السلام عليكم ورحمة الله
انا انخطبت من زوجي قبل شهر و سوينا شوفه شرعية و امه بعد يوم الشوفه دقت مبسوطه تقول ان زوجي سعيد جدا من طلع من بيتكم حتى كان بيستخير مره ثانيه و لا استخار لانه اقتنع فيني و اعجب فيني ، الى هنا كل شي تمام وفهمت انه مره حبني و ارتاح لي واعجب فيني وانا كذلك ، بعدين تملكنا قبل اسبوع من اليوم و قبل الملكة بيوم امه كلمت امي تقول انه يبي يشوفني على طول بعد مانكتب العقد و بما انه صعب عندنا لانه كانت بس ملكة رجال اما الحريم بعدين مب رمضان ، المهم عرفت انه مره متلهف و يبي يشوفني و يبارك لي و كذا وانبسطت ، بعدين تملكنا وكذا و بعد يومين امي وامه كان يكلمون بعض و قالت انه يبي يكلمها وكذا و بس اخذ رقمي ودق وماطول بس باين كان مستانس من صوته وانا عارف عني اني مره خجوله و بالمكالمه كنت ارد عليه بس واسال عن احواله بصوت واطي وخجول المهم بعدين بالواتساب جاني و قلت له البداية نخليها واتساب والمكالمات بعدين قال هو ان شاء الله المهم و سولفنا سوالف عاديه ونضحك و عادي وكل هذا بالواتساب بس باول محادثه لنا يعني ! بعدين يوم جاء قال لي بكره قوميني الساعه الفلانيه قلت اوكي ، ودقيت بصحيه و رد علي وكان صوته مدري كيف قلت اكيد نايم من جده لان هو قال قوميني الساعه 9:00 و هو اصلا قايل لي يقوم مم 8:30 عشان يوصل الدوام تسع فهمتوا؟ فقلت اكيد مب عشان اقومه بس عشان ادق عليه ، الزبده وصوته كان غريب و يكح ومدري كيف حسيت تفشلت انا قلت هذي ثامي مكالمه المفروض يكون فيها ذوق شوي بس بعدين حسيت اني بالغت شوي المهم انا ماعطيته وجه بالمكالمه اعترف وسكرت بسرعه على اساس بس اني صحيته، المهم ومن سكرت وقعد يوم كامل لا كلمني لا واتساب ولا شي ويدخل عادي وانا ادخل عادي بس ماكلمني ابد ، المهم بعدين جاني اليوم الثاني قال وين الناس قلت هنا وقعد يسال اخبارك وكذا وانا كان مرتفع ضغطي ليه يسحب بعد المكالمه غريبه يعني ! و كانت ردودي بارده مره بس محترمه يعني مب نفس اول ماكلمني كأن فيني شي يعني ، المهم بعدين سولف معي شوي يعني ماجت حتى عشر دقايق و كان عادي مافيه شي و انا اسلوبي غيرته عن قبل يعني مو نفس اول مره بس عادي اضحك معه وكذا المهم بعدين ماجاني بعده بيوم جاني يسألني عن اجراءات الفيزا وكذا و ويبغى جوازي وكذا وكان اسلوبه جدا جدا جدا بارد لابعد درجة المهم وانا نفس الشي ولا انا كنت على نياتي و عساس بعامله احسن معامله بس يوم شفته كذا قلت ذا يبي يعنني يجيب راسي و مدري ايش ومابيه يفكر ان اسلوبه نجح علي و يقول ماينفع الا كذا لان اذا صار اللي يبي بيتمادى وبيسوي هالاسلوب الغبي والبارد كل مره !
شرايكم امانه؟ مع انه ترى والله يحبني و يبيني و مره هو كان الي ميت يبي رقمي عشان يكلمني و سالت ناس اثق فيهم قالوا يمكن معصب مايبي الوضع كذا يصير ! طيب ابفهم الحين هو الرجال لازم هو اللي يبادر و يكسر الحواجز مب البنت و هو اصلا من البداية حتى كلام حلو مايقول بس سوالف عاديه و تنكيت شوي و انا مدحته مره مدحه مره يعني تخلي الواحد يستانس وبس وقفت يعني ما زودتها !

