أولاَ جزاك الله كل خير وجعله في موازين حسناتك .لم أفهم منك هذا العبارة (( الطبيب معجب بك أو لفت نظره شيء جميل فيك وتعلق بك ولكن لم يجد باباً ليصل منه إليك أو ككيف يعبر عن ذلك أو معجب من بعيد, وقد يكون حب من طرف واحد(كما اتوقع).)) إذا كان معجب أو لفت نظره شي كيف أفتح له الباب أو كيف أتركه يعبر حتى وأن كان حب من طرف واحد من الطبيب أو مني كيف ستطيع أن نزيل كل العقبات حتى نعرف بعضنا البعض لا (( لا أريد معصيت ربي حتى وأن أصبح هناك زواج )) ثانياً أكبر سلبيه أني لا أعرف كلمة لا في حياتي فكل شي نعم نعم نعم نعم ليس ضعف مني لكن لا أحب أن أرى نظرة أنكسار في عين من طلب مني وأكره أن أسمع كلمة ((لا )) أعلم أن هذه الكلمة تقل في أشياء كثيره لكن لا أحب أن أسمعه . هناك ناس أعرفهم عز المعرفه أن جلست معهم لوحدي يتكلمون عن الجميع بالسوء وأن هذه فيه وهذه فيه وحين نجتمع بمن تحدثوا فيها يأخذونهم في الأحضان ويضحكون معهم ويمدحون بهم أمام الجميع طبعاً في البدايه أستنكارت تلك الأشياء لكن حين وجدت الجميع هكذا أصبحت لا أحضر هذه الأجتماعات والجميع يقول أني منعزله .

دائماً نخلط بين الحب والإعجاب لأن الفرق بينهما دقيق ..

حب من طرف واحد " إعجاب " ( أو مني ) وهذا الي أنا توقعته من بداية موضوعك ، نحن أحياناً حين نرغب بشيء نتوهم حدوثه أو ربما الشخص المقابل يوهمنا به . ولا يوجد عقبات حتى تزيليها ولا يحتاج الطبيب لمن يفتح له الباب لأنه لو رغب فعلاً سيعرف كيف يفتحه بنفسه . وهذا لا يعجز اي رجل ، بإمكانه ان يتكلم بشكل صريح ومباشر ويأتى البيوت مع ابوابها .

ربما شعر الطبيب برغبتك هذه " تريدين فتح الباب " ولا تقولي لا فأراد أن يعلقكِ به. أنا لا أشكك بنيته لكن هذه الحكايا دائما ما تتكرر ورايتها بنفسي ، الطبيب يقابل الآف المريضات ، لكنه لا يتجرأ إلى على من تفتح له الباب ، وتكون بمفردها وتكون صغيرة غير متزوجة ، خذيها من واقع تجربة مني " والله على ما أقول شهيد " : قابلت اصناف الأطباء بحكم مرضي و دخلت عدد من المستشفيات وابقى فيها ايام مع عدد من الأطباء ، بعضهم له أساليب بمنتهى الخبث ومنها ما ذكرتي ، ومنها ان يعود لك كل دقيقة يسألك هل أنتِ بخير، هل نمتِ هل تحتاجين شيء قبل ان يذهب؟ ، ومنها أن يتاملك كلما أتى وذهب أو مر من أمامك بنظرات توحى بالتعاطف والرقة والإهتمام البالغ ، وفتح اى حوار بلا هدف ، وإن لم يجد تجاوب يغير الأسلوب ، و يجس النبض ، ومحاولة منه لدفعك للمبادرة ، فقد سألني احدهم مرة : لم تنظري إلي بهذه الطريقة ؟!!
وعلامة هذا كله أنه يختفي مع وجود أي محرم من محارمك الرجال ..

- حكاية أخرى توضيحيه : اختى شاهدها شاب في السوق أعجب فيها ، لحق أخي واخذ رقم جواله وتكلم معه شوي واليوم الثاني جاء وخطبها .. يعني الشخص الجاد لا يحتاج للف والدوران حتى يصل لما يريد فالموضوع سهل جدا لو كان صادق ..!

