السلام عليكم

هذي أول مشاركة لي في هالمنتدى .. واتمنى اكون خفيفة عليكم

لجأت لهذا المنتدى بحثا عن حل لمشكلتي !
ارجوا من إلي عنده حل لا يبخل علي بالاجابة .

انا فتاة تزوجت من 7 شهور وتزوجت عن حب وموافقة اهل .. وانا وزوجي نحب بعض كثير .. لكن في بداية الزواج وبالتحديد في اول جماع .. انتهى بفشل(عدم انتصاب) وتكرر الفشل ل4مرات اخرى .. إلى ان تمت بنجاح بعد اسبوعين وكانت سعادت زوجي لاتوصف .. بعدها وإلى الأن هذي هي المرة الوحيده !!


في البداية كان زوجي يهتم فيني ويحاول يعوض لي بشغلات ثانية لكن بعد شهرين تغيرت حاله وتغير بالنسبة لي وصار انسان قاصي يكرهني ومايهتم فيني ولا يقعد معاي نسولف ولا نطلع .. علما بإني اعتبر عروس .. حاولت معاه صارحته .. وكنت احاول بكل طرقي الأنثوية.. لكن كان يرد علي بأن اذا صار وضع الفراش طبيعي راح اتغير نفسيته.. لانه اهو معترف ان في شي مو طبيعي قاعد يصير !!

زوجي راح لدكتور وقاله انه وضعك طبيعي وماتعاني من شي عضوي !! لكن ليش الفشل معاي ؟؟

فكرت ان انا السبب .. والله يعلم اني انسانة جميله جدا وزوجي يغار علي حييل لانه يعلم اني جميلة جدا وان كثير من اهلة يحسدونة علي !!

بررت انا الموضوع واهلنا ان ربما يكون السبب (عين) .. ورحت لكثير من الشيوخ وقلت يمكن انا السبب .. واصريت انروح انا وزوحي لعمرة عشان الله يوفقنا .. لكن بعد فترة وبالتحديد بعد 4 اشهر طردني زوجي من البيت وقالي روحي لبيت اهلج والسبب انه مو قادر يتحمل الوضع وتعب نفسيا لدرجة ان قال لي (الله يوفقج بشخص غيري ).. انا مو الأنسان إللي قادر يسعدج !!
طبعا انا هذا الكلام ضايقني وزعلني كثير.. لان ماكنت اتوقع انه يستسلم ابهالسهوله ويتخلى عني ابهالطريقة!! .. لكن بعد فترة تبنت موضوعنا جدته واخذته لشيوخ .. وقال واحد منهم ان زوجي مسحور .. ومربوط جنسيا عني ويحاولون التفريق بينيا .. وانا الحين كل املي بالله ثم عليكم لان نفسيتي صفر واحس حياتي انتهت وانا ماشفت من دنا الزواج شي !!

عطوني رايكم .. هل زوجي فعلا مسحور ولا ضعيف جنسيا ؟

واذا عنكم حل سواء طبيي أو آخر لاتبخلوا علي بلييز ...