السلام عليكم

عدت لكم من جديد مالي غيركم وقت مشاكلي وحيرتي يشهد الله انكم غالين علي واقدر وقفاتكم معي


في منكم الي يعرف مشاكلي مع زوجي كان اخرتها خيانته لي

في اخر مرة كلمت والدته وشكيته عندها بس قلتلها انصحيه من غير مايعرف اني كلمتك والدته كانت جدا متعاطفه معي وقالت لي بكلمه

وفعلا بعد كلامها معاه اتحسن كثير وعلاقتنا تقريبا استقرت لمدة ثلاثة اسابيع

لكن ماكان ينغصني هو عدم افصاحي بخيانته حتى والدته ماجبت. لها طاريً

المهم كان مرة كويس معاي طول اليوم ولاصار يمسك جواله كثير بس كان مازال مستمر معاهم

انا قلت خليني اكسبه اول بعدين اواجهه
حاولت اتودد له والاطفه كثير لكن كان مازال مستمر بس بشكل خفيف جدا يتواصل معاهم كل ثلاثه ايام كذا

استمريت في التمثيل لكن كل ماشفت جواله ومكالمته اموت قهر ع استغفاله لي

وجا اليوم الي قررت اواجهه فيه
اخترت يوم كويس وعملت له اجواء جميله وقهوة وشبعته نفسيا وجسديا وقلت له

انت مخبي علي شي ؟ بكل هدووء
بدا بالصراخ والدفاع عن نفسه
قالي انتي صايرة تزعجني وتتصلي كل شوي وتسالني متى بتجي وهذه كلها تتدل ع عدم ثقتك فيني

حاولت اتماسك وقلتله هذه سوالف قديمة واحيانا انا استهبل معاه اتصل عليه مشاغبه يكون لوحده ف الطريق عشان اسليه لكن هالاشياء يذكرها وقت الخصام ويخلي هالمواقف ف صفه

المهم لما بدا يعلى صوته ويدافع عن نفسه ويقول انا ماخبيت شي بس بتشوفي دام هذا تفكيرك بخبي من اليوم

شين وقواية عين

انا هنا قلت هذا شخص مايحب الاحترام ومتعود ع اسلوب الصراخ

قلبت نبررتي الهادية الى حادة وقلتله وش علاقتك بفلانه ماعطيته فرصه اساله من فلانه لانه بينكر

قال مين وبدا يتعلثم وتتدارك نفسه بسرعه قال مين هذه وش قاعد تخربطين

قلت فلانه الي امس مكلمها ربع ساعه هات جوالك وفتحت جواله وريته المكالمة

قام اعترف ببجاحة هذه قريبتي وش فيها اتصلي عليها وساليها امها امس مسافره

قلت قريبتك امنا بالله مع اني ماسمعت عنها بين كل قريباتك ولا باركت لي ولا تعرفت علي ولا قد شفتها طبعا هي قريبته من الدرجة العشرين يعني من الجماعه بس

صار ينكر ويصارخ ويحلف انه يتصل عليها ويخليها تجي قلتله استريح بس


قلتله طيب اهدا ليش كل هالانفعال
اذا ماببنك وبينها شي بكل بساطة تقدر تكملها قدامي وتقدر تعرفها علي وتقدر تجي تزورني واذا صار عندها شي مهم تقدر تكلمي انا اوصلك

انت الحين رجال مرتبط وعلاقاتك ماهي سايبة حتى لو كانو قريباتك

قال خليها تجي كيفك كلميها اذا تبين كله كله صراخ

قلتله بعد الي عرفته عنها ماتشرفني اتعرف عليها اصلا

قلتله بس ابي افهم وش معنى هي من كل قريباتك تكملها وليش مخبي عني

وذكرت له بعض محاثاتهم ما انكر بالعكس يقولي طقطقة وش فيها

قلت له طيب هات جواله وفتحت له ع رقم باسم ولد وهي بنت طبعا من الي يكلمهم

قلت له وهذه مين
طبعا انصدم قال ماتقرين هذا محمد قلتله انا وانت نعرف انه مو محمد هذه بنت مسجلها وتكلمها انصاص اليالي وتكلمها وانت ف الدوام

ع طول اعترف برضو وقال هذه كانت زميلتي ف الجامعه ودقت تبارك وهي اصلا متزوجة وانا سجلتها باسم زوجها

كل الكلام طبعا بصرررراخ عالي

قلت ومن متى تعرف زوجها عشان تسجله باسمه ولا تمويه ومو عيب تكلم حرمة متزوجة طيب والاخت ليش ماباركت لي انا بعد ليش ماعرفتها علي وقلت لها امسكي كلمي زوجتي اذا كان علاقتكم شريفة

