السلام عليكم ورحمة الله ..
انا انسانه ماحب اطرح مشاكلي الزوجيه في النت اذا تمشكلنا انا وزوجي غالبا ااستشير اختي وهي توجهني اذا كنت غلطانه وتنصحني .. لكن مشكلتي هذي غير ماحب احد من اهلي يعرف عنها شي وكاتمتها بصدري لانها حساسه ولاني احب زوجي واحب استر عليه وعلى مكانته عند اهلي ومابيه يطيح من عيونهم ...
بدايه انا صارلي متزوجة اربع سنين وعندي بنت الله يحفظها لي اول ماتزوجت كنت طايرة من الفررحه والسعادة كنت اشوف زوجي كائن ملائكي ولايمكن انه يغلط بحقي او يجرح انوثتي لكن للاسف خابت ظنوني ..
مرة اخذت جواله وفتحت الواتس لكن ياعالم والله ماكان قصدي اني افتش من وراه او اني كنت شاكه فيه اصلا هذا الكلام يمكن في الاسابيع الاولى من زواجي يعني مالحقت اشك فيه ولا بتصرفاته كنت نايمة بالعسسل . لين فتحت البلا اللي اسمه واتس وقاعده اقرا عادي المسجات لين شدتني محادثة غريبه حسيت اللي راسلها بنت من طريقه كلامها لانها كلها عتب تزوجتني وتركتني ومن ذا الكلام ..بعدها بدا الشيطان يلعب فيني.. المحادثة كانت قصيرة حتى مالقيت له رد على رسالتها .. رحت دخلت على محادثة ثانيه وبنت ثانيه وكمان مسكينه زعلانه وقاعده تسب فيه وبكل الرجال انهم خونه وماعرف ايش ... يعني مو وحدة بس لا ثنتين اللي يكلمهم ... الغريب ان مالقيت رد في المحادثة له على البنات الثنتين ... وكان مسميهم بااسماء اولاد بالجوال .. لمن ماشفت رد منه طنشت الموضوع واحسنت النيه وقلت لازوجي مو من الرجال اللي يلعبون على اعراض خلق الله .. شفتو كيف كنت ساذجه .. المهم طبعا استمريت افتح جواله من فترة لفتره عشان اتاكد من الشك الي دخله بقلبي .. لين طحت على محادثة له مع وحدة وقاعد يتغزل فيها والظاهر المرة ذي هي اللي مطنشته .. وهنا كانت صدمتي فيه هنا اللي انا ودي الارض تنشق وتبلعني ولا اقرا ذا الكلام منه لوحدة غيري .. طبعا هو كان في الحمام وانا اقرا المصيبه ذي بعدين قفلت الجوال على نفس المحادثة .. ولمن خرج كنت بغرفه النوم وسويت نفسي نايمه وهو كمان نام لكن انا ماتحملت وكنت ابكي وخرجت رحت الصاله بعدين الظاهر هو فتح الجوال وطلعت المحادثه بوجهه وجاا عندي في الصاله قال ايش فيك وانا مارديت عليه وقاعد يسألني بيشوف انا قريت المحادثة ولا لا .. وكان مسميها بالجوال ام محمد .. قال اشفيك تكلمي .. قلت منهي ام محمد .. في البدايه قاعد ينكر ومادري ايش وماعرفها .. قلت ماتعرفها تتغزل فيها ... بعدين من كثر الحاحي عليه بدا يبكي ويترجاني اسامحه .. قلت انت ماغلطت علي بس انت غلطت كمان على اخواتك بكرة يجي من يلعب بعرضك زي ماتلعب بااعراض خلق الله .. قال. انا عارف والله انا مادري كيف سويت كذا وقاعد يبرر لنفسه وانه غلط وهذي مجرد سوالف ودردشه .. انا صراحه لمن شفت يبكي وشفت كلامه ضعفت شوي لان اول مرة اشوف رجال قدامي يبكي .. قلت خلاص يابت الرجال باين عليه الندم .. وقعدت ابكي معاه واحاول اني اخفف عنه(ساذجه ) لانه من جد شفت الندم بعيونه وكسسر الشريحه قدامي .. وعطيته فرصه لكن للاسف انصدمت فيه مرة ومرتين وثلاثة .. وكل مرة يطلعلي بتبرير غير لدرجة مرة يبوس رجولي عشان اسامحه . صرت خلاص معاد اثق فيه واحاول اتعايش مع الموضوع عشان بنتي وهذا كله سترت عليه وصابرة ماعلمت احد من اهلي ..
الحين انا لي اسبوع مطنشته لاني شاكة ذي المرة انه رجع للوصخ اللي هو فيه .. سالته يافلان ليش ماترد عالواتس .. قال حذفته .. وقام يبرر يعلق من كثر القروبات .. وقبل لايحذفه انا اشوف حالاته في الواتس مو طبيعيه كلها عتب .. واخر حاله له قبل لايحذف الواتس انه بيحمل وجععه ويغيب المسكين عرفت ان قاعد يلعب من وراي .. ورجع ثثاني يوم رجع الواتس وارسلتله قلت مبروك عسى انحلت مشكله التعليق قال .. تتريقين ،،? قلت ليش ذا مو كلامك ...
المهم قلت ماعتقد حذفت الواتس ععشان التعليق .. قال ليش ايش تعتقدين .. قلت انت ادرى قلت خصوصا حالاتك في الوات٢ !!!
قال الحالات ذي من زمان احططها مو بس ذي المرة .. المهم طنششته ولا رديت عليه ووثاقه مليون بالميه انه يكلم وحدة لا وزعلان منها بعد .. وصرت معاه رسميه يحاول يكلمني ويتقرب لكن ماخذ واضحك معاه وامس طلعني قلت اكيد بيفتح السالفه ويعرف ليش زعلانه او متصايقه لكن ابدا احسه مو قادر يتكلم هو عارف اني شاكة فيه بس مو قادر يواجهه
انا مادري ايش اسوي معاه هل انا اواجهه او ايش الحل بنظركم
تعبت معه وقسم بالله تعبت ...

