أنا على وشك الانهيار.من أبنائي و زوجي - منتدى عالم الأسرة والمجتمع

29-01-2010, 06:04 AM

&دلوعة مودي&

قلب المنتدى النابض

تاريخ التسجيل: Sep 2006

المشاركات: 2,100

أنا على وشك الانهيار.من أبنائي و زوجي

اقسم بالله ضايقه فيني الدنيا وبس ابكي وضايق صدري احس راسي بينفجر والله اني قبل شوي حسيت بشي لف راسي وما اشوف الا سواد مع دوخه مده لاتتجاوز ثواني كل هذا بسبب الضغط النفسي اللي اتعرض له

زوجي مهملني وجاف معي مايتكلم معي ابد الا اذا بغى شي ورامي المسئوليه كلها علي عيالي اثنين مراهقين تعبوني مره مشاكلهم زادت وولدي الكبير بس يضرب خواته البنات الصغار ومسيطر عليهم وماهو ضارب حساب لي وابوه اذا شكيت له سكت وطنشني والحين بناتي صار بهم خوف مو طبيعي اللي بثاني ابتدائي تتبول على نفسها بالليل واللي عمرها اربع سنوات تبكي زي المجنونه تركض للشغاله اذا ضربها اخوها حتى انا ماتبغاني

تصوروا ان عيالي المراهقين صار لهم سنه ونص مايكلمون بعض عشان مشكله تافهه وكم مره اترجاهم واحاول اتحايل عليهم عشان يتصالحوا ولافيه فايده اخاف يكبرون وقلوبهم تجفا على بعضهم وعلينا ودائما اقول لابوهم صالحهم لاتتركهم كذا يقول اتركيهم بعدين يتصالحوا واوقات يقول احسن عشان الولد الكبير مايتضارب مع اللي اصغر منه وربي تعبوني

نفسيتي تعبت وعندي مولود عمره شهرين واسبوع مسئوليته كبيره وقلق وسهر وتصوروا طلعت من النفاس كم لي عمر ولدي شهرين واسبوع وزوجي ما قربني ولا حتى جاب لي هديه رغم ان حملي كله منومه بالمستشفى
والله العظيم صرت ودي بس انام عشان ما اتذكر شي والنوم مفارقني قلق وسهر وارق وتفكير وبيبي بس يصيح حتى صرت بس اتهاوش مع الشغاله بشكل يومي لدرجة اني ضربتها لانها تستفزني وتجادلني كثير وانا اللي فيني يكفيني