قام وحذف رقمها قال ف ستين داهية اصلا ماعرفها وهي الي كانت تكلمني وفعلا هي الي كانت تكلمه من محادثاتها معاه دايم هي تسال وينك وينك ماصرت ترد ماصرت تسال

المهم احتد النقاش بينا للطريق الي هو يبيه الي هو عدم التفاهم والجدال وانا طبعا كنت مشحونة وماقدرت امسك نفسي

قال اصلا انتي طلعتي حرامية وتفتشي ف جوالي انا ماعاد اثق فيك ولا اثق ف اغراضي بعد كذا شلون عايش مع وحدة حراميه

تخيلو بس كيف قلب الطاولة علي
طبعا ماعتذر ولا حاول يقول اي صح انا غلطانة اني خبيت عليك

ابدا كله انكار ومكابرة وهذا طبع زوجي في مكابرة فضيعه لو شي قدامه وقلتي له لا هذا الصح يقول خلاص طيب اسكتي يعني مستحيل يغلط نفسه

قلتله اني مني مغفله ولو بينك وبينهم علاقة تكلم ولا تستفغلني حاطني ديكور ف البيت ومحسوب علي زوج وانت تروح تعيش حياتك

المهم صار يكرر كلمة حرامية وياويلك تفتشي جوالي ثاني مرة

وطلع من البيت

انا راجعت نفسي واصلا عارفه مابينه وبينهم علاقة قوية مجرد تسليه بس واجهته عشان تنقطع العلاقة او تخف ع الاقل ومتاكدة من حبه لي

لما رجع كلمته بنفس الهدوء اني راح اعتذر عن تفتيش جوالك بس كان لي اسبابي واولها احافظ ع بيتي ومرة ثانية ماراح اجي جنب جوالك ابدا غير كذا انت غلطان والمفروض ماتكابر وتعتذر قال مني غلطان قلت اوكي خلك ف عنادك بس حتكون مسؤل اذا انهد هالبيت

وقلتله النقاش ف هالموضوع اتقفل طالما انت مو غلطان انا ماراح اعيد وازيد فيه وانتيهينا

اليوم الي بعده جاب لي عطر كان نفسي فيه من زمان واعطاني اياه من غير اعتذار ولاشي ولا ذكر ايش المناسبه

كان لطيف جدا ويحاول يتقرب مني مارفضته اتجاوبت معاه بس بحدود

وصار كل شوي يسالني اذا جواله جنبه اعطيني اياه عشان ياكد لي انه مافيه شي

وظل الى الان حاله منصلح تقريبا لكن امس اكلمه جواله انتظار فترة طويله وبدا يرجع لنفس طبعه وينافخ لما اتصل عليه

لما رجع حفظت الوقت الي كان جواله انتظار وفتشت ف المكالمات لقيت مافي مكالماتف نفس الوقت يعني معناه مسحها يعني معناه يرجع يكلمهم يارررربي

الحين صراحة طفشت وتعبت احسه بزر ماغير اراقبه واتتبعه مو عيشه هذه

الحين قاعده افكر اني امسك المتزوجة واهددها او ادبر رقم زوجها واقول كف زوجتك عني وخليه هو يتصرف معاه

وقريبته اطلب منه يعرفني عليها واصير احرجها بتواصلي معاه واعلم امه انه هو الي عرفني عليها ووش قرابتكم فيها اقولها بغباء قدامه عشان ينحرج

او اعلم اخوها وبرضو افتك منها من غير لا اتعرف عليها

بالله انصحوني مو حالة هذه والله اشغلني هالرجال نساني ليش عايشة ف هالدنيا نساني ربي واخرتي واهلي وصحباتي وونساتي

ماغير افكر وش اسويله عشان ارضيه ومايفكر بخرابيط ماتسوي علي من عيشة تقصر العمر وتاخر ولا تقدم

يارب رحمتك

حبيبتي مافي قريبه تمون الى اي حد الا البجحيين

ارفضي اي علاقة الا علاقة محارم مع محارمه وبحدود وغير كذا ارفضي
ولك الحق تدافعي عن حياتك

اختي انتبهي هالموضوع يقتلك وسكوتك راح تندمين عليه

مو تصارحينه ثم تنسحبين تسكتين خليك زعلانه عشان توصله الفكره ويوصله الدرس

اختي قريبته هذي اغسلي شراعها غسال وكرههيها برقم زوجك خذي ارقام البنات واعطيهم درس

اختي نصييييييييحه لاتفرطين بحقك لانك ماراح تتقبلين اكثر

الله يصرف زوجك عن المعاصي والاثام ويجعله تقي نقي صالحا مصلحا

وعليكم السلام ورحمة الله وبركاته
ماشا الله عليك عجبني اسلوبك طبختيه ع نار هاديه وتعاملتي بذكاء الله يحفظك ويهدي زوجك ويصلح حالكم يارب
لكني ماأنصحك تكلمينهن لان لو اكتشف زوجك ممكن يتمادى ويتعرف لو من باب العناااد وساعتها مارح تعرفين لانه رح يكون حريص ...والحقيقه مابيدك شي للأسف لازم يقتنع بغلطه عشان يعدله