قولولي وش وضعه ؟
مسوي فيها ثقل ؟
ولا مسوي اسلوب يبيني انا اللي اتكلم ؟
ولا يبي مكالمات ؟
ولا ماعجبه اسلوبي بالواتساب والمكالماات وقال اخاف اكرهها و سحب نفسه وقال احسن رسميه ؟


والله انقهرت ماصارت اسبوعين على بعضها و يسوي كذا !

يمكن ينتظر منك كلام حلوو ..
مع انه من المفترض يبادر هو ..
لكن حاولي تغيرينه انتي بأسلوبك ..)
يمكن يتنظر منك مدح او ثناء او يريد منك تشجيع لعمل الفيزا ..

__________________
كن ثرياً بأخلاقك , غنياً بقناعتك , كبيراً بتواضعك ..

مافي مشكلة بموضوعك ابدا.. انتي وين شايفة مشكلة؟

اذا دققتي كذا ماراح تعيشين..

عطي كل شي حجمه الطبيعي ولا تكبرين المواضيع..

الكلام الحلو حلاته يطلع من القلب.. مو احسن من انه يصرف لك كلمتين حلوين لمجرد انه يسمعك كلام حلو؟ :/

ان شاء الله تصير اسوا مشاكلك كلمني وكلمته وثقل علي 😊

وكلمة لك حبيبتي.. مافي حب يجي بشهر ولا باسبوع..

وعلى فرض انه حبك.. المفروض يكلمك 24 ساعة باليوم يعني؟

كم عمرك؟

__________________

اختلافي عنك لا يعني اختلافي معك

انا مو قاعده اشكي انه مايقولي كلام حلو انا اقول فجاة تغير اسلوبه يعني ، مدري وش قصده يعني وكنت ابيكم تفهموني يعني وش مراده من اللي يسويه ولا كلام حلو والله عادي مابي بس على الاقل يبادر يتكلم يكسر الحاجز اللي كسره بالبداية وفجاة رجع الحاجز باسلوبه !

عادي.. رتم المبادرات مايكون مستمر على نمط واحد..

ما اشوفه سوى شي..

ماجاوبتي كم عمرك وكم عمره؟

__________________

اختلافي عنك لا يعني اختلافي معك

انا توقعت كذا بعد بس انا خجوله مره الكلام الحلو مايطلع مني الا اذا حسيت قالي كلام وصل لقلبي يعني مب مجامله اقوله!
وسالفة الفيزا ما صارت الا اليوم قبل لا اكتب الموضوع بشوي يعني ماله دخل
عالعموم اشكرك عالرد من كل قلبي

مدري حسيت فيه شي ، الله يطيب خاطرك عالرد المريح
عمري 22 وعمره 30

خففي حساسية ولاتدققين على كل كلمة والتمسي له الاعذار عشان انتي ماتتعبين..

يمكن مشغول

يمكن عنده احد

يمكن مهموم

يمكن مزاجه سيئ

ومافي الا العافية 💜

بعدين ماصار لك الا اسبوعين ماتقدرين تحكمين عليه منهم

الله يوفقك يارب

__________________

اختلافي عنك لا يعني اختلافي معك

هل الكلام كان واتس اب ترى الكتابه ما توصل المشاعر

انتي غلطتي يوم قلتي نبيها واتس هو جايك متحمس تقومي تقولي واتس الله يهديك
هذا زوجك حارمته من صوتك!!

فاجئيه بيوم و دقي عليه قولي اشتقت لصوتك ببساطه

أنت حسااااااااااااااااسة،،،
إنتو لسة ماعرفتوا بعض وتبين تفهمينه؟؟!!!
أكل العنب حبة حبة
بعدما تصير بينكم زيارات ومكالمات بتتعرفون ع بعض وتعرفون بعض وتفهمون بعض...
لاتكوني عجولة ولا تسبقي اﻷحداث.