السلام عليكم ..
سبق ان كتبت عن مشاكلي كثير بهذا المنتدى الرائع واليوم ايضا سوف اكتب عن مشكلتي
لاأعلم هي فضفضه
ام احتاج لحل
ام احتاج لأحد يسمعني
هل هناك احد غير الرجل في هذه الدنيا ليقضي على سعاده المرأه
نعم سأتكلم عن زوجي
شخص غريب الأطوار متقلب المزاج يحبني في الكلام وتصرفاته تثبت عكس ذلك بل تدل على كره لي
يكون سعيد معي لشهر بعد شهر وعن غير سابق انذار ينقلب رأس على عقل يصبح صامت منعزل بعييييد ينام لوحده
اذا سألته مابك يبعد اكثر ولا يتكلم ولا يصرح بشيئ
واذا تركته على راحته يبعد اكثر واكثر واكثر
كل اسبوع او اسبوعين اذهب لأهلي لاكن زياره غريبه من نوعها ابقى عندهم اربع وخمسه ايام بنائا على طلبه واذا عارضته وارجع مع اخي احسه يكتأب يتمنى ان يجلس لوحده ويصير ينام بعرفه النوم بغيابي بعد مايكون ينام بالصاله بوجودي..
قرأت عن الرجل وعالمه واعزلته وقوقعته واحترمتها وتركته على راحته اجده يزيد في البعد اكثر الموقف الذي يقربنا من بعض يكون اهله اذا راحو نطلع معاهم ويكون سعيد نطلع لوحدنا يصير جدي والطلع تصير واجب مدني نروح ناكل ونرجع ويروح لسهره واصحابه وصلى الله وبارك..
هذا وقت النزهه معه اقترح عليه فعاليات مثل ذهاب الى بر او حديقه يقلي ليش انتي بتطلعي معي وبأستغراب يقولها..
اذا اقترحت عليه مطعم اصير بنظره اني انسانه مارحم واحب اكل المطاعم واحب الدفع..
بالرغم من ان اي اقتراح مطعم يروح عليه يكون الداعم اهله ويرضى ويروح عن طيب خاطر واذا راح معي يتحول لأنسان جدي..
فكرت بمشروع ابعد تفكيري عنه خليه بعالمه من 4 شهور وهو يقول اليوم وبكره وطبعا يسكتني بهالأسلوب ماشوف منه اي جديه اتجاه كلامي..
ومع كل ذلك وذاك يتكلم عن طفل ثاني اخ لأبنه وان احسن عشان اذا كبرو مع بعض انا معه وبالعكس اتمنى الأطفال لاكن مافي امان ليكبر الواحد اسرته بهالطريقه الأن من اسبوعين ولا هو موجود حاضر غايب لما يجي البيت ياينام يايمسك الجوال ومايتكلم واذا كلمته عطاني المفيد وسكت واذا سألته عن حالته يعصب ويزيد بصمته واذا قلتله الحاله هذه صعب اني كمل فيها يقلي سوي لي يريحك..
وتستمر المعاناه..
اتمنى السماح ع الأطاله والمعذره اذا في اخطاء لغويه او اختلاف الصيغه الكلاميه...