب لاشانت~