اذا تملكت انت وجيت تلبس زوجتك الدبله
وش تتمنى في هذي الحظه
اللي تتمناه لنفسك تمناه لاختك
بعدين الكل حاظر خوات وام المعرس وخواتك وامك ماجلست لوحدها
وش بتسوي لو راحت بيتها الاول مره لانه غريب عليها وبيكنون لوحدهم بتروح معاهم

__________________

كلامك صح والله اني اتمنى لختي اكثر من الي اتمناه لنفسي

انا بس مو متقبل الفكره والله عارف ان تفكيري غلط بس اختي واعرفها

ما ودي تكون قدام شخص لحالها اقصد رجل غريب ودي اكون معها بعد العرس خلاص اسحب نفسي والله يوفقها

وخواته الي معه اكيد بيتغطن مدري والله ومدري ليه نزلت موضوع لاكن والله مخي مقفل ومو عارف كيف اتصرف هل المفروض يخش لحاله طيب اقل شي اوقف وراه لين يلبسها الخاتم ويذلف مدري يعني امي وخواتي كافي بس برضو ما تجي طيب اقل شي اخلي ابوي يكون مكاني ينفع! او اخوي الاصغر مني اهم شي ما تكون لوحدها

ايش المفروض يصير بضبط واتمنى تعذروني على التخبيص الي جالس اقوله لاكن والله مو عارف كيف امشي الامور

وهم بيجبون العشى هل انا الي اكون المعزب ولا هم ولا ميين

لحد يضحك على والله مو عارف افكر

هل تم عقد القران بينهما؟

__________________

اليوم ان شاء الله بيجيبون الشيخ ويلبسها الدبله كل الي حاب اعرفه هل اوقف بجنب اختي وكيف اوقف معها وش افضل تصرف

هدي شوي ولا تكون متشدد على اختك
ترى عادتنا مثل عاداتكم وانا فاهمة عليك
بس الزمن تغير عن زمان اول الي البنت ماتشوف الزوج الا بعد العرس
خلاص الكلام هذا انقرض حنى الان في عام 2018 كل كل شي تغير
لاتوقف جنبها واتركهم يلبسو بعض الخاتم
ويجلسو مع بعض شوي
ترى هذا بالنسبة لهم فرحة العمر يعني لاتوقف لهم بالنص هههه
الله يوفقهم ان شاء الله ويتمم عليهم بخير .

__________________

الله يسعدك شاكر ردك عارف والله انها فرحت عمرهم وانا ماني موقف بطريقها بل عكس كل الي ودي فيه اني اوقف بجنبها ما اقول الا الله يتمم على خير ويوفقهم بسحب نفسي والي الله كاتب بيصير

اجل خلاص اذا جيت تعرس ان شاء الله . لا تشوف حرمتك ولا تلبسها الخاتم ولا تروح تزورهم ولا تشوفها ولا شي. فقط تشوفها يوم تاخذها من العرس والله يوفقك.

عادي ترا زوجته وحلاله ممكن بكون معاك بخصوص الخرجات بس اكيد ماني معاك بخصوص الزيارات وانه يجلسون مع بعض لحالهم ،، الله يوفقها ويتمم لها على خير

مكبر الموضوع الله يهديك ومحسسنا انها بتجلس مع شخص غريب ..

هو مجرد ما تم عقد القرآن اصبحت زوجته وعرضه وبيخاف عليها انت مكبر الموضوع وغير انك مكبر الموضوع نسيت انها فرحه وايام لاتنسي بنسبه لهم ووجودك غلط لاتفرض نفسك نصيحه