السلام عليكم ورحمة الله وبركاته

يا امهات شوفو ايش حاصل معايا
عبودي ما شاء الله صار عمره 9 شهور ومن يوم الاحد مضرب عن الحليب بشكل تاااااااااااااااااااام
وبياكل قليل جدا جدا يعني ممكن تعدي 14 ساعه من دون ما يحط في فمه شي

اذا اجبرته على الاكل بيستفرغ واحيانا بالاحظ انه فيه الاكل اللي اكله اليوم وامس بالليل!!

ولما ينام احنا متعودين على طقوس بغيرله والبسه البيجامه واحطه بسريره وفي فمه المصاصه يمصها شويه وبعدين بيرميها وينام من احلى ما يكون من دون صياح ولا بكاء..الان صار يقعد يبكييي ومو راضي ينام مع انه تكون وصلت 3 الفجر !! وما بينام الا بعد معركه طويله ..


وديته على الدكتور فحصه قالي ما شاء الله تبارك الله مافيه شي الحمدلله لكن في 4 اسنان بتشق طريقها في الفك العلوي كلهم مع بعض..
اعطاني مسكن للالم وبدات اعطيه اياه ما بلاحظ اي فرق في تصرفاته فبطلت اعطيه ..


الولد الان بياكل مره قليل ما تتصورو قد ايش والحليب من يوم الاحد ما حطه بفمه فاضطريت اني اخلط مع الاكل القلييل اللي بياكله طول اليوم شوبة حليب على الاقل شيء ارحم من لا شيء..

انا كثير مضايقه من الوضع لاني ما شاء الله محافظه على الولد ومهتمه بنظام اكله ونومه ونظافته والدكتور حتى لاحظ وقالي باين انه فيه اهتمام ممتاز بالولد وبعد كل جهدي يروح وتتعب صحته ويضعف وقلبي يتقطع عليه

هل حيستمر الوضع كذا لانه الاحظ فيه سنّه وحده طلع راسها لكني ال3 الباقيين لسه مورمين كثير لكنهم ما شقو لسه ..
بس فيدوني الى متى حيستمر الوضع ؟؟ وهل حيرجع ابني ياكل زي اول وينام زي اول؟؟
ولا خلاص حنستمر على هذا الموال وحتصير عاده عنده؟
والغريب انه الاسنان اللي تحت لما طلعت من قبل كم شهر ما بهدلته زي الان.

ياليت الامهات يفيدوني واسفه لاني طولت عليكم..

__________________

اربع اسنان يا قلبي عليه

نحن سن واحد ولا نستطيع ان ننام او نأكل


ما تخافي ان شاء الله يعوض الاكل كله وقت تظهر اسنانه


وثم ايضا الانياب اقوى والاضراس انتبهي



حاوولي اعطيه بندول او ادهني له البنجلو على النيره


ناطرين السنينيه

__________________
http://live.gph.gov.sa/
اللهم اني استودعك اولادي

هههههههه ايه والله يا قرين
ال 4 اللي فوق عرفتيهم
الاثنين الكبار اللي بالوسط مع اللي جمبهم


الله يعينه .. يعني تنصحي استمر على مسكن الالم حتى لو ما لاحظت فيه تحسن بمزاجه؟

__________________

فددديتتتو حبيبي ..

كله من التسنيين لا تقلقي ..

تدري في مثل عندنا يقول في مامعناه .. لو امي عرفت الم تسنيني لا قتلتني بيدها عشان تريحني ...

شفي لاي مدى !! ... سبحان الله يالمهم بس مايقدروا يعبرو .. تلاقيهم هكذا بكاء بدون سبب و ضيق

لا اكل ولا شي ...

ابني كان كدا .. مايرضى ياكل اي شي الا صدري بس ... و برضو مسكين يرضع و شوي يبكي و شوي يرضع

لانه اللثة تكون مررة متورمة و ايش شي يألمه ولو كان خفيف ...

حاولي تركزي على المرق و الشوربات اكثر من الاكل الصلب ..

اشتري له المرهم الي ينمل اللثة عشان يخف الالم ... جيبي له العضاضه

بس حطيها بالثلاجة قبل عشان تبرد لثته ..

شوفي يوسف لما كانت تجيه كانت تجيه و تضل يومين او 3 .. اقصاااها 4 .. و تروح و يرجع طبيعي ياكل و يشرب

بس بدون ما تطلع الاسنان .. و بعد فترة ترجع الحاله و برضو يضرب فترة و بعدين يرجع ... لغاية ما طلعو له

4 اسنان .. وقعد فترة اوكي ماشاء الله عليه ما يتعبني .. و الحين من يومين رجعت له الحاله يمكن بتطلع اسنان جديدة ..

