السلام عليكم ورحمة الله و بركاته ،،، كل عام وانتم بخير

جايبة الكم اليوم حلو جدا لذيذ رائع لدرجة انا و زوجي ماخلينا شي في الصينية

قررت انزلو الكو اليوم

المشكلة كل مااطبخ شي لذيذ بصورو وبقول خلص بكرة بنزلو في المنتدى

وصدقوني عندي طبخات كتيييييير لكن مابنزل من الكسل بقول يييه بكرة بعدو بالاخر البكرة والبعدو مابيجو

المهم

الحلو اليوم عبارة عن بقلاوة صناعة منزلية بسيطة والذ من الي برة للعلم انا مابحب البقلاوة والاشياء الي فيها قطر

لكن هاي عملتها وكانت طرية وعجبتني اكتر من الي برة


بداية المقادير :::

ورق جلاش حسب حجم صينيتك

خلطة القشطة

سمن سايح

قطر او الي بيسموه شيرة

بالنسبة لخلطة القشطة مقاديرها (بالمناسبة بتجنن ممكن تستعمليها للكنافة واي نوع حلو به حشوة متل هيك)

:::

2 كوب حليب
5 ملاعق كبيرة نشا
3 ملاعق كبيرة دقيق
3 ملاعق كبيرة سكر
علبة او علبة ونص قشطة
ملعقة كبيرة ماء زهر وملعقة كبيرة ماء ورد(استخدمت ملعقتين ماء ورد لانو ماعندي ماء زهر)


هاي شفتها من وصفات منال العالم طريقة القشطة هية كاتبة علبة قشطة 250 جرام انا اشفت علبة ونص قشطة مقدار العلبة 170 جرام عموما مش مهم عادي ممكن اكتر ممكن اقل

الطريقة انا حطيت كوب ونص حليب عالنار وخليت نص ودوبت فيه النشا
اضيفي السكر وقلبي عالنار
لما يسخن شوي ضيفي النشاالمخلوط في الحليب

بعدين ضيفي الطحين وقلبي جيدا بالمضرب

ثم اضيفي القشطة

وقلبي الكل بشكل تروح كل التكتلات ولو ضل تكتلات ممكن تستخدمي الخلاط الخاص الي شكلو متل العصاية تقدري تحطيه في الاواني الي فيها سائل

المهم لما تتكثف القشطة وتصير متماسكة اطفي النار وانتظري تبرد شوي عشان تجمد اكتر
يعني ماتخليها متل المهلبية لا اجمد عشان بدك تحشي فيها


المهم هلأ بتجيبي رقائق الجلاش و تدهني ورقة بالسمن السائح ثم تضعي عليها رقاقة اخرى وتدهنيها بالسمن السائح

واضيفي للطرف حشوة من القشطة ولفي بحذر لما يتكون عندك اسطوانة

انا كترت الحشوة فما قدرت تطلع معي اسطوانة طلعت مستطيل بس مش فارقة
انا بحب الحشوة الكتير لهيك صار معي هيك

وفي صينية مدهونة سمنة ضعي الاسطوانة المتكونة بحذر وادهنيها بالسمنة من برة
ثم بالسكين قطعيها شوي شوي قسميها يعني عشان الجلاش بعد النضج بصير مقرمش

وبصعب عليكي تقطيعه حيتفتف

كرري العملية لغاية متخلصي الصينية

وهي شكلها قبل وضعها بالفرن





ضعيها بالفرن تتحمر من فوق وتحت وخلي بالك مابتاخد وقت كتير

هي شكلها

فور خروجها من الفرن

شوفو القشطة المسكينة من كترتها داخل الجلاش هرب منها شوي للخارج

بس ماتخافو من جوة لسة مليااااااانة





بعدين بكون عندك قطر حضريه من قبل طريقته القطر التقيل يعني مقدار ماء وضعف المقدار سكر
اما القطر الخفيف مقادير متساوية من السكر والماء
توضعي السكر والماء عالنار ولما يسخنو ضيفي قطرات عصير ليمون وخليهم يغلو لغاية ميتكثفو شوي

المهم لما تصبي القطر على البقلاوة لازم يكون بارد عشان هية ساخنة ولو هية بردت حطي القطر ساخن



وهي صورة بعد القطر انا ماكترت القطر عشان ماتكون حلوة كتيروتكون خفيفة لو بتحبيها حلوة زودي القطر






وصحة وهنا

رائعة بكل معنى الكلمةوالغريب انها خفيفة وماحسينا بالتقل منها ابدا رغم احتوائها على السمن

جربوها وادعولي سهلة وازكا من الي برة والله بتجنننننن

وانا مابقول بتجنن عن شي الا لو فعلا بجنن

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت

المشاركة الأصلية كتبت بواسطة زوجةاحمد ماشاء الله عيكي يا ملوكه تسلم إيدك يا قمر شكلها شهى انا بموت في البقلاوة يلا نتعلم منك عشا ن نجرب في أحمد الله يعطيكي العافيه يا عسوله ويقومك بالسلامه

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت

المشاركة الأصلية كتبت بواسطة ام ولدها 2 اعتمدتها اليوم للفطور شكرا لك اختي

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت

المشاركة الأصلية كتبت بواسطة seham1405 ماشاء الله تبارك الله شكلها لذيذ ومشهي راح اجربها واخبرك على النتجيه تسلمين يالغلا

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت