السلام عليكم ورحمة الله وبركاتة ..

شهران مرا مثل الحلم .. تعبت بدايتها وكلي اصرار .. اصرار نادر وإرادة اول مرة تجيني .. وبعد هالمدة نقصت من 9 إلى 10 كيلو .. بصراحة مو مصدقة !!!

الحمدلله .. كان في بالي وقتها (اني بتعب شهر شهرين عشان اغير حياتي كلها) وفعلاً .. تعبت ونلت .. ومن حبي لكم احب اني اشارككم الطريقة اللي انا مشيت عليها وهي مو صعبه، بس يبي لها إطلاع وما اغني النت بالمعلومات اللي تقدر تساعدنا .. يعني مو ضروري خبير تغذية (في حالة عدم وجود امراض او حساسيات طبعاً) ..

المهم .. بالنسبة للرياضة .. نص ساعة مشي يوميا تقريبا (او 5 مرات بالإسبوع) واللي ساعدني ان في ممشى في منطقتي .. والجو الحلو يخلي الواحد غصب يمشي .. كنت امشي لأن للمشي فوايد قريتها في النت .. يعني اهم شي انه يعدل النفسية .. ويعدل الجسم .. ويقى من امراض العصر ..

وبالنسبة للأكل .. كنت أكل الأشياء اللي احبها وبس .. كل شي احبه آكله .. بس استبعدت نهائيا (الخبز الأبيض والرز والمشروبات الغازية والعصاير المحلاه) .. يعني اذا ابي اشرب شي غير الماي .. كنت اطلب عصير فرش بيور بدون سكر .. وبس ..

انزين .. قبل الفطور ومن الصباح الباكر كنت اشرب كوب ماء دافي .. هو ينظف الجسم وينقي البشرة وانا عندي (فرضية) انه يذوب الشحوم ..

الفطور .. كنت أكل نص خبر اسمر بالنخالة مع جبن .. أو زبادي اكتيفيا .. أو زبادي قليل الدسم ..

بعدها بثلاث اربع ساعات (وقت اللي اجوع) كنت آكل خضروات او فواكه مثل خيار، جوافة، تفاحة، خس .. اقطعهم وآكلهم بتلذذ .. او كنت أكل (جرجير) لأني سمعت ان الجرجير زين للشعر ..

الغدا كنت آكله متأخر .. يعني العصر .. ويكون لذيذ ممممم .. تقدرين تبتكرين شي على حسب اللي تحبينة بس بدون خبر او بدون رز ..

1. علبة تونه صغيرة بالماء .. على كيفك تسوينها .. تقدرين تسوينها (سلطة) او (تحمسينها مع طماطم وفلفل بارد وبصل وتسوينها سبايسي - حارة)

2. عدد 2 سوسج مفيوح (مغلي في ماء) - وتضيفين عليه طماطم مقطع / خيارة مخلله مقطعه / هلابينو مقطع / ملعقه مسترد / جبن .. وخليه في المايكروويف وتللذذي بطلعمة اللذيذ ..

3. عدد 2 بيض مفيوح / تقدرين تسوينه سلطة .. او على كيفك ..

بالنسبة للعشا، كنت اقطع كيوي وفراولة .. على اساس انهم يساعدون على تذويب الشحوم مثل ما سمعت .. او نص ثمرة جريب فروت .. او عصير فرش .. يعني نامي خفيفة .. او يمكن سلطة .. وعلى فكرة ترا قريت ان الجريب فروت يخفف حب الشباب ويحسن مظهر البشرة .. يعني قيمة مضاعفة ..

وطبعاً وقت الريجيم يكون الشعر والبشرة معرضة للخطر .. فكنت آخذ حبه فيتامين اسمها (سترس تابس ويذ زنك stress tabs with zink) وصفها طبيب تغذية حق صديقتي .. هي زينه حق اللي يسوون ريجيم وسمعت انها رهيبه للشعر وفعلا الحمدلله شعري بخير ..

