السلام عليكم
احس اني بالنسبه للمنتدى زي الطفل اللي تضربه امه ويرجع يحضنها 💔
على كثر ماتجرحني الردود الا اني احبكم 💔

المهم
طبعا سلسلة المشاكل بدت احس المسلسل السنوي تعودت بس زوجي بالزعل مايحبني اكون بالبيت قبل لما نتخاصم يقولي ( لمي عفشك وانقلعي لاهلك ! ) وانجرح واهرول لاهلي واجلس شهر وشهرين لما اهلي يكلمونه ويجي وكأنه ماعمل شيء هي الزعلانه وهي اللي طلعت
بعدها قلت طيييييب ، وصرت اقوله مابطلع يقول تطلعين ولا اطلقك اقول اذا طلقتني طلعت هذا بيتي ، واجلس واكشخ وادلع واعيش جو عزابيه مع نفسي بس يعني شيء واضح اني مرتاحه مع انه اذا زعل كني جدار حتى طبخي ماياكله ينام يطلع يرجع ينام بس الفرق انو كذا ثلاثه اربعه ايام يجيب ورد ويعتذر وتنتهي المشكله ، حاليا كل ماصارت مشكله استغل اني عند اهلي وتركني يبي يعيد حركات اول وفي هالحاله اعرفه لو امووووت امووووت ماكلمني عكس لما اكون عنده وخلاص استمر في مسلسل الهجر وهو الغلطان يعني كان في مشكله ومد يده دفني ومسكني بيدي وجرحها ب اظافيره وانا عاد انهبلت كلش ولا مدة اليد تغبني المهم انو تخاصمنا وكالعاده هدد بالطلاق قلت له ابركها من ساعه وخذ بناتك ربهم لانه هددني انه ياخذهم فالرد الطبيعي هذا اجل اترجاه مايطلق عالعموم متعوده لو طق عود بحصاه قال روحي بطلقك واذا رحت وكلموه اهلي قام يألف عليهم شخص متلوي ، المهم رحت عقب هالسالفه وله اسبوع مادق ولا طلق واعرف انه مابيسويها يمكنها المره 32457754 اللي قالها طيب اهلي بعد اسبوع مسافرين برا وبيجلسون اسبوعين مابيبقى الا انا ومابي اقولهم متمشكله اخاف امي تجلس او اخرب سفرتهم ومابي ارجع بيتي احس مالي كرامه وش اسوي 💔😭😭😭 ماقدر اجلس ببيت اهلي مايخلون فيه احد حتى الشغالات امي توديهم لخالتي 💔😭😭😭 مرره متورطه وحركاته اللي تغث لا هو اللي يطلق ولا هو اللي يناقش ويحل مشاكله ولا هو اللي يحشم زوجته ببيته انا اعرف بالبيت اقدر افك الزعله ب اساليب انثويه بس رجعتي قويه مع انو ماقلت له ودني وزعلانه لا رحت لمناسبه عندهم وتركني مليت من هالحركات ويوم ارسلت له متى بتجي قال اجلسي النفس عليك مو طيبه 🌚💔

__________________
أستغفر الله العظيم واتوب اليه

مرتين ادش الموضوع واطلع...
و قريته و بكيت - رغم انه لا داعي
بس لأن جزء منه لكز على جرح...
عجيب .. من وين يجيبون هالقساوة؟!!
وين الأمان كل ما تمشكلت معاي قالت باطلقج!
عبالهم احنا بلوزة .. تلبسها جت مقاسك زين .. مو مقاسك تبدلها
أو تقطها أو أو أو .....
التعامل وياهم صعب ، مثل التعامل مع قنبلة ..
احذري وانتي تلمسينها .. احذري في أي حركة ممكن تنفجر وتدمر نفسيتج ..
التعامل مع الأنثى سهل! بس هم الله يهديهم
😢 ...

الله يعينج ويرزقج صبر النبي أيوب و يرزق كل بنت

__________________

حاجة الناس إليكم من نعم الله عليكم ، فـ لا تملوا النِعم ☁✨

موقف الاهل له الدور الاكبر بهالحالة

__________________

اختلافي عنك لا يعني اختلافي معك

برأيي تدخلين أهلك بالسالفة وقلي بجلس بالبيت وخلوا السواق والخدامات بالبيت انا بكون موجودة .. ولزمي عليهم ماتتكنسل السفرة عشانك واذا رجعتوا يصير خير ..
احيانا نتصرف احنا يازعم نحل المشكلة وبدون ماندري نكبرها .. خلي ابوك ع الاقل عنده علم وهو الي بيقرر هو يتدخل او لا .

