(مقطعين لرجال وسيمين في هاتف زوجتي)
السلام عليكم و رحمة الله و بركاته،،،

الله يعطيكم الف عافية اخواني و خواتي على هذه الجهود المبذولة لخدمة اخوانكم المحتاجين للنصح و
المساعدة و جعلها الله في موازين حسناتكم.

بصراحة ما اعرف كيف ابداء بموضوع لاكن احاول احطكم بالصورة قدر المستطاع و يعلم الله مالي
الا الله ثم انتم أول مرة احس اني ضايع و لا ادري شنو الصح.


بإختصار:

-متزوج من حدود 5 شهور زوحتي عمرها 19 سنة و أنا 26 سنة.
- تحبني جدا جدا و متأكد مليون بالمية.
- طيبة القلب و تهتم فيني و بوالدتي الكبيرة بالعمر.
- محافظة على صلاتها.
- كل شي فيها ممتاز من جميع النواحي الا من شي واحد.



المشكلة :

من بداية زواجنا تفأجت بطريقة شكلها و لبسها للعباية لما نطلع من البيت "نوع العباية" مخصرة
على الجسم و مكياج كامل "كحل وو" طبعاً أنا ما يرضني هذا الشي طلبت منها بعد كم يوم تغير
طريقتها و بالفعل سمعت كلامي و صارت تلبس عباية على الكتف "أنا مو متشدد جداً " لاكن غير
مخصرة مثل ما طلبت منها و شكرتها جداً انها كانت متفهمه و سمعت كلامي،،،



لاكن المشكلة الكبرى اللي من قادر امشيها اني من أول ايام زواجنا احسها تحب تنظر للرجال لما نطلع
من البيت على طول و بكل صراحة أول ما يمر رجل "وسيم" احصلها تطالع فيه و تطيل النظر جدا
بشكل ملفت جداً و هذا انا شخصياً احسها اهانه كبيرة بحقي خصوصاً اني مو مقصر معاها من أي ناحية
و أنا هنا بديت اربط بين لبسها ببداية الزواج و نظرها للرجال حسيت انها كنت تحاول تلفت نظر
الرجال لها و ايضاً تحب النظر لهم.


واجهتها بالموضوع و جلست تبكي و تحلف انه مو قصدها ووووو و خلاص انهينا الموضوع و
حسيتها تغيرت كثير للاحسن و علشان كذا انبسطت كثير منها و نسيت الموضوع.



لاكن اللي ذكرني هذا الموضوع قبل اسبوعين كنت اطالع بجوالها مقاطع فيديو و كذا و حصلت
مقطعين لرجلين اجانب "وسيمين جداً" طبعاً جوالها كان دايم قدامي و لا فكرت افتش وراها لاني
متأكد و واثق منها. المهم كنت ابغى اعرف من ارسل لها هالمقطعين من خلال الواتسب حصلتها
وحده من خواتها اكبر منها و تقول لها يا فلانه وش رايك بهالحلوين ؟!!!!!


"زوجتي ما ردت عليها ممكن ردت و مسحت ردها ؟!" لاكن تفكيري راح بعيد و تذكرت الماضي و الان
احس انها من عاداتها انها تطلع بالشباب و حتى اختها اللي اكبر منها عارفتها و مرسله لها هذه المقاطع.




و الشك صار يلعب فيني حتى لو أني متاكد انها مالها علاقات حالياً لاكن أفكر بماضيها وووو و تعرفون
وساوس الشيطان و دخلت على حسابها بالانستقرام و حصلت كل اللي عندها (مكياج و ملابس و طبخ)
لاكن عندها شاب واحد فقط و المصيبة هذا الشخص له حسابين و ضايفه الحسابين مع بعض و بس هو
الرجل الوحيد ما فيه غيره و مو حساب واحد علشان أقول ضايفته بالخطأ لا حسابين !!!!



