أشكر كل الاخوان والاخوات اللي ردوا علي وفعلا للقصة بقية
أنا نفسيتي تتعب اذا تذكرت السالفة ودائما اتمنى انه حلم مو حقيقة
أنا اللي شفته مو شي بسيط والله لايمكن لاحد انه يتخيل الموضوع بنت من جنسيه عربية مع زوجي عاريه ترقص احس اني ابنجن دموعي ماتوقف ليل نهار وسبحان الله اراد ان يفضحة بذلك المقطع لانه كان يصورها
المهم انا انسانه حافظه زوجي في غيابه الحمدلله اصلي واصوم واربي اطفالي احسن تربية واعامله احسن معامله يعني متأكدة انه مانقصه شي بس ليه ليه ليه .....مدري
طبعا بعد ماصارت المشكله فاتحته بالموضوع وتهاوشنا وجلست اصرخ لاشعور وكنت في ذيك اللحظه منهارة وتوقعت اني اجهض لولا رحمه ربي وقلت له ابي اطلق بس ماطلعت من البيت لاننا كنا في الليل بعدين جلس يهديني واعترف واعتذر بكل بساطة اعتذر وانه نزوه شيطان وانتي صدقي
المهم حاولت اني اصدقه واننا نفتح صفحة جديدة ويترك هالبلاوي
الا بعدين اكتشفت رسايل في الجوال من بنت تعمل في خدمة العملاء في بنك وانه له علاقة معها انا انهرت يعني البلاوي جت وراء بعض وانا حامل انا مااقدر اقول لاهلي لانهم مستحيل يتركوني معه
طبعا اذا فتحت الموضوع اعتذر لي وانه مايكررها بس مازلت اشك الجوال اللاب توب احس انه يخوني في كل لحظه انا لجأت لرب العالمين دعيت ربي
بس ماعاد اثق فيه كرهته احس اول مااشوفه ترجع ذاكرتي لبلاويه الوسخة لافعاله هذا جزاي انا اللي صبرت وتحملت بدايه حياتي معه مع انها كانت مشاكل بس زي اي مشاكل وتحملت والحين ........
ابي حل ارجوكم انعدمت الثقة لايمكن ترجع وش اسوي
ارجوكم ادعوا لي ان الله يثبتني وان الله يهديه ويبعده عن الحرام
انصحوني وانصحوه لاني افكر اخليه يقرأ الردود
أسال الله ان لايذيقكم مااذاقني
التعديل الأخير تم بواسطة جودجودي ; 24-11-2008 الساعة 02:56 AM