السلام عليكم يا أخوات
انا ابموت من القهر وماني عارفة وش اسوي

ماراح اطول عليكم ابقولكم وش صار اليوم واريد منكم التعليق

بسم الله ابدأ
زوجي عمله خارج المدينة الي حنا نسكن فيها يعني يبعد حوالي 150كيلو وطبعا يستغرق الطريق حوالي ساعة وربع

وانتم اكيد راح تحسون بمقدار المعاناة اليومية لزوجي من ناحية طول المشوار والمعاناة والقلق الي اشعر به كل يوم اذا راح واذا رجع ابقى على اعصابي وادق عليه احيانا الصباح علشان اتطمن عليه انه وصل بالسلامة

والظهر ابقى على اعصابي لحد مايرجع

والي يضايقني انه يسرع ودايم اطلب منه انه مايتعدى السرعة القانونية

المهم تخيلو يوم الاربعاء خلا المشوار في نص ساعة بس بغيت انهبل يوم دخل علي وانا توني مكلمته ويقول توني طالع من العمل

يوم جاء اليوم السبت كلمته بحنية ورقة الصباح وهو يلبس علشان يروح قلت له ممكن اطلب منك طلب قال اطلبي قلت:لاتسرع تبسم وقال انا اليوم ابروح مع واحد من زملائي في لعمل يعني بسيارة زميلة

المهم دق علي الساعة 2,45وقال تونا طالعين من العمل يعني يبغى له ساعة وربع علشان يوصل يعني تقريبا الساعة اربع العصر

وجت الساعة اربع اربع وربع اربع ونص والرجال ماجاء وبدى القلق يزداد معي وقلبي يرجف وحسيت ان اطرافي بدت تبرد (هالحالة تجيني اذا خفت منشي)

دقيت على جواله مقفل خلاص بدت اعصابي تتفلت مني ونويت ادق على زوجة زميلة اسألها عنه بس قلت ابنتظر شوي
قمت ورحت لقسم الرجال في بيتي ابغسل من المغسلة الا وألمح ملابسه معلقة على الشماعة

جلست اغمض وافتح بعيوني اول شي كذبت نفسي وقلت لا مو هذي ملابسه الي لبسها الصبح بعدين تذكرت انها هي هذي

قلت معقول يكون جاء ومادريت عنه لأني كنت موجوده طول الوقت بس تذكرت اني دخلت مع بنتي الحمام يمكن اقل من عشر دقايق

صعدت فوق لغرفتنا وفتحت الباب إلا وألاقي الرجال في سابع نومه لا ويشاخر بعد

ناديت عليه مارد الرجال جاي من زمان ولاكلف على نفسه يدور علي او يدق باب الحمام ويعطيني خبر انه وصل ويطمني عليه
يوم صحا من النوم ولاني زعلانة ومكتمة قال لي ناديت عليك ومارديتي علي وانا دايخ وفيني النوم
والمشكلة ان عياله موجودين ماقال لواحد منهم خبر امك اني جيت وصعدت انام ’والعيال ماجابو طاريه.

خلالالاص أنا من القهر الي فيني مدري اي ردة فعل ممكن تصدر مني خاصة اني ميتة من الجوع وأقول لامايصير أتغدى لين يجي زوجي حبيبي..

ابغى تكتبون لي عن تعليقكم على الموقف ويا ترى مين الغلطان أنا الي حارقة دمي وأعصابي على واحد ماي....

وإلا هو الي ماهو حاس ولا مقدر.