( اعتذر للمستشار رجل الرجال على المداخلة ، لكن لأني فتاة مثلها وافهم شعورها جيدا ، و تعاملت مع امثال هذا الطبيب و مرت علي نفس هذه الأساليب ، شعرت أنه من الأمانه أن أوضح لها )

__________________
إذَا هَاجَتْ أَمْوَاجُ الْفِتَنِ ، و تَمَزَّقَ شِرَاعُ الثَّبَاتِ ؛ فَتَأَرْجَحَ قَارِبُ الإيمَانِ مُؤْذِناً بِانْغِمَاسِ القَلْبِ فِي لُجَجِ الظُّلُمَاتِ
نَــاج ِ { لاَ إِلَهَ إِلاَّ أَنْتَ سُبْحَانَكَ إنّي كُنْتُ مْنَ الظَّلِمِينَ }

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

ماشاء الله تبارك الله بصراحة موضو ع جميل جدا وكان نفسي أشارك فيه من البداية وماردني عن المشاركة إلا بعض الظروف والمشاغل وفي الحقيقة لما دخلت لموضوعك يا أخي الفاضل رجل الرجال وجدته مكتظ بالكثير من المشاركات ولم أقرأ منه سوى ثلاث صفحات وبإذن الله سأكمل الباقي فيما بعد وأنا كان عندي إستشارة أريد رأيك فيها ولاكني عندما رأيت وقرأت المشاكل إللي يعانون منها الإخوان والأخوات في موضوعك إتضح لي إن مشكلتي أشوفها بسيطة عند المشاكل إللي قرأتها وأنا حتى باقي ماكملت قراءة باقي الصفحات ففضلت عدم طرحها حتى أفسح المجال للي هم أكثر حاجة مني للإستشارة وحتى مانتسبب في الضغط عليك ونشغلك كثر منت مشغول
وشهادة حق أقولها بحقك إن كلمة شكرا قليلة بحقك أيها الرجل الطيب والمحب للخير وربنا يعطيك العافية والصحة وطولت العمر يارب أنت فعلت خير وفتحت لك باب خير لتكسب منه الأجر والثواب من رب العباد أنت بموضوعك هاذا طلبت أجر وثواب الآخرة ولم تطلب أجر الدنيا بارك الله فيك وفي جميع أعمالك وفي ذريتك وأهل بيتك ورزقك الله من حيث لاتحتسب بإذنه تعالي وزادك الله علما وحكمة وبسطة في المال والأعمال ورفع الله قدرك في الدنيا والآخرة وسهل الله جميع أمور حياتك ويسرها لك ظاهرها وباطنها
وكبيرها وصغيرها قريبها وبعيدها وأسعدك الله في الدنيا والآخرة وكتب الله لك بكل حرف تكتبه هنا جبال من الحسنات اللهم آمين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ابنتي الكريمة نونو 4:إجابة الرد 172
وصلت فكرتك وسأضع هنا افتراضين فإن طابق أحدهما ما في نفسك فحسن وإلا فلعل أحدهما يوحي لك بالسبب الحقيقي:
ما يثير القلق باستمرار ويوترك في حياتك إما أن يكون:
1- الخلل الحاصل في ذهنك بين الصورة الخيالية لما يجب أن تكوني عليه في حياتك الزوجية كما كنتي تأملين وقت المراهقة ومواصفات فارس الأحلام والفخامة وغيرها (كأي بنت) ومقارنته بالواقع وشعورك أنك لا تنتمين للواقع لوجودك في عالمك الافتراضي( ما كل ما تمنى المرء يدركه) لذلك فأنتِ في استنكار دائم لواقعك بما فيه من مقومات العلاقة السعيدة كما جربتها في الفترة الأخيرة.
2- مقارنتك لواقعك لما تسمعينه من كذب بعض النساء ممن يدعين أن أزواجهن فعلوا لهن وأكرموهن ونظرتك لنفسك أنك أفضل منهن فتستحقين أفضل من واقعك وقد نهى رسول الله صلى الله عليه وسلم عن التشبع الكاذب .
إن كان في نفسك شيء حول هذا أو سبب آخر فبالانتظار

