جعلت من نفسك ..................... ولم تكمل لكني اكملت الجمله................ملاكا

هذا رد حبيبتي لي .......في قصتي الاولي.........لم لا تقول الحقيقه فلا احد يعرفك اذكر (عيوبك )

ليحكمو عليها


نعم..................سأقول.

فلست اخشى من شئ

فالحب ليس عيبا او خطيئه عندما ................احبك يا زوجتي


سأسرد عليكم عيوبي وأخطائي

انا انسان يومي بسنه يعني كسول شوي


زوجتي متحمله البيت بحوالي 60% اذا مو اكثر شوي اقوم بعد الضغط ولكن ليس دائما ساعات اقوم من كيفي

طبعا متحمله التربيه التعليم تمشي العيال هي انسانه دقيقه جدا ومرتبه ومنظمه وتموت بالنظافه والله عطاها حب

مو طبيعي لابنائنا طبعا يسعدني هذا الشي ولكن المشكله انها تبيني نسخه طبق الاصل منها او اجاريها

وحتي العيال يتوجهون لها في كثير من احتياجاتهم

طبعا انا لست معذورا ولكن مرات بحكم دوامي مره صبح وعصر وليل لا استطيع ان اكون معهم

عيب اخر اطوف مرات صلاة الجمعه واصلي في البيت في الاغلب اذا كنت موجود فيه وهذي عندها مشكله الله يجزاها خير

بس صدقوني والله من دوامي ولاهو بعذر حتي قدام ربي

لما يطيح بيدي تلفونها اتطفل واقوم اشيك عليه مرات خوف عليها تطفل مرات تدرون ليش لانها مره حاولت تنقذ انسانه وتدخلت في موضوع وانا ما ادري ومن بعدها خفت عليها

مع العلم انها ما يهمها اني أشيك لأنها علي قولتها واثق الخطوه يمشي ملكا
بس الامر يزعلها

أروح لاهلي وما جيب عنهم خبر ومرات يوصلها مثلا اخبار واقسم بالله اني اكون ناسي اقول لها او ماعندي خبر فيه

اخبار فلان سافر فلانه حملت ...................الخ والله مثل ما اقول اكون ناسي اقول او ما عندي خبر

مرات اكون دفش بكلامي معاها مرات ويزعلها هالشي

مرات اكون قد تصرفت تصرف غلط وضايقها او ما جا علي هواها تدخلي واسحب او الغي الموضوع

من اساسه مو لان رايها غلط لا لان انا اللي تلقفت وتدخل وسويت شي هي مو راغبه فيه وتغير الموضوع في احراج لي فالغيه او اكنسله من عرقه
ما احلق لحيتي الا قليل كل 10ايام
فرضا
اسبح كل يوم مره او يومين وهالشي يضايقها تبيني اسبح مرتين في اليوم ادري شي حلو والله حلو
ادخن سجاير من وراها ومن ورا العيال بعد ما كنت ادخن قدامها وشفتها تضايقت قمت ادخن بره البيت

مرات اكذب كذبه بيضه والله بيضه لان مثلا لو عرفت بالموضوع ممكن تزعل فما اقول او اروغ من السالفه علي فكره تري من زمان ما كذبت كذبه لابيضه ولا رماديه حتي
كثير ما اقدر الاوقات واناقش فيه المواضيع تكون توها قاعده أو حزت نومها وحتي طلبي لحقي الشرعي مرات توقيته مو شي
تبيني العب حديد واصير رياضي وجسم حلو عضلات وشي جميل حاولت وما قدرت استمر
اغلب الاوقات اقوم من النوم واطلع بره البيت ما اسال اشتبون او ناقصكم شي
تبديل اللمبات اطنش حلاقه العيال ما اروح وان رحت خربت حلاقتهم وزلوفهم
ماراح اتعذر بالدوام

هذي اغلب عيوبي واسف اذا نسيت شي بعد
شكلكم بتقولون شنو خليت مابقي من عيوب البشر شي الا وسويته

لا تحاتون ادري ان كل طلباتها من صالحي عشان جذيه عمري ما زعلت منها


بس .........................ولكن مالي حسنات كل حياتي معاصي واخطاء لا مو صحيح
من اول يوم حبيتج رغم الجفا والبعد والعناد حبيتج مثل منتي و ابيج تحبيني مثل ما اكون
ما نظرت لعيوبج وتغاضيت عن اخطائج
ومالج عندي غير الحسنات والذكريات الحلوه

بس والله انا بعد لي حسنات كثيره
زعلتي من اهلي طلعنا وحتي اهلي ما كانو راضين وعرضو علي زوجه ثانيه (علي فكره اهلي كانو غلطانين عليها)ورحت معاج وبعدين عرفو اني صح اللي سويته والحب هو الباقي وسكنا في احسن سكن وشقق جديده ماسكنت من قبل وما همني السعر

