بسم الله الرحمن الرحيم
أخواني أفيدوني ، أنا من فترة شهرين من ملكتي أكلم زوجي من أول مكالمة شكيت بأسلوبه
على طول قبل يسكر قال قلبي عمري حياتي ،
أنا أستغربت و هو متعود شكله ، شكيت بالموضوع وقلت لقريبتي قالت لي لا الشباب الحين متعلمين ويعرفون هالاشياء ويشوفونه بالمسلسلات المهم انها خدرتني فقط ..
قبل فترة أنشغل ، و ماصرنا نكلم زي اول
مكالمتنا فقط نص ساعه ، وتقريبا هالشيء من اسبوعين الى ثلاثه من نهاية شهر سبعه ،
بالتوبيك بالواتس يطلبني احط له توبيك وصورة واحط له
وهو يحط لي بدون مااطلب وانا مااهتم بهالاشياء ،
لكن هالفترة من اسبوعين هو مسافر طبعا ومشغول بس ماهو مثل اول
يعني يشوفني متصله مايرسل ويسال لين انا اسال عليه
من زمان ماطولنا بالمكالمه لساعتين او ساعه عدا اليوم الصبح وراح اقولكم ليه !

التغيير اللي حصل مايسال عن شحني او باقتي اذا خلصوا او لا ، وانا اراسله من جوال امي لاني مااهتم بجوالي
وبنفس الوقت مخلصه باقتي واستحي اقوله ، او اطلبه
دايما يحاول يشابهني لمن اقوله انا اقرا يقولي انا اقرا جرايد ومقالات

طبعا هو انسان رحوووووم حيل وكريمم ويصلي وطيب ويراعي خاطري طالما اني مغمضه ،
لمن اقولة كلام حلو يطير فيني ويدق ويراسل كل شوي

لكن الحين العكس اقولة وعاددددي يعني مو زي طيرته اول

قلت له اهتماماتي وبسوي مدونه وموافق بكل شيء ،
بس فيه ثغرةة

قبل كم يوم كلمني من رقمه الثاني لاول مره وحفظت الرقم وصرنا نتواصل عليه

واهم شيء ان هالشيء صار بعد تغييره اشترك مجانا مكالمات ،

وحولني ع رقمه الثاني ، زمان قلت له ليش معك رقمين قالي رقم لاهلي ورقم للناس اللي مالهم داعي بالحياه للعلاقات مع الدوام والشباب اللي يتعرف عليهمم ،
يوم كامل انقطعت عنه كان عندي مشوار وزياره مصادفه وماامدى اقول له
جيت للبيت الفجر لقيته داق وجوالي مغلق
ومرسل ع رقم امي
ورديت عليه هلا وبس ابيه يفقد بشوف وش اللي غيره
كان كاتب التوبيك فقدتك
الظهر قمت لقيته قاري رسالتي ولا سال وين كنتي
ومغير التوبيك
المهم انا كلمته العصر وقلت له اني فاقدته ومن هالكلام كان تمام معي بس يضل في شيء متغير

كلمني امس بالليل ساعه وقالي بسكر خويي عندي ومدري كيف وانا تاركة
واهمم شيء تبريره اللي مااطالبه به
قالي والله مامليت بس مستحي منه وانا ماسالته اصلا لاني عاذرته !،

المهم اشوف ظهورة بالواتس
عرفت انه يكلم برقمه الثاني اللي تو سكره مني
انتظرت لين كملت ساعه ودقيت عليه
رد بصوووووت المندممج وقالي هلا ليش الازعاج طبعا بمزحه
ضحكت وقلت له بقولك كلمه بس
قالي قولي قلت لا خلاص
قال لا قولي
قلت له كلمه أنك اجمل شيء في حياتي

وطبعا قلبي يتقطع لان صووووته ماهو نفس صوووته يوم كلمته كان حلوووو
قالي انا بصلي وخوي بالحمام يافلاااان !! يناديه قدامي

انا عارفه انه تبرير لاي شك قد يكون بقلبي

لان محد رد عليه ...

وبعدها شافني متصله صبح علي متى بتنامين
قلت شوي بحاول بالاتصال النت عندي شغله
قالي بكلمك بعد نص ساعه قلت اوك

بعد نص ساعه وماضبط الاتصال معي والا ماكنت برسله

قمت ارسلت له عشان مايحس اني حسيت بشيء وطنشته ، ابيه يكون حاط بباله اني ماني فاهمه شيء

ارسلت بتدق او انام قالي لا بكلمك شوي بس لو اطلع بالشارع لعيونك
أنا هنا
فاهمه هذا تاثير الاحساس بالذنب ...
كلمته اليوم وطولنا لساعتيننن
حتى اخر شيء قالي من زمان ماطولنا وتكلمنا \

تكلمنا عن اغلب الاشياء منها مواقفه اللي تصير له بمدينته
من ترقيم البنات ومدينته معروفه ان البنات الله يستر عليهن يرقمن الشباب

وقالي كذا موقف حصلت له زمان ، وانا عادي لان همي الحاضر
وعارفه اني انا اللي ببقى والبنات تفريغ فراغ
بس قلبي منكسر ليش مايقولي انا اللي يبي يقوله لهن ،
يعني هن بيلقن غيره بس انا مالي الا هو ،

دايما اذا فتحنا موضوع البنات اللي يكلمن شباب اقوله رائي انه البنت مهما كانت منضامه ومظلومه عند اهلها
ترفع نفسها وهالاشياء ماهي شماعة لخطأها مهما كان لانها هي اللي تسفل بنفسها وهي اللي تقدر نفسها
وماهي معذورة نهائي فيه شيء اسمه حرام

لكن هو عاطفي رحوم
يقولي ترى في بنات عندهم مشكلات وماتلقى العاطفه في بيت اهلها تدورها برا
وتلاقين مدري ايش وايش وانا اصرر ع رائي لانه هو الصحيح

ينتهي نقاشنا بـ يالله تحفظنا وتستر علينا ...