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

مع الاسف الافتراض الاول دابحني بشدة( باستثناء زوجي لاني الحمد الله مقتنعة فيه )

__________________
[img]http://im9.***********/2011-08-29/1314659490971.gif[/img]
اللهم اكتب لنا حجة او عمرة يارب

والدي لقد اخبرتني اختي ان اختي الاخرى عاد لها المس وعندما علمت بذلك رجعت لي ذكريات الماضي واصبحت اخاف جدا عندما ينام زوجي وابنائي وانا ابقى مستيقضه وابدا بقرات اية الكرسي والمعوذات ولكن الخوف يبقى بقلبي لدرجه اني لااستطيع ان اخرج من غرفة نومي واقوم بتغطية وجهي بالشرشف وابقى كذلك حتى انام
والدي ليتك تساعدني على التغلب على هذا الخوف فانا لااستطيع ان اتخلص منه وحدي
الله ينورحياتك بنور الايمان ويفتح لك ابواب رزقه

__________________
اللهم فرج همي

سيدي الكريم هلا تلطفت بالنظر للرابط الذي في توقيعي
و تكرمت بالرد . . .

__________________
## مهم ##
هل تتعرضين للابتزاز في الانترنت؟


هنا من ينقذك

السلام عليكم ورحمة الله وبركاته
لااعلم كيف ابدا لكني سأختصر قدر الامكان
انا اول مرة بحياتي اتكلم بالموضوع هذا لان مجرد الكلام عنه احس اني اسب امي وعاقه لها
امي طيبة وحنونه لكن فيها صفات ماكنت اعرف انه خطأ يوم كنا صغار على بالي انه امر طبيعي جدا كنت اظن انها مسكينة
هذا الصفات
العصبية والاندفاع والحساسية
علاقتها ابوي كانت دايم مشاكل بسبب حساسيتها صح ان ابوي احيانا يغلط بس ردة فعلها تكون اقوى بكثير
دايم يوم كنت صغيرة اشوفها تصارخ وتثور على ابوي بقوووووووووة وتبكي وتسوي حركات جنونية والسبب خطأ من ابوي ممكن يتصلح لو جاته بالهداوة
وهذا الاسلوب حتى مع اهل ابوي او احد من جهة ابوي يعني مثلا لو احد قال لها كلمة قد تكون جارحه نوعا ما لكنها تنفعل بشده وبقوة مااحد يتصورها لدرجه الصراخ والعويل وتسب بالشخص واهله وتقعد تقول كل سلبياته من يوم عرفته
مع الناس الثانين حبوبة ومرة حنونة لكن ترجع لهالشخصية اذا احد غلط عليها وكانت ماخذه منه مواقف من قبل وخصوصا لو كان له علاقة بابوي
اذا رحنا مكان ماارتاح اخاف امي تتهاوش مع احد ونثور ويصير شكلها يفشل طبعا هي ماتتهاوش الا لمن تجي سالفة زواج ابوي
اختي اول ماعرفت بالعلاقة الجنسية بين الازواج احسها كرهت امي وابوي تقول يتهاوشون قدامنا ولمن يدخلون الغرفة يحبون بعض
تمر ايام بسلام يعني علاقة امي وابوي تكون مرررة حلوة لكن انا مااكون مرتاحه احس انه الهدوء اللي يسبق العاصفة
تزوج ابوي وصارت امي مايمر اسبوع ماترجع لشخصية اللي تخلين اموت خوف
تعصب على ابوي تسبه سب وتدعي عليه دعاوي