ما فيه احد لما يخون يعترف بخيانته
انا حاسه بالنار اللي بقلبك الحين لاني عشت نفس موقفك
وانقلبت الطاولة علي و انكر وطلع هو الشريف وانا طلعت الشكاكة اللي ما اثق فيه وافتش باغراضه ..
الحين لو تسأليني كيف تصرفت معه رح اقولك اني صرت اطنشش وما عاد افتش وراه ابدددا .. صرت احاول احسن من حياتي معه واتغافل عن الماضي واستغبي
و ادعي له بظهر الغيب و استودع الله سمعه وبصره وفؤاده كل يوم
خصوصا اني متأكده ان العلاقات ما وصلت لانه يقابلهم بس تسلية غير المقاطع الايباحية والصور اللي في جواله
صدقيني اللي مثل هالرجال يكون متعود على هالعلاقات من قبل الزواج مو بسبب تقصير منك كزوجة او انه ما يحبك او يقدرك
والحل الوحيد انك تحتوينه و تحاولين تغنينه عن هالاشياء قدر المستطاع
و توكلين امرك لله وتتركين التفتيش وراه و تريحين بالك خصوصا اذا تحبينه وعارفة ان هالشي هو عيبه الوحيد
و ادعي دائما بهالدعاء "ربنا هب لنا من ازواجنا وذرياتنا قرة أعين واجعلنا للمتقين اماما "
الله يجبر كسر قلبك وقلبي وقلب كل زوجة حست بنار الخيانة ويسخر لنا أزواجنا ويهديهم لما يحب ويرضى

عزيزتي عامليه كانه ما فيه شي
ولا تضلي تنكدي على حالك
ما راح تستفيدي شي
غير وجع القلب يا قلبي
ريحي راسك
انا المخفي خاني خيانه زنا وواجهتو بالادله وجلس سنتين هاجرني بالفراش حتى السلام ما يسلم
وقح ومكابر وعنيد
اللي ما عنده اخلاق وخوف من الله غسلي ايديك منه
لكن الافضل تستخيري بالبقاء معاه والحمل منه او لا
تعاملي معاه عادي طبيعي ولا كانه شي
تغافلي واعطيه الثقه وبطلي تفتيش واعطيه الامان
ودخيلك شو عندهن بنات الحرام ما عندك
انت اشرف منهن وافضل واحسن واطهر
بتقدري تغريه بكل ما تملكي من انوثه ودلع وابتسامه
اشتغلي على حالك
وشوفي وين الخلل بالظبط
بما انه الخيانه موبايل ومكالمات بتقدري ترجعيه لك
باسلوبك وبدلع وبالكلمه الطيبه والدعاء له وارفعي مستوى التدين عنده
الله يفرجها عليك امين

__________________
انا لله وانا اليه راجعون

سلام
اختي انتي نفس مشكلتي لكن مامداها ماجاتة فرصة يكلم ولا ودة
لقيت لة دردشات ومن غير مقاطع وبحث عن نساء بجميع الشات
شوفي زوجس يصلي بوقتها قدامي ملاك مو راعي استرحات ولا سهرات الا مرة بالاسبوع
بس
حللفت ووعد وعهد وبالقران وكلة طلع كذب الرجال
هذا الزمان ماعاد لة ثقة النت مفتوح
كل شي يجية لحدة

انا عجزت لي اربع سنين على حلفان كلة كذب
لكن الحين ااراقب بحسابة وبسافر لاهلي واشوف كيف وضعة
لازااال يبحث الله يستر علية راح اجلس ببيت ااهلي ويروح
عند اللي حلف وخان الله وشتت بيتة علشان نظرة ولا رسالة ولا امور توصلة لاكبر من كذا

وانتي الله يعينك الرجال اقولك لو يحلف بالقران لاتصدقين
اللي براسة حب مانطحن
مابترك شي

اهم شي انك بينتي له انك عرفتي كل شي،،الخطوه الثانيه غيري معاملتك معاه فتره ليست بالقصيره..حسسيه انه من ورا تصرفاته فقد شي مهم بالنسبه له..قومي بواجباته من طبخ وتنظيف وفراش..ولكن بشخصيه جديده ..خلي كلمة حبيبي وعمري يتمنى يسمعها منك..تغيري عليه ب اشياء..وعليك بالدعاء والمحافظه ع الورد اليومي هو اللي بعون الله يحفظك من طعنات الغدر