واحب اضيف شي هو ينام لحاله بحجه انه ماينام الا عالمكيف ويكوت برودته عاليه وانا اخاف على بنتي من المكيف فننام انا وهي لوحدنا .. كذلك صلاته الله يصلحه مقصر فيهاا واتوقع هذا السبب ماقول مايصلي بس يجمع الصلوات ومايصليها بوقتها .. الله يهدينا ويهديه

ينام لوحده في الصيف فقط وكيف ينام باقي الفصول
تقصير في الصلاة ومغازلات وتعدد العلاقات والنوم بعيدا عنك
كل هذا والله يعلم يدل انه واقع في المحضور سواء علاقاته وصلت للقاءات والخيانة الجسدية او انه مكتفي بالغزل بالمحادثات وايضا قد يكون يقضي وطره بالمحادثات
كم عمر ابنتك وكيف كان ينام قبل قبل ولادتها
قد يكون نومه وحده هو سبب كل هذا قد يكون هذا طبع فيه قبل الزواج اي المغازلات بالهاتف وبعد ولادة ابنتك رجع اليها وتحجج بالمكيف لينام وحده وياخذ راحته في المحادثات التي الظاهر انها تبسطه جدا لدرجة استغناءه عن النوم معك طول الليل جنبك الى جنبه

نعم لابد انك تواجهينه وتكوني حازمة معه اولا يواظب على الصلاة يعني يبدا باصلاح حاله مع الله اولا وبعدها النوم في غرفة اخرى مافيه يجب وضع حل للنوم معا وادعي له بالهداية ان شاء الله حاله ينصلح