__________________
سبحان الله وبحمده ، سبحان الله العظيم

أهلك لا يدرون بشيء
كلمي أبوك يعطيه كلمتين بالعظم عن علوم الرجال والمسؤولية
وخليه يقوله بنتي ماني كارهها ولا راميها بس ما ارضى لها حالة التعليق اللي تسويها
البنت لها بيت من حقها تسكنه وتستقر فيه مو لعب اطفال كل شوي مشردها

مره مره ضروري يهزءه رجل
انقهرت عليك والله

بعدين المفروض لما قالك النفس مو طيبه
رديتي طيبة أو مش طيبة أنا أبي بيتي مش حلوه بحقك وحق عيالك بيتنا فاضي ومزاحمين أهلي
ماعجزوا عنا ولا آذونا بس لازم نحل مشاكلنا الصغيرة مع بعض

بعد عمري ي زين انا تبلدت احسه اذا قال بطلقك كنه يقول احبك 💔 اسمعها كثييييرر ماتصدقين كم ،
امين واياك يارب

فانتي وغاده وغرناطه

اهلي باردين في هالمواضيع ويسوفون وعادي تجلسين عندنا متى ماطاح اللي براسه عادي ياخذك عندهم عيب في حقهم يدقون يقولون تعال خذها وبرضو مايبون يدقون ويسألون عن المشكله اذا هو ماجا واذا جا حلوها سريع وتراضينا وانا ماحب المشاكل اذا جا اسكت حتى لو بقلبي ستين حره بس ابي نكون زي كل العالم مشاكلهم بوسط بيتهم ( نقطة التهديد بالطلاق والضرب ماعمري قلتها لاهلي وهو يعرف انو ماقلت لهم مدري وش موقفهم بيكون بس حاطتها لي من اسباب مطالبتي بالطلاق منه يعني لا جا الوقت اللي ب انهي فيه حياتي بقولهم عجزت اقولهم ماقدر اتخيل ردة فعلهم ولو ابي صلح هالامرين ماحيعدون على خير 😞💔 انا متلخبطه احس اني في دوامه وصداع ماقدر الان اتخذ قرار صحيح وخايفه اقول لاهلي يكنسلون شيء ابوي لو يموت مايخليني لحالي مره حريص مدري والله الهم لاعب بي مرا كلمت مستشار وقالي ابوك لازم يدري ويكلمه كلام رجال وكذا طيب لو عند ب ابوي ومن هواشه له طلق صحيح انو جاني منه مايكرهني بالزواج بس الفتره الحاليه نفستي مو تمام مو جاهزه لاي صدمه نفسيه وقراراتي مو صح كل يوم لي رأي مادري والله وين الخيره فيه الله يختار لي الخيره الطيبه

__________________
أستغفر الله العظيم واتوب اليه

طيب دامك ماتبينها تكبر
تعذري بسفرة أهلك
ارسلي له متى تجي أبي بيتي وإلا خلي واحد من أخوانك يوصلك
وعشان كرامتك حطي السالفة كلها بسفرة أهلك قولي مابي أنكد عليهم بيستانسون ومستحيل يخلوني بالبيت وهالكلام

وبالمناسبة استغلي الموقف بالأيام الجاية وصلي له إن والدك (وصلت معاه) من طريقتنا وأحيانا يحاول يستفسر بس أنا مابيها تكبر وإني خلاص ضايقتهم وأقلقتهم بما فيه الكفايه

حسب علمي زوجك استاذ جامعي
يعني انسان فاهم وموثقف وواعي
بعض الرجال لايهدد بطلاق الا في امر كبير
ومتكرر والهدف منة الردع
انتي ذكرتي انة يهدد بطلاق وانة
يخليك في بيت اهلك اسابيع ....الخ
ولكن لم تذكري الامر الذي دفعة
لذلك انتي ذكرتي ردود افعالة
ولكن لم تتطرقي الاسباب.الجذرية
اذا رغبتي بحل جذري ومتكامل
اذكري تلك الاسباب بشكل صريح وواضح
لاني ما اعتقد زوج يهجر زوجتة
ام بناتة مجرد مزاجية
موضوعك هذا والسابق نفس النمط
والاسلوب مجرد ذكر ردود افعال مع اسباب
مغيبة

__________________
سبحان الله وبحمده سبحان الله العظيم

نوني

ليش ماتبينها تكبر لو مرة وحدة؟ وش اسوا شي ممكن يصير؟

__________________

اختلافي عنك لا يعني اختلافي معك