تبكي بقوة مع صراخ وحركات جنونية ردة فعله هي السكوت مو ضعف بس لانه يعرف لو يقول كلمة وحده وهي بالحاله هذه راح توصل السالفة لاعظم مرة اذكر انه رد عليها ومن شده انفعالها وصراخها الشديد جاها نزيف وكلها هذا وانا واخوني نشوف حتى اقول لها دم في ملابسك ولا تهتم تستمر بالصراخ وتقول لابوي انت السبب واحينا تركض وهي تصارخ وتطلع من البيت
اكثر شي يحرجني لمن تكلم احد تشتكي له
او احد يشوفها في حاله الانفعال لان شكلها يصير مرة يفشل وماتصير الحرمة العاقله اللي تطلع قدام الناس
بعد كل حادثة صراخ وانفعال تجلس وكأنها مريضة وانا اموت من الخوف احس اني ابفقدها
احيانا اجي اقول لها شي وماادري انها معصبة وتصرخ بوجهي بقووووووووة وخصوصا لوكان شي يخص الفلوس
اذكر مرة تهاوشوا وقامت تصارخ بقوة وتتكلم كلام غير مفهوم وقالت انا ابموت نادوا فلانه بنت خالتي وجات وبدت توصيها ووتكلم كلام مو مفهوم انا من خوفي رقيت السطح واقول لنفسي ماابي اشوفها وهي تموت
احيانا من الانفعال تطيح على ركبها وتقوم تضرب صدرها وتشق ملابسها
كان قلبي يدق بقوة من الخوف واتمنى اني مو موجودة
مازالت في ذاكرتي مناظر وابوي يضرب امي لمن يفقد صوابه وهي تصيح وانا مااعرف وش اسوي وش المفروض اللي اسويه لكن اخوي كان يدخل بينهم ويفك امي
وامي طبعا ماتمشي الموضوع تروح توري كل اهل ابوي اثر الضرب وطبعا الكل يستغرب لان ابوي مررة حبوب مع الناس
وانا الحين صرت ماالومه
ويوم تزوجت وعرفت ان الحرمة لازم تحترم زوجها
دايم تمنيت الزواج علشان ارتاح من الخوف اللي عشته
بعد كل هياج وصراخ لامي ادخل غرفتي واااصيح واتمنى الزواج من كل قلبي
اكثر شي يغضب امي موضوع الفلوس
يعني ياويل ابوي يقول لها اشتري لعيالك كذا تجيها حالة الانفعال
اقسم بالله اني من الخوف لمن اشوفها منفعلة مااقدر اسيطر على نفسي
امي بخيلة جدا وابوي بعد فيه بخل مدري مين اللي اعدى الثاني
وكل شي مو لازم مهما كان
لو نشوف سيارة ايس كريم اما مايشترون لنا لانه مو لازم وخسارة او يشترون وكل اثنين في واحد
واي شي تسويه لنا من المصروف اللي يعطيها ابوي تشوفه كثير وكل شوي تذكرنا به
مستوانا المادي متوسط بس نعيش حياة فقر
يعني حتى الملابس ناخذها من عمتي المدرسة وبجحه خلاص هي ماتبيهم حرام نكبهم البسوهم انتم
لو نروح ملاهي مالنا حق نلعب الا لعبتين بالكثير ولمن نرجع تجلس امي تذكرنا بهم وكيف انها صرفت علينا وووو
كل شي خسارة فلوس
والله مواقف مرت علي استحي اقولها وكلها من باب البخل على الرغم من ان ماديتنا حلوة
اما لمن يصير نقاش مع ابوي على مصاريف تتحول امي لوحش تبدا تصااااااارخ تعصب يغمى عليها
تبدا بسرد كيف هي وقفت معه وساعدته ووووو
مدري ليه هي كذا تنفعل وزيادة على كذا لالالالالالازم نكون معها ومأيدين رايها وياويلنا لو خالفنا اي رأي راح نصير أكبر اعدائها وتبدا مسلسل الاندفاع والصراخ والسب والدعاوي والحركات الجنونية وشق الملابس وكب العصير والاكل على نفسها
