استفسار عن حلة الكيك
السلام عليكم و رحمة الله و بركاته
اخواتى الكريمات
عندى استفسار عن حلة الكيك المصورة بعد و طبعا ما ليش غير احلى شيفات و فنانات الطهى ممكن يساعدونى
دى حله لخبز الكيك على البوتجاز من اعلى يعنى لا تدخل الفرن
قبل كده كنت دائما فاشلة فى عمل صوانى الكيك داخل الفرن و نادرا ما تنجح لى كيكه لغاية ما تعقدت و بطلت اعمله
و بعدين لقيت الحلة دى و اشتريتها و جربتها
الحقيقه الكيكه فيها اصبحت عاليه و هشه و مضبوطة اكثر من الاول بكتير
تقولولى طيب فين المشكله
اقولكم ان فى المرات اللى عملت الكيك فيها دائما فيه جزء معين من الكيك لازم يتحرق كل مرة وهو الجزءالمحيط بالاسطوانه المفتوحه اللى داخل الحله كمان الجزء الداخلى من قاع الحله
زى ما انتم شايفين فى الصورة هو فيه قطعه نحاسيه موزعه للحرارة تركب فى قاع الحله قبل وضعها على النار
و لو جعلت شعلة البوتجاز ضعيفه النتيجه ان الكيكه لا ترتفع
ارجع ارفع النار شويه فترتفع العجينه لكن يحصل حرق فى الاجزاء اللى قلتلكم عليها
يا ريت لو فى حد فيكم جربها و نجحت معاه يقولى الخطأ فين و ازاى اتلافاه
و طبعا لكم جزيل الشكر و الامتنان
[img]
[/img]
[img]
[/img]
التعديل الأخير تم بواسطة مستكة_مستكة ; 10-04-2008 الساعة 06:23 PM
السبب: روابط خارجية للصور
10-04-2008, 05:50 PM
ضوابط المشاركة
العرض الشجري