لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره.. | ||
المشاركة الأصلية كتبت بواسطة مياس الحلوه
السلام عليكم ورحمة الله وبركاته
اخواني واخواتي والله عندي مشكله ممكن توصلني لطلاق مدري شلون ابداء بس اببداء من من الاول معليش بيكون كلامي ملخبط شوي ومو مرتب انا سبق وكتب في هذا المنتدى الغالي عن موضوع يخص زوجي لكن ياخوان مالقيت التفاعل الي يخليني ابر د اعصابي لكن الحين والله نفسي تساعدوني اخواني مشكلتي مامرت على احد زوجي غريب الاطوار والله تعبت يعني قبل اسبوع طلبته يوديني السوق قال لي انا مو سواق عندك انا بوديك بس من بيرجعك كلمت اخوي قال لي ابرجعك معليش المهم اخواني انا تعبت من تصرفاته يعني معتبر اخواني سواقين مع انه اخواني واخواتي ماعنده زود شغل يعني مو موضف عند ابوه مكتب وماسكه يعني يوم يروح وعشره لا ولا كيفه يعني مايطيق يطلع في الشمس زي الرجاجيل قبل يومين جيته الفجر قلت له يابن الناس انا تعبانه وابي اروح اجلس عند اهلي ولي اسبابي اولها اساعد امي عندها فطور منها اكمل اغراض السوق انفجر علي طلع لي الاولي والتالي قال انا مو على كيفك انتي موقايمه في بيتك مع اني قسم بالله العلي العظيم بيتي انظف منه مافيه ولا اعتمد لا على شغاله ولا احد انتي بنتك موقادره عليها انا بعد العيد بجيب لبنتي مربيه قلت له ياسلام طرطع زياده قال انتي ماتمشيني على كيفك قلت له الي تبي تسويه سوه بس الا بنتي بنتي مسؤليتي انا المسؤله عنها وعن تربيتها بدء يسب ويلعن قال لي انا ماجبرتك على العيشه معي اخواني لا تقولون مضغوط ماعليه زود مسؤلييات والله العظيم تعبت منه اخر شي اخواني خليته ورحت اتفاهم مع اخته الكبيره قلت لها يابنت الناس خلوني في حالي مايبيني يعطيني بنتي ويسرحني ليه كل هذا اخواني مشكلتي معه مشكله مايحب اقول له ابروح بيت اهلي مدري ليه مره من المرات رحت لسبب قاهر يعني كان بيسافر قال ايوه الحين لا تقصرين روحي هلسي مع اخوانك واختك مدري يغار من اخواني غيره ماهي طبيعيه عجزت افهمه وعجزت في نفس الوقت اكيف نفسي على حياته انسان وحداني ماله اصحاب ولما يطلعني بيت اهلي مضطر واحد من اخواني يجلس معه يعني يدور معه لين اخلص مايروح البيت وانا وبنتي مو فيه يحب بس بغباء يعني كل مره يقول لي انتي لي ولبيتي ولبنتي انا ماخذتك شغاله لعزايم ابوك والله تعبت اجلس 5 او 6 شهور ماشوف جدتي وعماتي بسبب وسوسته وكل مره ابي ار وح فيه لا زم يكون فيه سبب قوي يعني عزيمه كبيره مره حايته فارغه مافيها الا تلفزيون كم مره اروح واجلس في بيت اهلي ابي حل القي نفسي راجعه بدون اي حل عشان بنتي انسان مايصلي ابدا الا في رمضان 4 ايام او 5 بعدين يتركها |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|