أنا الان بصراع مع الشك أشوف أهتمامها و حبها لي "والله متأكد من هذا الشي" و تصلي
و قلبها طيب أقول مستحيل تسوي كذا تطالع رجال و تهتم فيهم و كذا و بالنفس الشي عندي
هالادلة عليها و شي صاير قدامي.



ساعدوني ارجوكم ؟؟

لحد الان ماسك اعصابي و لا واجهتها بأي شي و اللي قاهرني اكثر هالمقاطع الى الان بجوالها !!!

هل معي حق بشكوكي ؟ و أنا فعلاً كنت نايم على اذاني ؟!!

هل أراقبها أكثر و أشوف شنو وراها ؟؟ "اكره الاستغفال اخاف تكون تستغفلني"

أوجهها بالموضوع ؟ و إذا جلست تبكي عندي و أني ظالمها وووو شنو أسوي !!!

يا رجال يا حكماء الله يرضى عليكم علموني الحقيقة هل لشكوكي معنى و معاي حق اتأكد ؟؟

سألتكم بالله تقولون الحق ؟


بصراحة أنا أشوف أنه لشكوكي معنى و لي الحق اتأكد و أراقبها و أوجهها لاكن اللي موقفني
طريقة تعاملها معاي و مع امي و أقول اللي مثلها مستحيل يكون عندها لف و دوران وووووو



لي الان اسبوعين ادور بحلقة مفرغة ؟

ساعدوني و لا حول و لا قوة الا بالله.

(تم التعديل ليتناسب مع المضمون)

اخي

بالله عليك معليش عادي ان الله جميل يحب الجمال مابالك في البشر
بتفهمني انك عمرك ماشفت بنات حلوات وان اصدقائك او اخوانك ماعمرهم
ارسلو لك بنات وقالو وش رايك بالحلوات ؟؟؟

اما عن الاستغرام اسئلها وشوف واجهها بس بهدوء وبدون انفعال واتهام
اما من ناحية لبسها ممكن تامرها بتغييره (كل راعي مسؤول عن رعيته )
وبالنسبه لنظرها للرجال انت قلها لا تناظري ............................
بمزح وغيره والله ان تتقبلها وتشوفها لا مر رجال راسها بالارض ..

__________________
ان صبرت عفت الصبر يامعين الصابرين
وان شكيت للناس ماشفت غير احراجها

وبالنسبه لتفكيرك بالماضي غلط الماضي انتهى
ولا لك حق تفتش بالماضي ولا لها حق تفتش بماضيك
ما انصحك ابدا تفكر هالتفكير .

__________________
ان صبرت عفت الصبر يامعين الصابرين
وان شكيت للناس ماشفت غير احراجها

اشغل وقتك اخوي احس وقت فراغك طويل

حياتك جميلة زوجتك قايمة بواجبك وحقوقك وتحبك ومطيعة لك وتقوم بحقوق امك بعد
مصلية فرضها وعارفه ربها ولاعليها قاصر من هالناحية
هذاا كله وعمرها 19 يعني في عز الشباب واول مرحلة النضج ، يعني اللي عندك حرمة فاهمة وعقلها ونضجها كبير بالنسبة لسنها

انت في بداية حياتك لا تخلي الشيطان يلعب براسك انا ما اشوف انك في مشكلة لدرجة انك متأزم وفي دوامة
قاعد تنبش المشاكل نبش بتدقيقك وشكك
عندها صورتين لرجلين وسيمين -اجاااااااااااااااااااااااااانب- في جوالها مو معناتها انها خاينة ولها ماضي
-وش هالتفكير السوداوي-
يمكن ممثلين في فيلم تابعتهم ، او مقدمين في برنامج او اي شي ياخي
التمس العذر لها وبطل تفتش جوالها لانها لو عرفت راح تكون في موقف سيء جدا ، خمس اشهر لكم بس وتفتش جوالها وتشك !!!
مانهى الاسلام عن التجسس من فراغ ، كنت في غنى عن كل هذا ..!!

