السلام عليكم ورحمة الله وبركاته

بما ان جالسه في البيت وعندي ووقت فاضي كثير ، فصرت اضيع وقت في الطبخ ، امي ما يعجبها الشي هذا ، اقترحت عليها ان اخذ دورة طبخ كفكره ، اهانتني ، وقلت لها شو فيها لاني فاضيه ،، قالت لي اشتغل اول بعد ما تشتغل ادخلي دورة طبخ ..

امي عندها خوف ،،، اني اجلس في البيت دون شغل ... حتى اذا تزوجت لااازم وظيفه تذكرني بهذا الشي ولا تقبل التناقش لاني راح اندم

تعبت من نظرتها ،،، جتى اذا قلت لها مثلا الشي الفلاني كيف يعملوه ..يعني سهل .. اتقول لي ليش انت ناويه تجلس في البيت ..

تعبت منها ... الموضوع ما يخص الطبخ ... يعني حتى رخصة القيااده ... نتفتني مضبوط .لين ما اخذتها ... ولما اردت اطبق نفس الشي الين ما كرهت الشي واختي اللي اصغر مني ،، اخذت رخصة القياده وتروج و ترجع ما تقول لها شي ... ما عذبتتها مثلي ..

كانت تقول لي اني قويه ههه انت ناويه تروح وتجي ... مع اني ضيعفة والجميع يشهد اني مسكينه ..
واللي يقهر ان لما الناس تساألن ليه ما تسوقي ... ترد وتقول تخاااااف .. واذا عاتبتها قالت شو اعملك اذا انت غبيه في السياقه

تعبت من احباطها ..

وحتى المكياج وغيره ما كانت تخلني .. والحين اختي اللي اصغر عني عاااادي ..
والحين تلوميييني ليه ما تهتمي بنفسك لما تخرجين مثل باقي البنات !! ..


مقههورره منها

حتى لما كنا صغار في المدرسه كانت تقول لي ما يخصك في احد خليك في حالك ...
اليين ما صرنا في حالنا جد ... واذا صار شي تقول لي عيال فلانه ياخذون حقهم مش مثلكم ما تنفعون ...

مشكلتك عاديه جدا وموجوده في كل بيت


دائما الخلاف قائم بين الأم والبنت ومن هالمنطلق طلع المثل أن البنت دائما مدلله عند ابوها أكثر
دائما الأم تنتقد بنتها والبنت تخالف وجهة نظر الأم وهكذا والسبب إختلاف الأجيال و و و و لكن تبقى الحقيقة أنها من داخلها تتمناك تكونين أحسن العالم





تفاوت المعامله بينك وبين أختك طبيعي جدا مافيه أم تعامل الكبير مثل الصغير مستحيل وخصوصا هالوقت الجيل الصغير اختلف وصار اقوى وياخذ حقه ومشيخ نفسه بنفسه مو مثلنا كل تباينات التربيه طلعت في رووسنا




الأم شي عظيم بسهوله بتقدرين تكسبينها ماتحتاج فلسفه حبيها اكثر حسسيها انك تعشقينها دايم ارضيها كل ماقالت شي قولي لبيه ابشري اذا دخلت عليك هلي فيها ويامرحبا
يا تاج راسي اذا اقبلت قومي حبي راسها تعاليلها فجأه امسكي كفوفها وبوسيها بدون سبب استشيريها دايم وفي كل وقت حسسيها انك محتاجتها جدا وانك تحبينها جدا حتى لو صدرت منها افعال مستفزه سيطري على نفسك وبيني انكسارك لها

بخصوص الوظيفه صح كلامها وانتي حسسيها انك صادقه يا امي وكلامك عين العقل الوظيفه للبنت اهم شي

الأمهات سهل جدا التعامل معهم بس يبيلك صبر وسوي كنترول على اعصابك وكل مشاكلك بتنحل

انا وامي في مناقرة دايمه هي شخصيتها قوية ماشالله وتبغاني اسوي اللي تشوفه هي مع اني اشوف غيره

__________________

رَّبِّ اغْفِرْ لِي خَطِيئَتِي يَوْمَ الدِّينِ

موج ..كيف أكون مثل ما اريد ... وهي بس يبدا الشي وتحس و انا أتكلم براحتي ... يعني ما اقصد وهي تبدا .. انا أقول لها صح ... بس احصل وظيفه ..
وهذي الحقيقه لكن هي محسستني ان شي اجباري ولازم علي ...
ما تعطي فرصه .. واذا أصلا عملت اللي اريده انا .. ما تتركني في حالي الله يهديها ... لين ما احس اني كرهت الشيء وعفته ..

والله اكتب وانا فيني ضحكه وبكيه بنفس الوقت ..

ولما تشوفي غيره ... وتصري ايش يصير ؟

إن شاء الله نحاول ،

بكون صريحه معاكم عشان القى حل ... انا شوي انبه او أجرأ عن اختي ، ولما كنت بعمر صغير كان امبين علي هذا الشي .. يعني كنت بالمدرسه جيلنا كان شوي غير صالح .. فكان عندي صديقات ...هي كانت تشوفهم ما يصلحون ..بس هم افضل من غيرهم من ناحيه الاخلاق .. بل انا اشوفهم خلوقات جدا وهي كانت تشوف انهم ما يصلحون ..

بس خلاص كبرنا وانا دخلت جامعه ولا اعرف عنهم ولا تواصل ولا شي ..
بس هي خلاص واضعه فكره في راسها اني ماني سهله ..او اني مندفعه ..
مع اني ما عملت شي غلط .. وكل فتره تذكرني بهذا الشي ...تقول لي انت منو صديقاتك !!
تخيلوا ...
والبنات أصلا خلوقات

واقصد انبه ... اني متكلمه .. او اجرا ..اختلط اكثر مع الناس

يعني لا يروح بالكم لبعيد ..