اذا كلمني وانا متضايقه يسالني واقوله مافيني شيء وكذا
واذا سال انا محتاجه شيء اقوله لا وان اهلي مايقصرون
واذا سال عن رصيدي باقتي برضو اقوله معي

دايما ماعمري حسسته اني محتاجه له او ابغى شيء وافهمه ان اهلي مايقصرون علي
وانا دايم اخدم امي واخواني وكان يقولي بمزحه اغار من اخوانك حظهم بالاهتمام سوا باكل او شيء

غالبا دايمممما احسسه ان حيااااتي كامله حتى بدونه
وان لي اهتمامات واشياء تشغلني وهذا الصدق

عدا انه حبيبي ومهما كان له فراغ بقلبي

اخر المكالمه قلت له هالشيء اني مهما ارتحت مع اهلي تبقى انت غير
وانت احتاجك
واني اخاف افقدك ،
واذا ودك بشيء اطلبه احققه لك
...

اخر يومين اقوله يغير التوبيك عشاني يقولي اختاري اقوله ابيه ع ذوقك
بس مايتغير واليوم حاط صورة وردةة والتوبيك ماتغير

فكرت انه يبغاني احتاجه واقوله واخليه هو ملاذي

و اتكلم معه اذا كان صدري ضايق
واطلبه اذا احتجت شيء ماليا ..

على فكره هو اهدى لي هديه ومره قالي نفسي ترسلين لي هدية مع اختي بس ادري بتستحين منها ، وافقته انا وبالاصل ماعندي ميزاينه،

عاد امس باليل يقولي الهدية تزود المحبه
وذكر لي قول الرسول صلى الله عليه وسلم
وقال مهما تكون بسيطه لها قيمتها ..

في شيء لمن يبدا غزل اغير الموضوع عشان مانتعمق
يعني لمن يقولي شرايك تجين تجلسين جنبي
اغير السالفه اول كان لوا اغيرها يرجع يقولها بس الحين اغير السالفه يكمل معي
ويتجاهل اللي قال لي ..

مصر ع طفل اول سنه وهالشيء تناقشنا فيه اول ملكتنا
ناويه اناقشه بس يمكن يفهمها اني شاكه فيه، اناقشه بها الحين اني ماابغى طفل السنه الاولى

لوا تذكرت شيء بقوله بس حاليا هذا اللي عندي

..

أتمنى منكم بعد الله تساعدوني ،
ماراح اواجهة لان لوا واجهته مماراح يغير ارقامه هو زمان قالي اذا تزوجت بغير رقمي
وراح يبقى ،انا ابيه يضل يخاف اني اعرف ,,,
رغم اني مالي سلطه عليه مااتسلط او احقق وادقق زي الحريم
حتى سوى فيني مقلب قالي انا بالمغرب ياويلي > فهمت انه يبغاني اعصب
انا هنا قلت ليش ماقلت لي
واصلا متى امداك
ماغرت وعصبت
وبعدها طلع يمزح ...

توجيهكم لأختكم..

دعواتكم ... حاسه اني منكسره واذا طاب خاطري منه مستحيل اقدر اعيش معه ..

أفيدووووووني جزاككم الله خيرر ..

ابنتي الكريمة
بارك القفي مع نفسك أن الزواج عبادة لله والعقد مع الله قبل أن يكون بحي زوجك ولهصار لكما وعليكما وجمع بينكما في خير
أول كلمة كتبتيها شكيت وهذا يفسر كل ما بعده وهذه البداية لا تبشر بزواج مستقر لذلك صارحي زوجك وقفي مع نفسك أن العقد عبادة كالصلاة العقد فيها مع الله قبل أن يكون بينكما ولا شك أن الوسائل الحديثة أتاحت للجنسين التواصل المحرم وخفت الرقابة على النفس مما جعل الله في أنفسهم أهون الناظرين وصارت رقابة الزوج لزوجته والزوجة لزوجها أكبر من رقابة الله في نفسه
التأهيل للزواج ليش منزل ووظيفة وصرف بل هو تقوى الله في النفس والشريك في الزواج
الطريق الأسلم هو المصارحة الهادئة المباشرة والاتفاق المسبق على الوضوح في كل شيء لأن مستشارك في الشك إبليس وسيحرص على عكس ما تريدين.
ضعي لنفسك هدف الرقي بنفسك وزوجك لله في هذا الزواج وليس متابعة تواصل أو رقم أو غيره.
كمثال أنظري لصلاتك وصلاته كيف هي وسترين ما بعدها مثلها.
ومن يتق الله يجعل له مخرجا ويرزقه من حيث لا يحتسب.
وفقك الله

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.