سؤال يطرح نفسه ..
نحن جميعا نتزاور فى المناسبات وكل سنه وانتم طيبين ..
هذا شئ محمود ..
ولكن السؤال الذى اود ان اعرف اجابته منكم جميعا هى كم المده التى تراها مناسبه للابلاغ عن زيارتك لاحد ما ..
بمعنى لو حاتزور احد اقاربك هل تذهب لزيارته ام تتصل وتبلغه انك قادم الان .. ام تتصل لتعرف الموعد الذى يناسبه للقيام بزيارته ..
طبعا قد تقولون انه لا استئذان للزياره بيت المقربين ..
ولكن حتى للمقربين الا يصح الاستئذان قبلها ..
وهل يختلف الموضوع من زيارة اهلك عن زيارة اهل زوجك او زوجتك

يعنى انتى متعوده تطبى على اهل جوزك من غير ماتديهم خبر ؟
اكيد بيت عيله ومفتوح على طول ..
انما انا افضل يكونو عارفين .. على الاقل نلاقى حاجه نشربها ..
شكرا على مرورك وعيد سعيد

الطيب احسن يافهلوى بيه ..
اللى ماتحتجش وشه النهارده بكره تحتاج قفاه ..
انا عارف ان الود لايكون بنفس الدرجه ولكن من الخبره يجب ان تحتفظ بالحد الادنى من العلاقات ولا تقطع كاملة ..
لكن لو حد من اهل مراتك اتصل وقال لمراتك احنا جايين كمان ساعه تعمل ايه ؟

لكن انتى ماذكرتيش حاجه عن اهل زوجك .. ممكن يزوروكى من غير ميعاد ..
ورد فعلك ايه فى الحاله دى ؟

عادى يعنى المتجوزين عملو ايه ..
اقولك حاجه .. احنا جالنا تليفون ان احد قرايبنا جى كمان ساعه يبارك لبنتى على التخرج ...
هو لا يعتاد زيارتنا ..
انا كنت نازل افتح الصيدليه واتضايقت انى حاقعد وقلت مش كان مفروض يقول قبل كده نستعد فقالت زوجتى عادى ده ابن اختى ومش محتاج يستاذن ..
قلت مش جايز خارجين او حد تانى جايلنا ده انا اختى لازم اقولها قبل مااروح ..
تراجعت وقالت انا ماقلتش انه صح بس هم متعودين على كده ..
مع العلم انا لو حد جاى من عيلتى يزورنى بيقولى قبلها باسبوع ومع ذلك مش بيعجبها
وتقعد تبرطم وده وقته .. ماعنديش حاجه اقدمها والشقه زى الزفت ..
والبيت يتكهرب كله غاية ماالزياره تخلص ..
ايه رايك بقى ؟