هو انسان بالغ عاقل ومدرك بانه منغمس بهذه الاخطاء ،، انتي واجهتيه مرة ومرتين فهل تحسن او اتعظ ؟
نعم ، عليك بالنصح المباشر وغير المباشر .. غيري في اسلوبك وشخصيتك ،، يعني بدل ماكنتي تزعلي ، تسكتي ، وتبحثي وتفكري بوضعه خليك على مود الطبيعي ، زيدي كمية الفرفشة والضحك ، قللي اهتمامك به من ناحية التفكير والسؤال المتكرر عن افعاله يعني طنشششي ! حذف الواتسب طنشي ، حط حالة معينة طنشي يعني ابدا لا تحسسيه بانك مراقبته ... في الوقت ذاته ،، ابدا لاتخلينه لوحده ) اصري على النوم بغرفه واحده ) .. بالصالة معاه وان شفته لاهي بالهاتف اعطيه بنته يلاعبها او انتي لاعبيها ودخليه معاكم ..

( كل ممنوع مرغوب ) .. لاتبحثي ، لا تراقبي وتحللي ، انتي بتتعبين وهو بيصر عل المواصلة ..
اذا شافج تغيرتي ، مدلله نفسك ومهتمة بنفسك لنفسك وبنتك ، ماتساليه ، تذكريه وتنصحيه بشكل غير مباشر ،، راح تشوفي التغير به ..

الله يعينك ويهدي زوجك ويسخره لك

النوم لوحده من اقوى اسباب خيانته
ماتدرين قد ايش هالنقطه مهمه لدرجة ان الله اوردها من طرق تقويم النساء وهي الهجر بالمضاجع لما له الاثر النفسي البالغ
حبيبتي شيلي مخزتك ورحي نامي معاه قولي اخاف او ابي البراد زيك ولا احبك ماقدر ابعد عنك مهما حاول انو يثنيك خليك مصره على انكم تنامو سواء بعدها حتنحل نصف هالمشاكل

__________________
أستغفر الله العظيم واتوب اليه

نقطة مهمة اشرن لها اختاي امرأة من مكان ما و نوني جزاهن الله خيرا ...
أسأل الله ان يصلح حالكم و يفرج كربكم و يرد اليك زوجك ردا جميلا .. امييين

بنتي عمرها سنتين ونصف كان ينام عادي معي التغيرات حصلت بعد ولادتها بكم شهر
نعم علاقاته من قبل الزواج اتوقع لان زي ماقلتلك اكتشفته يكلم ببدايه زواجي
والله ياختي بموضوع الصلاه نصحته وتعبت معاه يتعدل كم يوم ويرجع نفس ماكان
انا عارفه اغلب مشاكلنا بسبب ذا الموضوع الانسسان البعيد عن ربه بالطبع مايردعه اي شي

بصراحة نومة بعيد عنك هذي فيها علامة استفهام
اذا العذر البنت لبسيها زيادة وخلي الغرفة برودتها معقولها
وبنسبة لصلاة طولي بالك وناصحية بين فترة وفترة واهم شي انة
مو تاركة وعجبني حرصك على الصلاة الله يوفقك يارب ..الله يصلح مابينكم

__________________
سبحان الله وبحمده سبحان الله العظيم

انا واجهته كذا مرة وكل مرة يبين لي انه ندمان وانه ابليس وسوسله
حتى والله صرت معاد افتش من وراه بكييفه اشتريت راحه بالي
لكن اشوف الشي قدامي وماتبيني اشك او ازعل
صعبه ياختي تشوفين زوجك يكلم غيررك وطايح له غرامات معاهم وانتي هاملك ولايسأل عنك الا وقت الحاجه

اختي الكريمة ، ودِدْتُ لو تُسهبي لنا في طريقة تعاملك معه ؟ و كيف هو حال الحوار و التواصل بينكما ؟ و هل للاحترام مكان في حياتكما ؟
ثم لماذا لا تجعلين لطفلتك غرفة مستقلة ؟
سيكون صعبا بادئ الامر لكنه مريح جدا ... فهذا ما فعلته مع ابنتاي ، الاولى كان عمرها حوالي السنة و الثانية اظنها كانت في اولى اشهرها ، و ابني الصغير على نفس الشكالة ....
لا تخافي عليها ، فلن تصاب بأي مكروه ... على خلاف ذلك فانت المتضرر الاول في هذه النقطة ....