مش عارفة ابدأ منين
المهم انا احب زوجى جدا انسان طيب ويحبنى وكريم جدا يفضلنى على نفسه يحبنى أكون أحسن من اللى حولى كلهم بس ظروفنا المادية معقولة انا وهو نعمل ومرتباتنا شهر تكفى وشهر لا تكفى ولله الحمد على كل شئ راضية جدا يكفى انى احبه ومرتاحة معاه
طول فترة الخطوبة ووالسنة الأولى بعد الزواج كان عليه ديون وعانيت من كثير من المشاكل بسبب نقص الفلوس فى كل شئ تأسيس الشقة والفرح- بالرغم انى كنت اطلب فى المعقول والمناسب لى- وبعد الزواج تسديد ديونه ومصاريف الحمل والولادة الحمد لله بدأت الأمور تتيسر
ساعده والده بالقليل وكان دايما يقولى انا مش عايز اطلب من والدى لانه هايعايرنى بمساعدته وانا عايز اعتمد على نفسى وخاصة انه موظف وله مرتب
زوجى له أخ اصغر منه وقت اما خطب والده اللى هو حمايا قاله انا هاديك المحل بتاعى عشان تعيش منه و تصرف على بيتك لانك ما تعمل واذا دخله مات يكفيك باديك شقة تاجرها وتاخد ايجارها ليك وسازوجك بنفس مستوى زواج اخوك
مش حرام بالله عليكم ؟ هو ماساعد زوجى الا بالقليل وسبب لنا الكثير من المشاكل بسبب نقص الفلوس وقلة مساعدته فحين انه يمهد كل شئ لاخو زوجى ويجعله يعيش فى مستوى معيشتنا بمنتهى السهولة فى الوقت اللى انا وزوجى نشقى ونتعب عشان نحسن وضعنا ومعيشتنا
ولا اخفى عليكم انا شعرت بالغيرة من سلفتى وحسيت ان حمايا يفضلها عنى وبصراحة من ناحية الأصل والعائلة والوضع الأجتماعى أنا افضل وحماى يشعر بذلك عشان كده بيحاول يعملهم اكتر مننا بس ده حرام
انا استحملت مع زوجى اللى استحملته وانا راضية لكن لما حصل الوضع ده كلمت حمايا وانفعلت وقلت اشمعنا هى كل الظروف مهيئة لراحتها وانا اللى عيشتى فى بيت والدى كانت كلها ترف ورغد اتبهدلت مع ابنكم ؟
زوجى لما سمع الكلام ده زعل منى فترة وبعدها حاول يرجع يكلمنى والامور ترجع طبيعيه تانى بس انا حاسة بالظلم والأهانة ونفسى زوجى ياخد موقف ايجابى مع والده ويكلمه لكن بصراحة زوجى طيب مع اهله بردو مايريد زعلهم ولا يريد مشاكل لدرجة انه ممكن يستغنى عن حقه انا مطلبتش انه يتخانق انا طلبت انه يكلم والده بالحسنى ويطالب بحقه وحقى وحق ابنى
حتى ابنى عنده سنة ونصف ما يهتمون به ولا يسألون عليه واكتر من مرة انبهم واطلب منهم اهتمامهم بيه مثل اولاد عمته اللى هى اخت زوجى يهتمون باطفالها كتير لأنها قوية الشخصية وتاخد حقها بالقوة معهم
مش عارفه افضل على موقفى من زوجى واخد منه جانب حتى ياخد حقنا أم افوض امرى لله بس بصراحة وقتها زوجى هاينزل من نظرى شوية وما اعتقدش انى هاقدر بعد كده اقف جانبه

الاشراف/تم تعديل العنوان

ارجوكم افيدونى بخبرتكم انا الى الأن لم أبلغ اهلى باى شئ عن حياتى وماليش احد اخد رايه غيركم وانا محتارة ومش مرتاحة

