موعارفه من وين ابدء لكن مالجأت لكم الا لاني خلاص نفذ صبري واحس اني جالسه اعذب نفسي
بداية قصتي انخطبت لزوجي بعمر صغير وتزوجت هم بعمر صغير لكن بعد الزواج بكم شهر اكتشفت ان زوجي كان فاتح على النت مواقع فيها نساء لابسين لانجري ولبس بحر طبعا انا شفت هذا الشي بالمحفوظات صارحته واظهر لي الندم وقالي انها نزوه بصراحه حبي له وجنوني بحبه خلاني اتناسه الموضوع بعد فتره حملت ببنتي وبالشهور الاخيره وتعب الحمل صرت انام جنبه وهو على الجهاز لاحظت حركاته لفتاته تقفيله للنت فجاه بس هم سكت على الرغم من اني شفت مقاطع ماترضاها اي زوجه وكنت بذاك الوقت طالبه وادرس وحطيت اللوم على نفسي
لكن الان مضت 8 سنوات معه ولازال زوجي على حاله صارحته كلمته وكل مره يظهر لي ندمه واسفه لكن المصيبه اني صرت اشوف هذي المقاطع عنده بالنت بالجوال وصرت اكرهه واكره جلوسه على النت اكره استخدام الجوال وصرت مااثق فيه وكل مره اقوله يقولي ناس ترسل لي وش تبيني اسوي وش مدريني شنو فيها الى ان يوم لقيت المصيبه الي ذبحتني طبعا كنت قبل بيوم مسويه له ليله ولابالخيال احتجت الى شهور لتجهيزها وقضينا احلى وقت للصبح بعدها بالمغرب اضطريت اروح لبيت اهلي ساعتين بسبب ولادة اختي وانا مومن النوع الي تهمل بيتها اصلا روحاتي قليله انصدمت بعد مارجعت بالليل فتحت المحفوظات كنت فاتحه قبل بكم يوم على حركه رومانسيه ورحت ادورها شفت شي تمنيت الارض تنشق وتبلعني ومااكون شفته تمنيت عيوني عمت قبل لااشوفه لقيته عامل بحث عن بنات شوارع وبنات حب وعن صور لبنات مثيرات يالله هلكت وقتها وماملكت نفسي قمت وصحيته من نومه وانا اصارخ لان خلاص ماباقي عندي صبر سالته شنو عندهم وماعندي الكل يحسدك على زوجتك والله والله اهل اصحابه كلهم يقولون لعيالهم اسئلو اذا كان عندها اخوات وهو يسمع هذا الكلام ويوصل له عندي طفلين والى الان الكل ينبهت يقولون فكرناك مومتزوجه ما شاء الله جسمك ولاكانك ولدتي وجبتي عيال ........ موعارفه شسوي ثقتي بزوجي راحت وانمحت مااكذب عليكم لازلت اقدم له اشهى الاكلات والحلويات والعصيرات كل يوم وباخر الليل اونسه على الاخر وكل يوم ليله شكل لا ويمكن اكثر من اول لكن من تغفي عيون الناس عيني تعجز تنام وعيوني ماتوقف بكي واكره نفسي واكره جسمي واكره ابتسامتي له واكره لساني الي يقوله احبك وحلووو الكلام
اكره كل لحظه اقضيها بحضنه وكل لحظه اهديه هديه اواكتب كلمه حلوة اوحتى ايميل اومسج جوال احس اني اعذب حالي لكن موقادره انسى اواصبر وخايفه يرجع لان قلبي مومتحمل اكثر وموقادره اثق فيه على الرغم من انه انسان محترم ومعروف بالتزامه بين الناس وعمري ماشفته رفع عينه بره على بنت والكل يشهد بذا الشي موبس انا لكن ليه تصرفاته كذا حتى اصلا ماعمري سمعت اوشفت انه كلم بنت مدري
هل ينقصه شي مدري
المصيبه اني بالبحث لقيته باحث عن بنات سمر وبنات سووووود ... مع العلم اني جميلة لكن هو موراضي يحمد الله على النعمه اصلا صرت اشك بكل كلمه حلوة يقولها لي
صراحه خايفه حتى من نفسي لان احس بحالة ضياااع خايفه بيوم اتصرف خطا ...دايما اتذكر كلام وحده من البنات اول مره كنت اشوفها قالت لي زوجك يزعلك اويطلع من البيت ضحكت وقلت ليه قالت لوانا عندي زوجه مثلك جمال واخلاق وجلسه حلوة ابد ماافارقها وماعندي ذوق لوازعلها تصدقون حسيت بغصه ماقدرت اقاومها وخفت لاتنزل دموعي وقتها
انا احس انه فعلا بكل مره يندم لكن يرجع وخايفه هم ذا المره يرجع لان بكل مره يحلف لي بالله وبالثانيه بعياله وذا المره قلت له قول إن شاء الله افقدك يازوجتي لورجعت ترجيته يقولها بس ليطمن قلبي رفض وقال إن شاء الله انتي تفقديني لان لوارجع مااستاهل اعيش لك لكن بعدني مومطمنه وخايفه واحس حياتي مضطربه ماني عارفه شنو اسوي كل ثقتي بنفسي راحت
سئلته كثير شنو فيني موعاجبك جبت المصحف وحلفته وحلف ان كل شي عاجبه من ناحية شكلي تصرفاتي اطباعي قلت له انا تحت امرك وملكك تبيني اضعف حاضر اصير لك عووووود يابس ماعندي مانع تبيني امتن اوكي مومشكله احاول لكن ليه تتصرف كذا ذكرته بالله وبعقابه وبالحرام خوفته ان ممكن الله يبتليه فيني واصير مثله واكثر
لكن لازلت اخاف خصوصا ان الايميل ممكن يفتح مكانه الف ايميل والجوال محد يدري عنه والنت عنده بالعمل وهو بمكتب لحاله والله اعصابي انهت وحياتي تدمرت وماني قادره اتماسك اكثر على الرغم من اني احاول خايفه يجي يوم وانهار والله صرت من اجلس لحالي دايما ابكي ومن اصير مع ناس اواهلي دايما سرحانه وافكر بالي صار واحس بضعف بكل جسمي وزهدت ذا الدنيا ومن يدخل للبيت اقوم وانزع كل همومي واستقبله 5بكل حفاوة وحب شسوي لكن قلبي من داخل يتقطع
وبس ماني عارفه شسوي اذا اصابعي شعلتها له شمع شنو يبي بعد اكثر

الله يكون بعونك اختي
همك احس فيه
ومشكلتك بالضبط مثل مشكلتي
وحالتي والله اعلم مثلك
سرحانه ومقهوره
بس شو باليد؟؟

الحمدلله على كل حال

الدعــــــــــــــــــــــاء

ثم
الدعــــــــــــــــــــــاء

ثم
الدعــــــــــــــــــــــاء


اختي سهام الليل لا تخطيء ابدا فاغتنميها وادعيله بالهدايه ولا تقولي دعوت ولم اجب ولكن الحي على الله بالدعاء واسالي له الهدايه لزوجك

السلام عليكم
اختي الفاضله حاولي تشغلين زوجكي بشي حلو عن النت

__________________

الدعاء ثم الدعاء لكن افضل شئ اخرجي من البيت وانس الموضوع و توكيلي عاى الحى الذى لايموت ونصيحه منى لاتفكري حتكرهين زوج اكثر من كذا ولاتنسى الدعاء حتى وهو عندك مثل الله يهديك الله يصلحك وكثرى من هذا العبارات وقرات القران واوصيك بسماع شريط شيطان نت لشيخ المنجد واجعلي زوجك يسمع معك وانت معا فى السيارة مثلا وهذى افضل طريقهااختك فى لله

أختي مشكلتك للأسف تعاني منها كثير من الزوجات

وذلك لا يعني نقص في الزوجه

بل هو اشبه بالعادة أو المرض تصيب الأزواج
ويصعب التخلص منها للأسف


عليك بالدعاء
والصبر
والتغاضي قدر المستطاع
والنصيحة بالحسنى


والله يحفظك ويعينك

__________________

وينها
كيف اتركتني
ليييييش ما جت في وعدها

اختي الكريمة .... مشكلتك شائعة جداً جداً خاصة موضوع الجوال ... اختي تأكدي بأنه لا يوجد تضاد بين حب زوجك لك وبين هذي الأمور ... وسلوك زوجك لا يعني ابداً عدم حبه لك.. بل هذه امور اعتاد على بعض الرجال للأسف... تخيلي بعض الرجال وخاصة الشباب في آخر الليل يشوفون أفلام على القنوات الأوربية..وبعضهم معاكسات وصداقات وقلة حياء قد تصل للوقوع في الحرام ايضاً.
اختي ثقي كل الثقة بأن زوجك يحبك ويحترمك والدليل تقبله لنقدك وعدم مجاهرته بذلك وهذا دليل على أن طيبته وحسن تعامله.
اختي اكرر هذه المشكلة مشكلة شائعة وحافظي على زوجك واهتمي بنفسك ايضاً حاولي قدر المستطاع معه بالكلمة الطيبة...
والله يسعدك....

__________________
قال صلى الله عليه وسلم " لا تسبو اصحابي فوالله لو انفق احدكم مثل احد ذهبا مابلغ مد احدهم ولانصيفه "

اختي مر علي مثل هذه الحاله واكتشفت زوجي وزعلت وغضبت غضب شديد وهجرته حتى جاء واعتذر ان الشيطان ضحك عليه وزوجي عاقل بس ضحك صاحب سؤء عليه ودله على هذا الطريق وطلبت ان يترك الصاحب ويرجع لاصحابه الطيبين ومن يومها الحمدلله سمن على عسل انا وزوجي ونصيحتي لك اهتمي بزوجك ودلعيه وحاولي انك تحسسينه بالحب والحنان وعيشي معاه حياه رومانسيه وذكريه بالله ومخافته واطلاعه على خلقه ومراقبته لهم

شكرا لكل من رد علي وطيب خاطري والله قلبي موجوع
على الرغم من ان زوجي كل مره يتقبل نقدي والله يكون حاله اشبه بحال طفل واحيانا يبكي ويتاسف ويقولي انا موعارف ليه اسوي كذا مدري شنو صاير لي وكم مره سئلني اذا اتحمل معه اولا وباخر مره لقيته مفزوع خصوصا اني كنت اصارخ وابكي بشكل هستيري لقيته مسكني بقوة وسئلني ماتبيني ردري علي خلاص كرهتيني هذا الي وقفني وسكت لان بعمري ماندمت اني تزوجت شخص غيره لكن يمكن بوقت المشكله تمنيت اني مت تمنيت اني مانولدت اصلا وقلت له كثير ذا الكلام
بالنسبه لحبه لي متاكده منه الف لاني عارفه لواطلب القمر يجيبه وهو مومقصر معي بشي على الرغم من صعوبة عمله واجهاده يرجع من الدوام متاخر على المغرب وطلعات وروحات وشغل البيت دايما يساعدني فيه ويقولي كفايه عليك لعيال خصوصا ان عندي طفلين تؤم صغار وبنت عمرها 4 سنوات وبالليل سهران معي ماسك الاطفال على الرغم من انه عنده دوام من الصباح مبكر
على فكره هو مره من زمااان اعترف لي انه كلم بنتين على المسنجر عدة مكالمات وماتتجاوز شهرين وبعدها بطل لانه سئل شيخ وقاله بحرمت ذا الشي وفعلا شفت سؤاله على الايميل حسيت بغصه والم ومع ذلك كلمته بهدوء لان كان يقولي لازم تقدرين صراحتي وانا ندمان بس حبيت اعترف وارتاح... شنو يعني اقدر صراحته معقوله يهيني بذا الطريقه ويقولي قدريني والله تعبت المشكله الان موفيه فيني احس ان صارلي عقده نفسيه موطبيعيه صار كل شي يذكرني بالماضي حتى وانا بين ايدينه افكر واقول ياترى منو يتخيل الان ذا الشكل ولا ذا الشكل حاسه صرت بحاله اشبه بالجنون وموقادره اسيطر عليها وصرت اكره نفسي لضعفي وعدم قدرتي على السيطره على نفسي

rozem222
بصراحه انا نفس الشي زوجي متوقعه ان الي معه بالعمل لان فهمت من كلامه ان الي معه طول اليوم نت وتلفونات فصعبه ابعده عنهم اطلعه من شغله يعني هههههههه
بالنسبه لي دايما احاول اتكلم معه عن قصص دينيه وقصص عن رحمة رب العالمين وعن عقابه عملت اشرطه كثير وسيديات قران محاضرات اسلاميه وحطيتها بالسياره طبعا ماقلت له لك لا قلت له لي احب اسمعهم وماعندي وقت بالبيت
والشي الجيد اكتشفت ان في كم واحد من الاشرطه يتكلم عن النظرات المحرمه وعقابها وثواب تاركها وعن عصيان رب العالمين وعن وسوسة الشيطان كانت جيده
انا احس حالة زوجي اشبه بلادمان كلمته وقلت له عارفه انه ش صعب لكن لازم تحاول وانا راح اكون جنبك لكن لازم اعالج نفسي بعد الصدمه قبل لااعالج زوجي والله صرت احس بانكسار وحزن واضح علي بعد ماكنت اشوف مافي زوج مثله انصدمت ربي يهديه وينسيني كل الي صار