ارجوكم ردو بسرعة ولاتبخلون علي. وأنا راح اقولكم باقي السالفة بعد ماتردون

الصراااااااااااااااحه زوجك الغلطان المفروض دخل عندك وقال لك انه وصل والامر ماراح يأخذ منه سوى دقيقه او دقيقتين بعدين يروح ينام ولا يخليك على اعصابك الصراحه موقف لا تحسدين عليه ولو انا مكانك كان زعلت ولا كلمته علشان يحس وما يعيدها ويصير يعمل لي الف حساب وان دل على شيء يدل على حبي له وخوفي عليه سلا متك وان شاء الله مايتكرر لك هذا الموقف وانا بإنتظار بقية القصه

__________________

حبيبتي

زوجك 100% غلطان ، بس في شغله انا دايما أقولها الرجل طفل كبير ... يعني بعضهم عنده من عدم المسئولية والأهمال وزوجك الله يحفظه واحد منهم.

تبين رأيي وتسمعين مني وأنا اختج ... عمرها العصبية والشد مافادت مع الرجل .. سمعي مني بأسلوبج عاتبي عتب رقيق وبدلع بيني له ان انتي كنتي ميتة من خوفج عليه وقوليله انج تحبين أكثر من ماهو يحبج صدقيني بوسط هالكلام بتلاقين دموعج انزلت وبتلاقينه حس بتأنيب الضمير .. قوليله بعد أنا اطالع الله وأطالعك اذا صار فيك شي الله لايقوله أموت والله.

صدقيييني ... عمره أسلوب الشد مافاد مع الرجل ... دوسي على نفسج وتعوذي من ابليس وسوي اللي قلتلج عليه وأنا ناطره النتيجة قوليلي شيصير معاج.

توكلي على الله

__________________

هدي نفسك ياحبيبتي وعادي الرجال دايما لهم افكار غريبه وحركات يقهرونا فيها عديها هالمره

لكن قوليله واشرحيله انك تخافين عليه من كثر حبك له والله يخلي لك ويوفقك

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

هدي نفسك يا أم عبد السلام

حاسة بيك و بالقلق اللي انت كنت فيه ،، لكن التمسيله العذر .. الواحد لما بيكون مش هو اللي سايق و لفترة طويلة ممكن ينعس جنب اللي بيسوق خصوصاً إذا كان بعد يوم عمل صعب

يا حبيبتي إذا كان مش مهتم إنه يطمنك عليه مش كان اتصل من الأساس و هو خارج من الشغل علشان يقولك إنه طالع دلوقتي ، بس فعلاً رجع تعبان و ممكن يكون نادى عليك و انت فعلاً مش سمعتيه و مع التعب مش قدر ينتظرك لغاية لما تطلعي من الحمام و وارد جداً إنه مش يكون جي في باله يقول لأي ولد من الأولاد إنه يطمنك

معلش يا عزيزتي هونيها على نفسك إنت كل القهر اللي انت فيه كان من القلق اللي كنت عايشة فيه و طبعاً ده شئ غصب عنك ،،، لكن التمسيله العذر إنه كان فعلاً تعبان و مش حس بروحه جي و غصب عنه غلبه النوم

هونيها و خففي على نفسك علشان أعصابك

و الله يديم الحب ما بينكم و يخليلك زوجك و أولادك إن شاء الله

__________________

	[blink]"و اصبر حتى يحكم الله و هو خير الحاكمين"[/blink]

هدي اعصابج عزيزتي....ومافي داعي للعصبية .

وعلى فكرة كثرة الاتصال والسؤال طوال الوقت بعد خروج الزوج من البيت تضايقه

تمني له السلامه وتوكلي على الله ، انا كنت مثلج في البداية والحين الحمدلله تحسنت الحالة

اما بالنسبة لمشكلتج الحين ، برأيي ان تجلسي معاه وتكلمينه بهدوء وتعبرين عن شعورج

وابتعدي عن الصراخ والزعل..وبيني له عمق وكبر حبج واهتمامج فيه وشوفي شو بيكون رده

وتذكري لازم تكونين هـــــــــــاااااااااااااااااااااااااااااااااااااا اااااااااادئة علشان ما تكبرين الموضوع

والله يسعدكم ويهنيكــــم..

اختـــج............لمنـــي بشــــــــوق

__________________

حبيبتي مادري أنا بارده ..ولا الأمر مايستاهل كل هالعصبية



أقدر إنج كنت قلقة عليه ..
لكن مش معقول ..طول عمرج بتنظرين إنه يدخل عشان تقولين الحمدالله هو بخير..


ليش كل هالوسواس..


وبعدين صار انه دخل ..وما شافج ..ومن التعب حط راسه ورقد ..شو يعني؟؟

آآآآآآآآآآآآآآآي ..أدري انج تبغين تذبحيني


بس بصراحة أنا أحس مش معقول مطالب زوجي كل مارجع من شغله ..يمر علي يقول ترى أنا وصلت


ما توقع انج ماراح تدخلين على مكان نومه ..وتشوفينه
ماتوقع كل هالقلق راح يصير عندج..


هدي حبيبتي ..وادعيله بحفظ الله له ..ومش معقول ..تظلين تاكلين في قلبج كل هالحد


خايفة تجيني على راسي..

****

تدرين ؟؟
أنا كنت أشوف العنوان وأتجنب قراءته ..لأني تعبت من قراءة المشاكل ..وأحس بس نفسنا بشي حلو ..بس والله لما قريت المشاركة قلت ياليت كلللللللللل المشاكل جذيه..
مشكله حلوه وخفيفه عالقلب..

__________________
أبا مريم ..

هنيئا لك ..خيرا قد ساقه إليك الكريم ..

هنيئا لك ..
قلوبا تنبض بالوفاء ..
وألسنة قد عانقت الدعاء ..
في صمتها ونطقها..في صبحها والمساء..
(أن رباه يا رب البرايا ..ارحم الكريم واجعله في أعلى عليين..
فوالله ..إن القلوب لتتفطر ألما على فراقه..)


رحمك الله أخي ..رحمك الله يا أبا مريم ..وطيب ثراك

حبيبتي هونيها وتهون ماحصل ألاالخير دامه خبر عياله ونادى عليك أجل ماقصر أهم شي وصل بالسلامه وطنشييييييي ولاتدققين

__________________
أيهاالشاكي ومابك داء **كيف تغدو إذا غدوت عليلا !!
((إيلياأبوماضي))

بصراحة يا حبيبتي انا اول ما قريته مت من الضحك ما ادري يمكن هذا برود مني........ بصراحة بخبرك شي يمكن تعتبريه مثال على حالتك.............
أنا متعودة إني ما أكل إلا مع زوجي، في أي وجبة، فيوم من الأيام، كنت قاعدة معاه كالعادة أريد أتغدى معاه فقالي قومي لا تتغدي معاي وبعد ما أخلص تعالي وانا كنت ميتة من اليوع واريد على الاقل لقمة تبرد خاطري....... يوم قال هالكلام انا كنت توني بحط اول لقمة في فمي..........تخيلي الغصة........وهذا الكلام أمام أمه صار......... تشوفي مع الغصة احراج قدام امه......... المهم قمت وقعدت وراه............ بعد ما خلص غدا ........ قلت للبشكارة تعالي شلي الغدا........ المهم هو خذها من ناحية عناد فيه........ وانا كنت اريد اوصله إني ما يهنيلي الغدا إلا وياه......... وهو كان يريدني اتعود اتغدى ..... سواء كان هو موجد او لا............ بالرغم من انه ما قال شي بس انا فهمت شو قصده بهالحركة..................... فإنتي حاولي تفهمي زجك وهو يمكن يريد يوصل معلومه بس من غير ما يتكلم........ وبعدين ليش تزعلين ما دام هو قال إنه نادا عليك............ خلااااااااااااااااااااااااص انسي الموضوع وعيشي حياتك

يمكن كان نعسان ولو شفتيه ممكن يتكلم معاك فيطير عنه النوم ويتعب فحس أن الأمر عادي ينام .... وبعدين ترى الرجال يستتفهون خوفنا وحرصنا ويشوفون انه زايد عن اللزوم