انا من يوم كنت صغيرة كنت اتجنب اني اخالفها علشان ماتثور فيني ويوم تزوجت كثير تشتكي لي واجاملها علشان لو قلت لها كلمة وحدة حست فيها اني اخالفها او ادافع عن اللي مختلفه معها تثور فيني وبقوة واصير اكبر اعدائها
مدري كيف اساعدها تغير هذا الطبع اللي مااقدر افاتحها فيه اصلن لو اقول لها انت عصبيه ياويلي تبدا تقول من اللي اشوفه انتم السبب مفروض ومفروض ومفروض
يوم صار عمري 12 صرت دايم اتكلم مع نفسي
ادخل غرفة واتكلم كلام كله خيال اتخيل اني مع صديقاتي واقعد اتكلم بصوت مسموع
طبعا كلامي كله اثبات لذاتي ولاهلي
رحنا وسافرنا وسوينا وايوي سوا لنا وامي سوت ووووكله هالكلام ماصار منه شي بس اتخيل وابدا ارتب الكلام علشان اقوله لصديقاتي واكثر شي مااقوله بس استمتع مررة وانا اعيش بالخيالات وانا اتكلم مع نفسي
والى الان وانا مازالت اشتاق لهالطبع بس مو كثير يعني بين فترة وفترة اما من عمر 12 الى بعد زواجي بسنتين او ثلاث مايمر يوم ماااتكلم مع نفسي واتخيل اني اقول هالكلام لصديقاتي وكله اثبات اني احسن وحده وان حياتي الكل حاسدني عليها كان الحالة هذه في قوتها وشديدة يوم كنت بالثانوي لاني تعلقت بوحده وصرت كل شي ابقول لها لازم ارتبه واتكلم مع نفسي فيه
وطبعا كل شي اقول لها كذب في كذب بس ابغى موضوع تسمعني فيني وتعجب فيني وفي حياتي
انا الحين دااااااايم اخاف من الموت مدري ليه
يعني لو يتأخر زوجي ابدأ اتخيل انه مات واتخيل كيف ابعيش دونه وين اسوي العزا وش البس وين ندفنه وووو
لو تمرض بنتي تبدا سلسلة الخيالات
لو ماترد جدتي على التلفون ابدا اتخيل كيف طلعت روحها وووو
الشي الثاني احس بفجوة بيني وبين امي بعد ماكبرت واكتشفت انها مو مسكينة وانها هي السبب في اللي صار لها
واكثر شي تعبني اول ماتزوجت كنت متربية على البخل وزوجي كان مسرف
وحسيت بتذبذب وشي غريب داخلي مدري مين الصح اللي ينبسط بفلوسه ولا اللي يجمعها لاني ماعرفت غير اهلي قبل زواجي
وصرت زي امي اول الزواج لكني تعبت مرة وصرت بعدها زي زوجي وتعبت مرة يعني لاارتحت بطريقة امي ولا بطريقة زوجي
والى الان ماادري كيف اصرف فلوسي
ودي اشوف احد قدوة غير امي وغير زوجي لانهم على طرفي نقيض
على الرغم من اني انبسطت لمن صرت زي زوجي بس ولو احس بتأنيب ضمير
اذا رحت لاهلي وشفت طبع امي ارحم اخواني ودي يعيشون زي الناس ولو اتكلم تقول لي ايوه انت خربت من فلان اللي مايعرف يصرف فلوسه لاتطيعنه
ابي الان اتخلص من خوفي وسواسي من الموت لو يصير اي طارئ
وابي اعرف كيف اصرف فلوسي من غير تأنيب ضمير
وابي اخلي امي مرتاحه وتتخلص من الانفعال لاني مااحب اشوف شكلها وهي هايجة
ابي اصير قويه شخصية
الان مااقدر اخالف زوجي لاني اخاف يعصب مدري كيف اغير هالطبع
تجيني رغبه قوية مااقدر اسيطر عليها واحس بفرح وانبساط وانا اسويها وهي اني اتكلم مع نفسي بالغرفه لحالي واتخيل اني عند صديقاتي القديمات واني اقول لهم اشياء عني بس ماعاد صرت اكذب بالكلام والخيالات صرت ارتب انجازاتي واتخيل اني اقولها لصديقاتي

جزاك الله خيرا يااخي

الرد رقم 201

اتمنى ان تبدي رأيك وفقك اللله