+

صلي ركعتين وتعوذ من ابليس ، واحمد الله على نعمه
وانظر لزوجتك بنظرة المحب الواثق ولا تخلي للوساويس مدخل لحياتكم من اولها
الحياة قدامك وراح تصير مشاكل بينكم كاي زوجين لاحق على الدوامات ووجع الراس خخخ
الف مبروك ، والله يسعدكم

مرحباً أخي
الثقة أساس قوي جداً في الحياة الزوجية... ولو تزعزعت... لساءة الحياة وتدمرت.

ولذلك لاتحاول أن تهدم حياتك بشكوك ربما ليست صحيحة.
وللقضاء على هذه الشكوك الحل الأمثل والصحيح هو المصارحة دائماً فيما يشكل على الإنسان معرفته.

أما بالنسبة لموضوع الصور المرسلة من أخت زوجتك فربما هذا مما يتواددون من قبل فيما بينهم ويتخاطرون فيه في بيت أهلهم ... وأخت زوجتك أخطأت بفعلها ولم تراعي أن أختها قد إنتقلت بفكرها وحياتها إلى حياة أخرى... فصارح زوجتك بما رأيت.. وأنه عيب على أختها أن ترسل مثل هذه الصور.

أما بالنسبة للإنستقرام... فصارحها مباشرة وأسمع منها وصدقها إذا أخبرتك بشئ لايسؤها في الماضي أو الحاظر ... وأطلب منها بكل محبة وخوف عليها بأنك لاترضى مثل هذه الأمور والصور والإضافات لا عليك ولا عليها.

بارك الله فيك

السلام عليكم ورحمة الله وبركاته
أي موضوع انسحاب, أو نقد لإدارة الموقع أو تقديم شكوى ، يكون عبر قسم مراسلة الإدارة، . أما الاستفسار بشأن حذف أو تعديل فتكون في أركان المراسلة المتوفرة في أقسام المنتدى . أما الأمور التي يراد إفادة مدير المنتدى بها تكون عبر قسم "الاتصال بمدير المنتدى" ويحظر نقد إدارة المنتدى في الأقسام العامة ، ويكون ذلك في قسم مراسلة الإدارة فحسب .
وشكرآ

تعلم أخي
بعض الفتيات تكون طيبة جدا لكن عيبها أنها نشأت في منزل يفتقد التوجيه الديني ، فيسيرون في حياتهم كيفما يرون من العامة .

لذلك أرى أن زوجتك فيها خير كثير بإذن الله ، وحاول معها بالكلمة الطيبة والتوجيه الحسن والحوار الهادئ وبين لها ما تريد وما لا تريد ، إيااك أن يفتح إبليس على عينيك خيوط الشك فإنك ستدمر حياتك بيديك وتخسر زوجتك ..
زوجتك طيبة وابنة حلال وصغيرة في السن ، وهذا السن غالبا يكون سن مراهقة للفتاة ولا تحسن التصرف في كثير من أمورها ، وتعيش على سجيتها .

وأظن أن طريقة لبسها العباءة من قبل تبعا لوضعها في بيت أهلها ، ولكن استماعها وقبولها لرأيك أكبر دليل على محبتها لك ، وبحثها عن رضاك ، فكن قريبا منها، موجها لها بالكلمة الطيبة ، وستتمكن من تعديل هذه الأمور البسيطة ، أما النظر للرجال فكذلك تعود ، لأن من اعتاد أن يعيش على سجيته فسيطلق العنان للبصر وهذا نلاحظه حتى في بعض الرجال فيطلق لبصره العنان لدرجة أنه قد يحرج المرأة بشدة النظر لو كانت محجبة وفي أماكن لا تستدعي هذا التحليق بالبصر كالمستشفى أو الطريق العام .