اهم شي حطو في بالكم انكم بتتعبون وترتاحون العمر كله ان شاء الله .. وصدقوني الجوع يتنسي في لحظة تشوفين فيه مقاسك صار احسن .. والأكل مو كل شي بالدنيا ..

بعد كل اللي قلتة اتمنى يصير عندكم ارادة واصرار يا بنات وشباب بعد ..

مع التحية والإحترام للجميع ...

أم كريم ..

ماشاء الله تبارك الله انا شهرين نقصت 7 كيلو وزدت فجاه 2 كيلو وانا متابعه الرجيم والرياضه بس الله يعين وارجع تانى انقص 2 كيلو واكمل باقي الدايت

في عبارة مافهمتها

[QUOTE][2. عدد 2 سوسج مفيوح (مغلي في ماء) -/QUOTE]


ايش يعنى

وبالتوفيق يارب وعقبال مااكتب انى نزلت 20 كيلو

__________________
ياررب ارح قلبي وعوضني خير

مشكورة جزاك الله خيرآ

الف مبروك النزول بس انا آسفه انى اقول لك ان رجيمك ده فيه غلطه قاتله ولو تركتى نظامك ده للأسف هترجعى تزيدى العشرة كيلو وفوقهم يمكن شويه
ليه بقى
لأنك تقريبا لاغيه النشويات فى نظامك وده بالضبط يسمى فى علم التغذيه الرجيم الكيميائى وهو مدمر للجسم ولنظام الحرق
نصيحة ارجعى فورا لنظام الهرم الغذائى وادخلى النشويات فى وجباتك ولكن بحدود

__________________

http://www.66n.com/forums/showthread.php?t=194675

السوسج هو النقانق { لا اعلم مسمى اخر لها هي اللي تكون رفيعة لونها بني ومحشية لحمة تنباع في قسم اللحوم } ولو انا غلط ياريت أم كريم تصححلي .......بانتظارك غاليتي

السوسج معنا نقانق او hotdog ..

وبالنسبة للنشويات فبعد ان نقصت اول 5 كيلو بديت آكل رز مرة في الأسبوع .. وقمت أكافئ نفسي بوجبات احبها مرة كل اسبوعين .. وعلى العموم الخبز الأسمر يحتوي على نشويات تقريبا أكله كل يوم بس نص الخبزة ..

وبالنسبة لموضوع اني ارجع اكسب اللي فقدته فهذا الشي وارد في كل الريجيمات في العالم .. بس بيدنا نتحكم في هالموضوع .. بالنسبة لي فأنا اشتريت ميزان الكتروني .. اراقب وزني كل يومين .. عشان لو زدت كيلو احاول ازيد في وقت المشي .. عشان ما يروح تعبي ..

كلنا نعرف الأكل اللي يسمن .. والأكل اللي ما يزيد الوزن .. فمن هالمنطلق نعرف وش ناكل .. انا ما حرمت نفسي ابد .. اكافئ نفسي بقطعة كاكاو .. او وجبه سريعة (تخيلو) .. اهم شي اشبع نفسياً .. ومن تجربتي لو حرمت نفسي من كل ما احبه من طعام فسوف ارجع (اهجم) على الأكل ويزيد وزني دبل ..

تسلمى سعاد على التوضيح بس حبيت اسال اذا هو انا مااكلو ابدا بالعافيه عليكم

فعلا انا زيدت 2 كيلو في اسبوع بس انى مشيت اسبوع واحد على الرجيم الكميائي كان بدون نشويات وندمت مررررره وماراح اعيد تانى ابدااااا

__________________
ياررب ارح قلبي وعوضني خير

ماشاء الله عليكي

__________________

شكراً جزيلاً على الردود الحلوة

بسم الله الرحمن الرحيم
عليكم السلام ورحمة الله وبركاته
جزاك الله خير اختى الكريمة ام كريم وبارك الله فيك
وجعلها فى ميزان حسناتك
بالنسبة للمشويات كان ضمن الدايت ام لا

__________________