ايه اللى انتى قاعده تقوليه ده
اولا انتى مالكيش حق أبدا تتكلمى مع حماكى كده ولا تقوليله اللى قولتيه
ثانيا خليكى فى حالك ومالكيش دعوه بغيرك واعتبرى ان جوزك يتيم وعيشي حياتك على كده علشان ما تتعبيش
ثالثا لا يجوز لكى تقلبى جوزك ضد ابوه او اهله علشان ماديات واحذرى هيتقلب عليكى قبل ما يتقلب على غيرك
رابعا حقك تاخديه من ابوكى لكن حماكى مالكيش اى حق عنده وسيبى جوزك على راحته هو مش صغير لو كان عايز ياخد حقه من ابوه هياخده من غير تدخل منك
خامسا ابوه لسه ما ماتش علشان تورثوا فيه بشرع الله وطالما هو عايش هو حر يعطى مين ويمنع مين لأن دى تعتبر هبه يعطيها فى حياته لمن يريد
سادسا اللى انتى بتعمليه ده نوع من ......... آسفه بسأنا قلبى على مصلحتك لأنهم كده هيكرهوكى وممكن جدا يكرهوا جوزك فيكى أو يعزلوكى عن حياتهم وتبقى سلفتك هى الكل فى الكل
سابعا تعوذى بالله من الشيطان الرجيم وارجعى لعقلك

أختى أولا
بسم الله ماشاء الله ربنا يبارك فيكى وفى زوجك ويسعدكم ويديم بنكم الموده وراحت البال
أختى انا فاهمه كلامك ان حماكى ظلم زوجك وفضل اخوه عنه
فهقول لكى شيئ حماكى وجد ان زوجك يقدر يكون نفسه ويفتح بيت لكن اخوه ليس لهو شغلانه إلا المحل
ولذلك ساعده لا أكثر ولا أقل
أختى ليس من حقك تفتحى هذا الباب عليكى وعلى زوجك لانه باب ابليس غضبان على انك مرتاحه مع زوجك
وقال يلا نعكنن عليها ونشوف نخرب بتها ازاى
أختى لو والده ظالمه فى حق من حقوقه فزوجك راضى بالقسمه وبار بوالده وشاكر ربه
فأنتى لا تشغلى نفسك بهذه الامور لان صاحبها وهو زوجك رااااااااضى بها
ثالثا بالنسبه لتفرقة المعامله بين الاطفال
أحب اقولك ان هو شعور خاطئ ميه فى ميه
لان ابنك ده صاحب البيت وشايل اسمهم وحته من لحمهم
واولاد عمته مجرد ضيوف يأتون كل فتره فلذلك بيسعدوا عند روئيتهم
لا اكثر ولا اقل
لكن ابنك فهو صاحب البيت ليس ضيف
واكيد يااختى بيحبوووووووه وشيلى من راسك وسواس ابليس
واخر حاجه هقولهالك بلاش تسببى التعاسه والحزن فى بيتك بأيدك
بدام حياتك مستقره اتركيها تسيييييييييير
وربنا يسعدك ويارب اسمع منك اخبار دايما ساره يارب

__________________

شكرا على مساعدتك بس الموضوع له خلفيات كتير مش قادرة احصرها كلها منها ان حمايا طلب منى انى ابيع جزئ من ميراثى واعمل بيه صيدلية لأنى صيدلانية عشان ادخل ابنه اللى هو اخو زوجى شريك واساعده فى معيشته
ازاى اعتبر زوجى يتيم وانا وزوجى شايلين مشاكلهم كلها اخو زوجى يعمل مشاكل كتير وتصرفات تكسف ودايما يتصدر بها زوجى لانه الكبير مما تسبب فى قلة قيمته لدرجة وصلت لمحاضر شرطة وده طبعا بيسئ ليا ولابنى من غير ذنب
نسيت كمان اقولكم ان حمايا بيوزع على اخو زوجى من ميراثهمكلهم زوجى واخواته من امهم المتوفيه على المشاع المحل والشقه اللى ايجارها ليه تخص الكل زوجى واخوه وبنتين
البنتين بيحاولوا ياخدوا اللى يطولوه عشان يعوضوا حقهم حتى انهم اعترضوا وطلبوا من زوجى التدخل لكنه رفض وفضل التزام الصمت

