السلام عليكم ..

في المشاكل الزوجيه
غالبا لمن تفضفض/تفضفضين له ؟؟؟

الاسبوع اللي فات ابو الشباب طينها معاي
وصار اكثر من موقف وانا ماسكه نفسي ..
المهم في موقف فعلا انظلمت فيه
بس هو نظامه خلاص عدي ولاتدققين ..


المهم حاسه نفسي باانفجر من كثرة الكتمان
ماافضفض لااحد ابد .. ومن جد حاسه نفسي اابي اتكلم
وعالم النت اخاف احس ممكن احد يعرفني
واكل على راسي


عاد قلت اشوف انتوا كيف وش وضعكم مع الفضفضه؟؟

فضفضي على الورق
امسكِ قلمك و أكتبي جميع مايزعجك
بالنسبة لزوجك عادي تقدري تسوي عليه فلم هندي وتشكي له وتفضفضي ^_*
بيني له إنك تحتاجيه وعلميه أنه مقصر معاك بطريقه غير مباشرة او حتى مباشرة كاش على حسب شخصية زوجك
شوفي يافاضلة ولا احد هنا ممكن يفيدك مثل ماتفيدي أنتي نفسك قولي ليش ؟
انا اقولك
زوجك انتي معاه تأكلي وتشربي ... الخ يعني تعرفيه اكثر من أي شخص هنا واكيد تعرفي الطريقة اللي تجيب راسه
باللي يرضيه ويرضيك حاولي مره ومرتين وثلاث مو مشكلة راح يستجيب لك بعد فتره ويحس فيك

بالنسبة لي افضفض مع شريكة حياتي بما يزعجني في أموري اليومية ولكن ليس دائماً ليس لشيء ولكن حتى لا أثقل عليها
يكفي مايتعبها في حياتها اليومية

ارجو لك من الله التوفيق والسداد والسعادة اللهم امين

حفظك الله

/

__________________



معظم مشكلاتنا الشخصية تقع بسبب الفجوة بين :


- ما أقصده أنا
- وماتفهمه أنت

فأحسنوا النوايا في بعضكم البعض ..


في كتاب حياة كل منا " فصل " لا يصلح للقراءة ..~

االكتابه جربتها بس بالجوال بمذكرة مو بالورق ..
بس مااحس تبرد قلبي مثل مااتكلم مع احد ويهديني
والا يعطيني راي او تصرف اسويه ..

عندي خوات بس لو اتكلم معاهم على طول
اتعب احس بتانيب الضمير اقول وش استفدت اغتبته
وزياده مابي يكرهون زوجي ..


هو عادي لو بتكلم بااي شي ثاني يسمع
بس طبيعتي من النوع الكتوم نادر اجي افضفض
دائما سواليفي عامه مو عني ..


دائما اخشى من التراكمات
يخليك غصب تغمضين
مايفتح مجال اتكلم واقول اللي قاهرني منه
عشان ينمسح اللي بخاطري

لكن بجرب اعطيتني امل..
مع من اني اخاف مااعرف اتكلم
اخاف تسبقني العبره من كثر ماانا متضايقه
ومااحب هالموقف ..


جزاك الله خير اخوي عاشق ..
صار ردك الاول وطلع حرة الكلام كله معك
مارجعت اقرا عشان ماامسح

ياحبيبتي الله يكون في عونك
بالنسبه لي انا فلدي مشاكل حد السماء
ودااايما اشكي لله
اجلس على سجادتي وابدأ ابث كل همي واحكي
واطلب وادعي وابكي إلى ان ارتاح
عمري مااحتاج اشكي لأحد والحمد لله
الناس مامن وراها فايده تبغ تعرف اخبارك واحزانك وبس

صدقتي والله ..
الله يهدينا الله بيده قلوب العباد

بس ماشاء الله عليك طيب كيف
ماتأثر كتمانك على نفسيتك
تصدقين امس انا متضايقه قوه
ولا يدري هو وش السالفه
لانه جارحني ومخليني ابلعها غصب
وانا خلاص واصله حدي جاء وشاف علي اثر
بكاءوهو موعادتي
.. قال وش فيك قلت لاعادي وصرفت
لان عارفه لو بقوله يقهرني زياده

السلام عليكم ورحمة الله وبركاته ..
أختي الكريمة بإمكانكِ تفضفضين لكن بذكاء ، عالعموم الرجل لايحب المرأة التي تفضفض كي لا ينقلب الموضوع لمشاكل ، اختاري بين كل فترة وفترة للمصارحة معه لكن دون أن ترمين الأخطاء عليه لأنه يكره هذا الأسلوب ، بالحوار وفي أوقات مناسبة أما وقت المشكلة وضغط زوجك لا تحاولي تفتحي معه أي موضوع ..
أحيانا المواقف الكبيرة تحتاج وقفة وتعديل من كلا الطرفين حتى لا تتراكم وتنفجر ...
ونسيت أمرا تكلمي عن الموقف بشكل عام دون التدقيق في كل شيء ..
وأنصحك بقراءة كتاب كيف نحول المشاجرة بين الزوجين إلى لغة تفاهم لسيراج فيدال وغراف ..
أسعدكِ الله ..

لا لا مسسستحيل كذا رح تموتي هههههه

شوفي لك اما اخت او صديقه حتى لو بالواتس لكن اهم شي تكون هذي الصديقه او الاخت انسانه ايجابيه متفائله يعني ماتكون سلبيه ونظرتها سوداويه للحياه

عارفه ليه لانك بعد ماتفضفضي لها بتطبطب عليك وتهديك وانتي المقصد ترتاحي فقط وتحسي في اذن تسمع لك مانتي محتاجه احد يسيئ استخدام فضفضتك ويحرضك ع زوجك

بالنسبه لي اخواتي في قروب اقلهم لهم بليز لدي فضفضه لا اريد التعليق فقط استمعو الي هههههههه وافضفض وبجد ارتاح يعلقون تعليقات بسيطه تكفيني ....

امي انسانه كتومه وهاديه جداً ماتعصب لكن للاسف رغم هدوءها الا انه جاها الضغط ويرتفع مره فقلها الدكتور اذا حامله في قلبك امور لازم تخرجيها

احنا بناتها نبحث ونبحث في حياتها حتى فضفض لنا وللاسف حتى فضفضتها رؤوس اقلام

السشكوى لغير الله مذلة وجهة نظري

جربيها اشكي لله فضفضي بترتاحي اكثر

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

الفضفضة هي التنفيس

افضفض عندما اجد مستمع جيد يكون صدى لكلامي

يكون مفيد ولكنه مفيد جزئياً