السلام عليكم ورحمة الله وبركاته
اخواني اخواتي قصدت هذا المنتدى بعد الله لكي اجد حلا لمشكلتي ربما هي تافهة عن البعض لكني والله اني اعيش حرب نفسية قاتلة مع زوجي..اود ان اعطيكم فكرة مختصرة عن زواجي من غير جنسيتي واختياري للزواج من رجل سعودي فهو كان حلم ان يكون لي ذرية من ارض الحرمين وان اعيش في هذا البلد الطاهر لكي اتقرب من ديني اكثر واكون بمجتمع محافظ اكثر .تحقق حلمي بالزواج من هذي الجنسية ولكن الثمن كان جدا غالي فانا الزوجة الثانية لزوجي وله خمس اطفال حقوقي مااخذها كزوجة تركت اهلها وتركت الحرية من اجل الاستقرار النفسي قبل اي شى بيتي ليس ماثت اثاث كامل ينفصني اشياء كثيرة في البيت ولا احس بالراحة فيه اذا جلست فيه فانا الحمد الله عشت في بيت اهلي عيشة ملوك وبدون فخر على الله وتنازلت في اشياء كثيرة من اجل هذا الزواج ..مايصرف علي بشكل مكتمل يعني باقي اغراضي الشخصية اشتريها بنفسي واهلي كل شهر يرسلون لي مبلغ عشان احتياجاتي وهو غير مقدر هذا ورغم كذا عمري ماجرحته ولا طالبته بشى ومقدرة ظروفه الشى الثاني المبيت مايبات عندي الا مرة بالاسبوع وكل يمرني يطلعني ويسوي فيني لفة ويرجعني البيت وكاني صديقته مو زوجته ولما اكلمه في هذا الامر يقولي بعدين ولما تتحسن الظروف وتصير امورنا مستقرة بصير اعدل بينكم قلت معلش احسن اني اشوفه كل يوم ولو لسويعات ولا العدم
مااخفيكم اعصابي تلفت وحسيت اني ظلمت نفسي كثير وبديت اخسر نفسي واذا ناقشته في موضوع يجلس ساكت ولايرد علي وااذا عصبت يطلع من البيت ويخليني او يرمي علي يمين الطلاق اقرب سلاح له لتهديدي هو الطلاق وانا صرت احس اني مبيوعة وانه مالي قيمة عنده وكل كرة ابكي فيها وانهار واقوله يابن الحلال تراني احبك لا تقتل هالحب يقولي لا تتمننين علي بحبك واذا كان حبك لي موصلك الي هالحال بلاش منه ..قررت اني احسب حبي واضغط على نفسي واعيش معه بدون مشاعر وقلت له بسافر المدينة اريح اعصابي شوي وصلني المطار وشوي نزلت دمعته وقالي سامحيني ..رحمت دموعه وخااصا انها دموع رجل وقلت اكيد هو يحبني بس يكابر
قضيت يومين بالمديينة المنورة وحسيت براحة مابعدها راحة كما تعلمون اي مسلم مافي قلبه غل ولا حسد فهو يحضى بالراحة النفسية بجوار افضل الخلق عليه الصلاوات والسلام
جا بعدها عشان ياخذني وقضيت معه ليلة وكانه كان يكفر على ماسوى فيني من الم وكنت جدا سعيدة بهذ الشعور لكن فرحتي معه ماتطول كالعادة ..مسكنا خط واحنا في اول بداية الطريق قلت له تراني نسيت غرض واضطرينا نرجع للفندق مرة اخرى هاوشني وزعل علي وعاتبني ليش انسى وكني مو بشر اكثر من 400 كيلو وهو مانطق بكلمة وزعلان حسيت بنار تحرق قلبي وصرت ادور اي شى عشان اخليه يتكلم لاني مااطيق سكوته وبرود دمه الي هو قاصد فيه يرفع ضغطي ابد ماتكلم وخلاني زي المجنونة وصلنا البيت وحنا على نفس الحال وخلاني اطلع لوحدي وراح ينام في بيته الثاني رغم انه المفروض يبات عندي ويروح هناك ثاني يوم احترام لمشاعري
للمعلومية ياجماعة الخير هذا ثاني زواج لي من سعودي الاول كان عقيم وخبى عني واكتشفت سالفته مع الوقت وفوق هذا اجبرته زوجته االاولى انه يطلقني وخيرته بينا والحين هذا الثاني وهذي حياتي معه
هل اختياري كان في غير محله بزواجي من خارج بلدي؟وماذا افعل مع الثاني وخاصا انه يرفع ضغطي بكل كبيرة وصغيرة ولامحسسني اني زوجة .هل اطلق وارجع لاهلي وديرتي ؟فانا الان خسرانة من جميع النواحي حتى الحمل صعب احمل وانا بظروف نفسية قاتلة
ارجوكم ساعدوني واللتمسوا لي كل الاعذار واسال الله التوفيق لي وولكم ولكل من شارك بموضوعي