المهم لا تقلقي و اتعودي .. لانها بتصير له اكثر من مرة .

مابيدنا الا الصبر عليهم .. ربي يحميه و يحفظه من كل شر يااارب و تفرحي فيه و ب اخوته

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

إن شاء الله ما عليه إلا العافية

دام وديته الدكتور وقال سليم ماشاء الله بيصير كله من الأسنان

يالله يقدر يآكل شيء يعيشه بس

بعدين إذا ارتاح من ألمهم يرجع بإذن الله

حاولي تعطينه العضاضات اللي تنحط في الثلاجه أو الفريزر يصير مكتوب عليها تبردينها قبل

وفي ناس يلفون على اصبعهم شاش ويحكون فيها لثة لطفل على خفيف بس ماقد جربتها مع بنتي

أكثر شيء كنت أستخدم هذه العضاضات الباردة

سبق وإن قال لي طبيب إن الأطفال شهيتهم ما تكون ثابته في كل الأيام زي الكبار عادي

وما يشوف شر

يووه المثل يكسر الخاطر الله يعينهم بجد ما بيدي شي اسويله اياه..
الله يخليلك يوسف وتفرحي فيه ان شاء الله ..

كل يوم اصحى الصباح واكون متفائله خير واقول اليوم بيشرب الحليب واجرب معاه وبرضه لسه رافض اليوم رابع يوم ..
الاكل على حاله اول كان ما شاء الله يفطر في ربع ساعه الان ياليل ماطولك يمكن ناخذ ساعه وبالبكا والمضاربه الين ما يرضه ياكل.. بس عالاقل الحمدلله بيدخل بطنه اكل ارحم من اول يوم ما ذاق شي بس يستفرغ..

شكرا كثييير على مشاركتك وطمنتيني انه الحال تقريبا من بعضه

__________________

ايه ودينه الدكتور اول يوم اضرب فيه لانه ما كان باين انه فيه اسنان بتطلع وكان بس يستفرغ فخفت يكون مريض..

حاولت اعطيه العضاضه مو راضي يعضها او حتى يقربها من فمه واذا حاولت بالمنديل احكله لثته يبكي ..الظاهر توجعه وما يبغى شي يلمسها..

فعلا كلام دكتورك صحيح،، الشهيه صفر هذي الايام الله يعينه ويعديها بسرعه ..

شكرا كولورز على افادتك..

__________________

ياحبيبي الله يعينه يارب
فعلا الاسنان العلويه صعبه محمد طلع الي تحت وانامو حاسه بعدين طلع اثنين فوق يعني ماشي الحال بس اللحين بيطلع الجانبين وهو مايرضع كويس ولا ياكل زي الناس بيحزن
حتى لمااطعميه بيستفرغ اكيد اللثه توجعهم وابنك الاربعه مع بعض عنجد صعبه شوفي لازم تجيبيله الجل واستمري على المسكن
وان شاالله مافيه الاالعافيه او ل مايبداوايبرزوا راح يبدا يرتاح
وهو كيف ياخد الحليب بالرضعه او الكاسه لاني احس الرضعه احسنلهم

__________________
اللهم لا اله الا انت سبحانك اني كنت من الظالمين

انتم كمان بتعانو؟؟ الله يعينهم بجد

بالنسبه للحليب متعود ياخذها بالرضاعه لكن الان بعد الاضراب بيشفط شفطه بس يذوق انها حليب بيرمي الرضاعه.. الغريب بحطله مويه كمان بالرضاعه بيشربها تمام من دون شكوى!!

الان بحاول اشربه الحليب بالكاسه ( مش كاسة الاطفال لالالا اقصد الكاسه حقت الكبار ) لانه بلاحظه انه بيشرب شويه لما تكون بالكاسه هو ماخذها لعب لما اقرب الكاسه من فمه بيقعد يصرخ والكاسه بفمه عشان يسمع صوته غريب ويقعد يضحك عليها وبياخذله كم (مل) حليب بالطريقه هذي احسن من بلاش..

__________________

الحال من بعضه يا كريستالا

لا تشكيلي لأبكيلك

إضراب تاااام يمتد ليومين أو ثلاثة

بنتي طلعت الإثنين يلي تحت بس يلي فوق لسه ولا واحد و متل ما قلتي بتيجي فترة أكلها ولا أحلى من هيك و اياام ما بتشرب حتى الحليب

الله بعين