لذا فإن غض البصر ثقافة ولباقة لابد من تعلمه للجنسين ، وعندما تراها تطيل النظر أخي احرص على تنبيهها إلى ذلك في وقته أنك لا يعجبك هذا التصرف ، وصدقني غالب ظني أنها ستستمع لحديثك وتنزل عند رغبتك بما تريد لأنها حريصة على إرضائك ..

ولكن احرص على ألا تعطي لهذه الشكوك مجال لآن إبليس يسعى جاهدا ليفسد حياة كل زوجين .
وفق الله بينكما وجمعكما على الخير

اجلس مع زوجتك وتفاهموا على الموضوع صارحها بدل من جالس تدور ويأكل الشك.
وبعدين اذا اختها هي الي مرسلة معناته انه عندهم الوضع عادي بعض البيوت.
سمعت حرمه كبيرة تنادي على بنتها تعالي شوفي المزيون جاء كانوا يطالعون في الرجال ؛ يعني هذه تربيتهم
بعض الأمهات الله يهديهم مستسهلين مسألة غض النظر " يحسبونها بس للرجال " فهم زوجتك انه هذا الشي مايجوز
هي صغيرة وجاهلة؛ الله يصلح حالكم ويهدي أموركم.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

لا لا لا ياخوي انتبه تخرب حياتك
مشكلتك 3 مشاكل وبحط نقاطهم ع لحروف
اول شيء المكياج والعباة المخصره
هي مالها نيه هي فقط من نوع البنات الي ماتحب يكون شكلها مش كويس وقدامك خصوصا
وترا العريسات دايم يضربون بالمكياج بقصد تغري زوجها ياعمري عليها انت فهمتها غلط
ولو مقصدها ثاني كان ماطاعتك وتركت هالشغلانه
لكن هي تسويها لك شافتك مقتنع فيها دون هالاشياء تركتهم
لو هم لغيرك ماتركتهم
من ناحية عباة الكتف انا ما ابرر لها لكن هي مثلها مثل غيرها هالعباة انتشرت كثير الله يكفينا شرها وشر كل من به شر ..
والمشكله الثانيه تناظر الرجال عادي والله عادي
انا اطالعهم دايم وزوجي متضايق
هي كذا بس حتي لو الحريم يكشفون وجيههم بتشوفها تطالع فيهم
هي تحبك والنظر غصبن عنها لو ماتحبك مادلعتك وقامت بامك
والمناظر اغلب هالحريم يقزون الشكوي لله ههههه يعني هي ماتقصد والله العظيم ...
المشكله الثالثه .. ارسال اختها لها ترا شيء جدا جدا جدا عادي بس انت حساس
لاتشك انها لها ماضي وبلاوي
انا مافيه اطهر مني ومع ذلك عندي بالانستغرام اولاد وكذا وبعضهم مضيفتهم لانهم حلوين
لكن ما اقارنهم بزوجي ولو يتقدمون لخطبتي يع مابيهم
واختي مره ترسل لي مره تمنشني علي شباب حلوين ومره انا ارسل لها وكله استهبال
ماله دخل ماضي وبلاوي وتكبر الموضوع وتدخل الشك بينكم وتخربون حياتكم
موفق اخي ♡

ياخي ليه مكبر السالفه...

نظره زوجتك للوجل الوسيم نظره اعجاب بالشكل فقط اعرف انع هذا يؤلم بالنسبه لك لكن والله اني اناظر الحلوين واقول في نفسي ماشاء الله لكن مستحيل اقارنه بزوجي لانه نظرتي له نابعه من اني أتأمل الجمال الي ربي اعطاه اياه اتكلم عن جمال جمال ........................

لا الي اقصد زي الي في المقطع الي ارسلته اخت زوجتك جمال تقول عنده ماشاء الله

.................................................. ....

.....والله مو نظره جنس ابداً نظرة اعجاب بخلق الله وليس بالشخص نفسه والشيطان لا يغلب عليك طلبت منها تغير عباتها وغيرتها وهذا دليل انها ماتقصد لفت الانتباه .....