يعني ضغوط نفسيه من كل جهه واهلي بعيدين عني وانا بمدينه بعيده

الله يوفقكم وش اسوي ابي ارتاح تعبت والله اني على وشك الانهيار

ادعوا لي

__________________

لا اله الا انت سبحانك اني كنت من الظالمين

التعديل الأخير تم بواسطة ماريا ; 30-01-2010 الساعة 02:19 PM السبب: توضيح العنوان

29-01-2010, 06:08 AM

نور الإيمان

العضو الماسي وكبار الشخصيات

تاريخ التسجيل: Jul 2008

المشاركات: 6,354

ربنا يفرج همك ويهدي زوجك ويقرعينك بصلاح اولادك

29-01-2010, 06:14 AM

بردانة

عضو نشيط جدا

تاريخ التسجيل: Jan 2010

المشاركات: 427

الله يعينك ويصبرك ويهدي زوجك واولادك

توضي وسمي بالرحمن وصلي ركعتيت وطلبي من الله انه يصلح امورك

ومن توكل على الله ما خاب ومن ساعه لساعه فرج الله المستعان

يا رب ترحمنا يا رب ترحمنا

__________________
صورة التوقيع و الصورة الرمزية ممنوعة . راجعي قوانين المنتدى

لجــل دنيآأإ فـــآأإنيـــه نفتـــرق فـــى ثــآأإنيــه

29-01-2010, 06:51 AM

الوردالجوري90

عضو نشيط جدا

تاريخ التسجيل: Dec 2008

المشاركات: 339

والله ياغالية الله يعينك ويصبرك بصراحة ضغط رهيب بس ماعليكي الا بالهدوء معلش علشان الاطفال مع زوجك حاولي معاه انك تتكلمي وتفهميه ان ممكن يخسر اولاده بهذي الطريقة وان البنات بيخافوا ونفسيتهم تعبانة من اخوانهم وانتي حاولي انك تبعدي البانت الصغار عن اخوانهم علشان لايصير مشاكل بينهم والاولاد معلش اتقربي ليهم بالكلمة الحلوة والنقاش سن المراهقة متعب ولازم يكون حزم من جهة الاب ولاتنسي حرام المولود الجديد محتاجك ايش ذنبه حبيبتي بعد صلاة الفجر وصلاة المغرب قولي حسبي الله الذي لااله الاهو عليه توكلت وهو رب العرش العظيم 7 مرات بنية ان الله يهدي الاولاد ولازمي على فتح القران في البيت القران يهدي النفوس ان شاء الله والله يعينك

29-01-2010, 05:40 PM

&دلوعة مودي&

قلب المنتدى النابض

تاريخ التسجيل: Sep 2006

المشاركات: 2,100

جزاكم الله خيرا

__________________

لا اله الا انت سبحانك اني كنت من الظالمين

29-01-2010, 09:09 PM

خيـــــال

عضو دائم

تاريخ التسجيل: Jan 2010

المشاركات: 99

وربي حاسه فيك
طيب خلي احد من اهلك او اخوانك يتدخلون
صعبه كذا وهو الله يهديه ماخذ الحياه ببساطه ومطنش
حلوه هاذينجيب عيال ونرميهم
ومن ناحيه اولادك حاولي تتفاهمين معهم بالسلوب التاديب
يعني ادبيهم ولو انهم كبار وكبرو على هالشي بس ماعليه
تصبري
والله يفرج همك ان شالله
ولاتنسين سهام الليل

__________________
ياقبر وش ضميت من ذيك الاجســاد
الله ياضمـٓـه أبوي الحنونه

29-01-2010, 09:27 PM

بنت مكة2008

كبار شخصيات المنتدى

تاريخ التسجيل: Apr 2009

المشاركات: 7,516

الله يعينك ويصبرك فعلا دخلى احد من اهلك يكون ثقه يتكلم مع زوجك لازم يتحمل مسئوليه معاكى

الله يهدي يارب

__________________
ياررب ارح قلبي وعوضني خير

29-01-2010, 10:15 PM

المحبة لاستغفار

عضو متألق

تاريخ التسجيل: Apr 2008

المشاركات: 2,092

صدقينى يا اختى والله والله ثم والله مافى مثل الاستغفار والدعاء فى قيام الليل وراح تشوفين اثرهم على نفسك وعياالك

ونصيحتى ليه تتركين الخالق وتشتكين للخلق؟

استعينى بالله وادعى له وراح تشوفين الثمرات

__________________

30-01-2010, 01:51 AM

صمت وسكون

عضو مثالي

تاريخ التسجيل: Aug 2008

المشاركات: 623

كيف علاقتك بربك

30-01-2010, 01:53 PM

#10

GREEN222

VIP

تاريخ التسجيل: Jun 2008

المشاركات: 11,121

يا عيوني يا ام مودي

حبيبتي تعب الحمل وبقاءك في المشفى السبب

حبيبتي ان شاء الله شهر وتستعيدي عافيتك وان شاء الله يرجع كلو مثل الاول واحسن

لازم وقفه صارمه مع الاولاد ووقت يلاقوكي رجعتي مثل الاول رح يعملو لك حسااااااب صدقيني

كلمه حلوه مع شوية شده

لي رجعه للموضوع

__________________
http://live.gph.gov.sa/
اللهم اني استودعك اولادي

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه