والله الصراحه إنتو منتدي يرفع الراس والواحد يكون فخور وهوه يقدملكم نصائح أو مواضيع والصراحه تفاعلكم معايا كان أروع من الرائع
نبدء بالنصائح :
11:إلي تبغي زوجها يسير زي الخاتم في أصباعها تكون مره زكيه معاه في السرير (وإنتو فاهمين قصدي) يعني تكون علي قولتنا لهلوبه تفهم هوه إيش يبغا وإيش يحب وربي حيسير خات في أصباعها لأنها بتبسطو وتشبعو
12:حتي لو كنتو متضاربين إستقبلي زوجك وودعيه بإبتسامه عذبه خاليه من الزعل والعتاب والله حتكبري في عينه وحيقول لنفسه إنها ماتبغى تنكد عليه حتي وأنا مزعلها
13:لاتنظري إنو زوجك يكلم أمه يعزمها علي بيته الأم تحب تحس إنها مرغوبه من ولدها وزوجته يعني إنتي كل بعد فتره أتصلي وكلميها وأعزميها علي غدا أو عشاء أو حتي علي شاهي بس أهم شي تكون العزومه منك شخصيا مو من زوجك صدقيني حتتفففففففففففففففففففففرح :14:
14:كل بعد فتره أفتكري زوجك بهديه أو بورده أو بدعوه للعشاء ( علي حسابك طبعا ) وكذلك الكلام موجه للزوج
15:لما يكون زوجك مو بلبيت واتأخر شويه قومي دقي عليه مو تسأليه فينك ليش أتأخرت ومارجعت البيت لأ كلميه بصوت ناااعم وبدلع فينك وحشتني اتأخرت عليه مأحب أجلس من غيرك كلام نمك يعني وربي حيجيكي جرييييييييييي
16: خليكي دايما نكتيه ومرحه ودمك خفيف وكلامك حلو وتعليقاتك حلوه وثقافتك واسعه ولاتكون إهتمامتك محصوره بس في لبس ومكياج وبيت وبزوره ترا الرجال يمل وكل ماكنتي مرحه وكلامك حلو وجلستك حلوه صدقيني راح يفتقدك مره لو سافرتي لو خرجتي ياشيخه حتي لو كنتي نايمه ولا مريضه راح يفتقد جلستك
17:زي ماتحبي إنو زوجك يحسسك بأنوثتك إنتي كمان حسسيه برجولته قوليلو أحب فيك صوتك أحب ضحكتك دأيما عبريله بأشياء الإيجابيه فيه عشان تكون دايما روحه المعنويه مرتفعه تجاهك
18:إحترمي رغبته في الجلوس لحاله سواء للتفكير أو للعمل أو لأي سبب كان فهو أيضا يعاني أحيانا من إضارابات في مختلف شؤون الحياه
19:في يوم عيد ميلاده أو يوم عيد زواجكم فاجئيه بهديه مره حلوه وعشاء بره وكيكه ويرجع البيت يلاقي ورد وشموع وعصير في كاسات مميزه ونوع الفاكهه إلي يحبها والأحلي عبي البانيو في الحمام مويه دافيه وحطي فيها زيت معطر من بودي شوب وحطي علي وجه المويه ورد أحمر مفرفط وحولين البانيو شموع حمرا ياعيني علي الجو الرومنسي إلي حيستني عيد ميلاده عشان تدلعيه كذا
20:حسسيه إنو إنتي مالك في الدنا هذي غيره وإنو هوه أبوكي وأخوكي وصاحبك وأهلك كلهم ولا تحاولي تكذبي عليه أباااااااااااااااااااااا وأصحك إياني وإياك تطلعي مشاكلكم برهلاتقوليلي صاحباتك ولاتقوليلي مامتي ولا خرابيط مشاكلكم ماتطلع من بيتكم أبدا إنتي بشطارتك تحاولي تحليها وأصبري ترا الحرمه لها أجر إذا صبرت علي زوجها لها أجر لأنها مجبوره عليه أما إذا الزوج إذا صبر علي زوجته ماياخذ أجر لأنه مو مجبور عليها

ياربي تعجبكم وبدي أشوف مشاركتكم التانيه معايا وشكرا لكم ياحلواااااااااااااااااات

تحياتي : العسوله

شكرا حبيبتي,
عجبتني هذه الحركات.
ادعيلي بالزوج الصالح حتى اطبق نصايحك

جزاكى الله خيرا على نصائحك الجميله القيمه يا عسوله
انتى فعلا عسوله
اختك فى الله

__________________

مشكورة على النصائح
وبأسلوب مرح وجميل
نسخة مع التحية لزوجتي الغالية

تحياتي

كل كلامك عسل ياعسل ياعسولة

الا

(وأصبري ترا الحرمه لها أجر إذا صبرت علي زوجها لها أجر لأنها مجبوره عليه أما إذا الزوج إذا صبر علي زوجته ماياخذ أجر لأنه مو مجبور عليها )

اخالفك فيها لانه حتى الزوج ماجور بصبره على مرته


وبعدين لي عندك طلب

حطيلي رابط الجزء الاول ومعليش ان تعبتك

ومشكورة حبيبتي

__________________
[blink][blink][/blink][/blink]

جزاكي الله خيرا. نصايح مفيدة . شكرا

يسلمو يارب مشكورين علي الزياره وياربي تستفيدو من خبرتي المتواضعه
http://www.66n.com/forums/showthread.php?t=83399

نصايح فظيعه يا عسوله حمستيني على الزواج قلمك رائع واسلوبك دمه خفيف دمتي بود

جزاااااااااااااكي الله خيرا والله من جد نصااااااااااائح رائعه جدا مع اني اعرفهاااا بس الواحد مع مشاغل الحياه ينسى بعضها ويهمل بعضها الله يعييييين بس وبعدين في حاجه قلتيها وهيه مره مهمه بصراحه اوول مره اعرفها وهيه الاجر ماكنت اعرف انو المرأهتكسب الاجر بأذن الله اذا صبرت على زووجها تسلمين يا قمر

شكوره اختي على هالنصائح

والله يعطيك العافيه