اول من عرفت من الحريم انتي واخر من عرفت انتي ............رغم الزعل والبعد والجفا والاشهر اللي انام فيها وحداني مافكرت الا فيج انتي وبس
يكفي اني ما فرضت عليج شي في حياتي وانتي تدرين بهالشي ما اقتنعت عادي عندي حتي لو ما نفذت المطلوب منها بعذر او بدون عذر مقبول او غير مقبول منطقي او غير منطقي
كان ماعندي الا سياره وحده وخليتها تسوق بعد ما كنت اوديها للجامعه وتعبت من الروحه والجيه اطلع الصبح من الدوام واوديها عطيتها سيارتي وقمت اخلي صاحبي يوصلني الدوام
كل فلس في راتبي تدري وين يروح ويجي وعمري ما سألت عن راتبها
ولدت وطلاعتها 500 مره 1000 و مره سفره للامارات كنت في لندن مع ابوي رحمة الله عليه ورجعت للامارات ودقيت عليها وقلت تعالي ناطرج احجزي وتعالي لي
سياره للحين اقساطها علي كل شهر عشان طلاعتها الاخيره
احلي لبس لبستي ما قصرت بشي دايما احلي من في العرس اي عرس تحضره وأكشخمه هي تري ذويقه وكشخه
اسافر شهرللامتحانات وكل لحظه رساله لها حبيبت قلبي
والله نزعل مع بعض وتكون نادرا طبعا هي الغلطانه ولكن اجي واعتذر واقول انا الغلطان

اقولها كل شي اسويه في السفره وغيرها
اداوم 16ساعه في اليوم مرات عشان اوفر الحياة السعيده لكم
عيالي حطيتهم في احلي المدارس عشان منو
اخذ البيت وهي تدري اني ما كنت مقتنع بالمنطقه وخذيته بيع البيت كنت ببيع هونت هي من البيع هونت انا
غير الهدايا وعمري ما سافرت الا وذكرتها بشي حلو والله شغلات واجد خلوها علي ربي

تري والله ما اقول هالشي يعني أمن عليها لا والله
وهي تستاهل اكثر واكثر اعيش احبك اعيش احبك
واموت احبك اموت احبك



ارجو اني ما كنت اطلت عليكم وارجو منكن المشاركه بكلمه حلوه لي ولها لعلها تقري ردودكم

وشكرا لكم

صج في شي نسيت اقوله من عيوبي تلفوني كنت احطه صامت وكان يضايقها هالشي
والبلوتوثات واللي الحمد لله ان ربي فكني وتاب علي منها الحمد لله

بسم الله ماشاء الله ربنا يديم نعمه عليكم ويوفقكم ويرزقكم ويخليلكم الأولاد يارب ويحفظكم من كل عين ان شاء الله

مشكوره اختي ظامية الشوق بس ياليت حبيبت قلبي تغفر لي سيئاتي
وتنسي الزعل وره وحده علي طول وما تشوف الا حسناتي دامنا نحب بعض
وانا متأكد انها تحبني
يارب ننسي الزعل

هل بصفاتي التي ذكرتها لكم اكون ملاك
لا والله يا حبيبتي انا بشر اخطي واصيب
ولكن عاشق لكي بكل ما فيكي

ابي اعتذر عن كل شي
الا الهوى ما للهوى عندي عذر

شوف نحن بشر لاتنتظر منا النسيان


وبصراحة شوف اول ما تزوجت صارت مشاكل عكرت علي حياتي

كرهت نفسي وزوجي واهله واهلي

لكن كنت اضغط على نفسي حتى يمشي المركب وهو لا

لكن بعد تسع سنوات من الزواج تعبت من كثر ماني ضاغطة على نفسي

وطنشت وصرت ولا شيء في حياتي

زوجي انتبه وصار هو اللي يحارب عن زواجنا وحبنا

لكن انا واليوم اقول له الكلمة هذه مت

احس انه ماعندي طاقة الحب القديمة اشوف عيونه اتذكر ايام ظلمه لي وتركه لي طول اليوم عشان اصحابه واهله

اسمع صوته اتذكر سفره وقلة اتصالاته

وبعده تدريجيا عني حتى ابتعد نهائيا هو يحاول انه يرجع كل شيء لكن احس نفسي انتهيت .


ماني قادرة انسى حتى لما احاول انسى الماضي والزعل ما اقدر .
ادري انه يطفش مني لكن مو بيدي.



وربنا يوفقكم


ادعي دائما في الليل وعقب كل صلاة
( اللهم اجعل من ازواجنا وذرياتنا قرة اعين ).

الله يخليكم لبعض
باين من كلامك انكم تحبوا :14: :14: بعض ولكل انسان عيوب وحسنات بس حلو فيك انك تعترف بعيوبك لأنو الغالبيه ماتحب تعترف بعيوبها على بالها دائماً أنها صحيحه

يسلمو علي المشاركه

اريد اجابه منكم خاصة النساء
لانكم تعلمون او تملكون المشاعر نفسها
ررغم عيوبي كلها التي ذكرت
وبعض حسناتي فهل استحق هذا الجفاء
انا لا اريد سوا زوجتي وقلبها
واكون قد ملكت العالم بأسره

محد يبي يجاوبني هل استحق هذا البعد والجفاء