أختى انا عارفه ان الدنيا دى ملياااااااانه مشاكل
لكن لا تبالى وصيدليتك اجعليها لنفسك فقط
لا تشاركى احد
وان شاء الله عندما تنفتح الصيدليه حالكم المادى حيتحسن كتتتتتتتتتتتتتتير بإذن الله
لكـــــــــــن اتركى كل واحد حر فى حياته
وأجعلى دايما بيتك هادى ومستقر
عشان تستمر السعاده بينك وبين زوجك للأبد
بإذن الله

__________________

الموضوع له خلفيات كتير مش قادرة احصرها كلها منها ان حمايا طلب منى انى ابيع جزئ من ميراثى واعمل بيه صيدلية لأنى صيدلانية عشان ادخل ابنه اللى هو اخو زوجى شريك واساعده فى معيشته
ازاى اعتبر زوجى يتيم وانا وزوجى شايلين مشاكلهم كلها اخو زوجى يعمل مشاكل كتير وتصرفات تكسف ودايما يتصدر بها زوجى لانه الكبير مما تسبب فى قلة قيمته لدرجة وصلت لمحاضر شرطة وده طبعا بيسئ ليا ولابنى من غير ذنب
نسيت كمان اقولكم ان حمايا بيوزع على اخو زوجى من ميراثهم كلهم زوجى واخواته من امهم المتوفيه على المشاع المحل والشقه اللى ايجارها ليه تخص الكل زوجى واخوه وبنتين
البنتين بيحاولوا ياخدوا اللى يطولوه عشان يعوضوا حقهم حتى انهم اعترضوا وطلبوا من زوجى التدخل لكنه رفض وفضل التزام الصمت

أنا رأيي و ما تزعليش
مالكيش دعوة بغيرك و ما تهتميش بحد و لا ليكِ دعوة بفلوس حماك و لا ميراث معرفش مين و لا أي حاجة
مش من حقك أصلا تتدخلي في حاجة زي دي
و كلامك مع حماكِ يزعل فعلا , لأن هو حر في تصرفاته و عيب تحاسبيه
بالنسبة للصيدلية لو فتحتيها مالكيش جعوة بحد و خليكِ دايما في حالك

__________________

عزيزتي . . .

لاتتدخلي في حيات غيرك حتى لايتدخلوا في حياتك . . .

ولاتقارنين بين حياتكم وحياة اخ زوجك حتى ماتتعبي نفسياً . .

ومدام زوجك ساكت خلاص لاتتعبيه وتقولي له اهلك وابوك وووو . .

عيشي حياتك مع زجك بكل سعادة وطمأنينه وحطي القرش على القرش حتى تبنوا مسنقبلكم ومستقبل ابنكم . .

وشكراً ..

__________________
ربي يخليك لي ويحفظك ياأغلى زوج بالدنيا كلها

عساني مانحرم منك ومن حنانك ياتاج رآسي

حبيبتي أنا حاسة فيك وصعب انك تتجاهلين هالوضع بصراحة انا وزوجي انحطينا فيه بس الحمد لله الكل ثار على أبو زوجي وتراجع عن هبه كان زوجي بينظلم فيها ايما ظلم!! اتذكر ان امي كانت بتسوي نفس الشي بالنسبة لأخواني لكن سألت شيخ دين وقاللها يجب المساواة في الهبات لذلك اضطرت انها تعطيه كدين لحد ما يقدر يسدده حتى لو بعد عشرين سنه!
بس نصيحة انك تحاولين تطنشين و لا تقارنين نفسك بسلفتك لأنها اذا حست بتحاول تحسن من صورتها أكثر وأكثر على حسااااااااابك انت، بتدور الخصلات السلبية فيك وتستبدلها بايجابيه فيها! فهمتي علي أنا شبه مارة بموقفك وأنصحك من وااااااقع

أما الأطفال عادي أنا مثلاً أحب أولاد أختي أكثر من أخواني بحكم التعود وفي نفس الوقت شايفه هم أهل زوجي كيف يعاملون اطفال بنتهم وأنا ولدي ولد الشغالة
و متفهمه الوضع فلا تكبرين الموضوع