السلام عليكم
مالي بالمقدمات بدخل بالموضوع على طول
انا متزوجه من سنتين ونص تقريبا ولاعندي اطفال والحمدلله كنت مرتاحه ولاكان فيه شي معكر حياتنا
انا ماخذه ولد عمتي وامي وعمتي كانت علاقتهم لاباس فيها صح كان فيها مشاكل بس كانت ماشيه
الى شهر سبعه فتفاجئنا بان ابوي خطب والي خطب لابوي عمتي ام زوجي هنا بدات المشاكل امي راحت لعمتي وبهذلتها وسوت معها مشكله مالها نهايه هنا زوجي ماتحمل اهانت امه فبكل بساطه طردني من البيت بعد مابهذلني علشان يرد كرامة امه
طبعا امي وابوي الى هذا اليوم مايتقابلون او يكلمون بعض وابوي معاد دخل البيت تركه لنا انا واخواني وامي لان هذا شرط امي عليه وهو سكن مع عروسته في بيت ثاني بعيد شوي من بيتنا
كانت هذي هي سبب المشكله مع زوجي
حاولت كثير اني اكلمه بس مافيه فايده كنت احبه لاني عشت معه سنتين ونص عمره ماقل ادبه علي
اورفض لي طلب
الى ان جا اول اسبوع في شهر 11 كلمني وقالي لازم اقابلك ونتفاهم ولاابي احد يعرف علشان نتفق على كل شي بعدين نعلمهم
طبعا انا من غبائي قلت له ابشر ولا علمت لاحد من اهلي بالموضوع
لاني كنت احبه وابي الامور ترجع مثل ماكانت خصوصا ان واحد من اخواني قاعدلي قعده في الروحه وفي الجيه
طفشني كله يفتش جوالي طبعا بعد ماخذ البلاك مني وقالي مارجعه لك الا اذا رجعتي لزوجك فكنت ابي الفكه
واتفقت معه يجي ياخذني من الجامعه ويرجعني قبل نهاية الدوام
اخذني على فندق قالي علشان ناخذ راحتنا بالكلام والنقاش وانا صدقته
وفعلا تناقشنا واتفقنا وقال هو كلام كثير وانه متحسف على الي صار بس كان غصبن عنه وحاول يتقرب مني ومن هالكلام الين صار الي صار
بعدها رجعني على الجامعه وقالي بجي في الليل واتفاهم مع اهلك ولاكن للاسف لاجا ولاتصل ولايرد على اتصالاتي ولارسايلي وانا صراحه حسيته يلعب فيني فقررت اسحب عليه ولاعاد اكلمه
بس انا بديت اشك بنفسي من اسبوعين احس اني مو طبيعيه صداع وغثيان وحللت تحليل منزلي
وللاسف طلعت حامل فالبدايه فرحت وقلت اكيد اذا عرف بيجي بس الي صار ارسلت له مسج وقلت له اني حامل ولازم يتصرف بسرعه
رد علي وقال جلستي عندي سنتين ونص ماحملتي الا من هذاك اليوم العبي علي غيري واذا فعلا حامل انتي متاكده اني انا ابوه
ولاعاد رد على مسجاتي والله لو يوصل هالكلام لاخواني ان يذبحوني قبل يتاكدون وانا مو عارفه وش اسوي
امي ماقدر اقولها لانها بتحرض اخواني علي وعلاقتي مع امي اشوي متوتره وهو موراضي يرد علي
ولاعندي اخوات الا وحده بس صغيره في المتوسط
اسفه كلامي ملخبط بس مو عارفه كيف اتصرف الله يوفقكم بلا تجريح الي ماعنده يحل يدعيلي

ارسلي له مسج وقولي له فحص الدي آن ايه يكشف ان كان ولدك ام لا
وام كنت خنتك ام لا

حملتي لانك كنتي بعيده عنه لان لكم فتره بعاد عن بعض

اخبريه بطلب فحص الدي آن ايه يكشف كل شي

لازم تخبري احد اقل واحد تقدري تتفاهمي معه


اقري سورة البقره وآية الكرسي كثيرا قبل ان تتكلمي معه

اكثري من سورة الكهف كل يوم

__________________
http://live.gph.gov.sa/
اللهم اني استودعك اولادي

عليك أن تخبري عمتك بكل ما جرى حسب ما أظن ، المشكلة بين أمك و عمتك و أبوك ، أنت وزوجك لما عليكما أن تكون في النزاع؟

__________________

	رأيي يحتمل الخطأ

حبيبتي انتي ماسويتي غلط يوم رحتي معه من الجامعه هذا زوجك عادي بس لا يدرون امك واخوانك بالشي هذا علشان ماتجيبين لنفسك مشكله ثانيه وانتي الحين قوليلهم اني تعبانه ابي اروح المستشفى ومن هناك يعرفون انك حامل والمفروض يوم صارت المشاكل بين امك وعمتك كان قولتي لزوجك انا وأنت مالنا دخل في مشاكلهم نمشي حياتنا عادي ونحاول الإصلاح قدر المستطاع بس ما نتأثر بهم الله يعينك ولاتنسين الإستغفار وصلاة الليل والدعاء حبيبتي كان الله في عونك

انا متاكده ان عارف اخلاقي زين
بس هو مو مصدقني اني حاملوعلشان كذا قال هالكلام وانا خايفه من اخواني والله العظيم قبل يتاكدون يقطعوني


فكرت اعلم عمتي بس مدري صح او خطا معاد صرت اثق في رايي احس كلها خطا
ومن ناحية مالنا علاقه فاكيد مالنا علاقه بس زوجي هو الي دخلنا بالمشكله غصب

لا اله الا الله .............. يعني زوجته عشرة عمر هو واياها مايدري هي شريفة او لا وبنت خاله ولايعرف هي شريفة او لا ويشك فيها على طول .............. وبعدين قولي له الحالة النفسية لها دور كبير في الحمل يمكن وقت مااخذك للفندق انتي كنتي سعيدة ومتفائلة انكم ترجعون لبعض ..............

وقولي اذا تشك بشرفي ليه تزوجتني وامنتني على بيتك وعرضك .........واسمحيلي امك انانيه ليش تتهجم على حماتها وانتي ماخذه ولدها .........الله يسامحها ويهدي الوضع بينك وبين زوجك

مادري احس هالامور يبيله تدخل الاهل لانه القضيه نسب وطفل يعني بالعربي خليه يجي هو وابوه وانتي جيبي ابوك لازم يتدخل واذا انكر سوي تحليل الدي ان ايه هذا شرف مو لعبه

مافهمت كيف لايدرون
وانا عند اهلي من ست شهور واطلع الحين حامل بشهرين كيف تجي
وزوجي هو الي دخلنا بالمشكله قسم بالله ماتكلمت ولاقلت شي هو جا البيت وبهذلني وطردني

يالله لك شهرين حامل وساكته

يااختي قولي لاهلك وعمتك لاتسكتين السكوت مو بصالحك تصرفي بأسرع وقت

والله العظيم قلت له هالكلام بس موراضي يرد علي لااتصال ولامسج
وادري امي انانيه سوت مشكله كبيره احس مالها حل

فكرت اكلم ابوي بس خايفه مدري بيوقف معي او ضدي خصوصا انه ساحب علينا ولايكلمنى الا اذا اتصلنا عليه