السلام عليكم ورحمة الله وبركاته ..

كيف حالكم ؟؟



اليوم جيت أفضفض عن اللي بقلبي ..
فضفضة شوق وحنين ... على بنتي الدانة ..

من أربعة أيام طرشت بنتي ديرة هلي ..
قلت تغير جو عندهم ..
خصوصا إنها هنا ماعندها أطفال ماعدا أختها الصغيرة ..
ولا يطلعها أبوها ويلعبها مثل كل الأطفال ..
فتقعد بالبيت وتفرغ طاقتها في الشقاوة مع أختها ..
وكل يوم نفس الروتين ..
وإللي معور قلبي بزيادة إني نص اليوم أكون بالدوام ..
وهم بالبيت يدورون لهم شي يسليهم ومايلقون ..
وبصراحة كان ودي أطرش معاها أختها الصغيرة ..
بس خفت ماتستحمل بعدي عنها ..

لما راحت بنتي ديرة هلي ..
أتصلت أكلمها وأسمع صوتها وأسولف معاها ..
اسألتني فديتها ..
متى بتجيني ؟؟
قلت لها إن شاء الله باجيك قريب ..
فجأة سكتت ..
دانة .. دانة ..
ماترد ..
وترمي السماعة وتصيح ..
أنا صرت كذا :
أبوي رفع السماعة قلت له يبة خلاص أنا بكرة باجي البحرين ..
قال طيب ..
بعد شوي أتصل وقال لي أمك تقول لا تجين ..
لأنك إذا جيتي بترجع معاك بعد يومين ..
وأمي حاطة لها جدول ومخططات ومشاوير وطلعات على كيف كيف البنت ..
وأنا ماودي إجيبها هنا للحبسة والملل ..
قلت لهم طيب ..
وأنا قلبي متقطع على بنتي لأنها تبيني جنبها ..

وكل ما أتصل أكلمها تقول لي ماما تعالي .. متى بتجين ..
ومرة قالت لي يالله سكروا المصابيح والمكيفات وأركبوا السيارة وتعالوا لي ..
ومرة ثانية صرت أنا كذا


وحشتيني وحشتييييييييني يادانوه ..

أمك ..

الله يخليها لك ويخليك لها ولايحرمكم من بعض ..

بس اصبري عليها شوي عشان تاخذ عالجو هناك وتنبسط وبعدين بتكلمك تقول ماما لاتجين

الله يعينك يام الدانه ويسعدك ويسعد الدانه

الطفل مهما حصل من لعب ووناسه ما يقدر يستمتع الا بوجود احد والديه معه

تحياتي والله يرعاكم

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

على فكرة ترى بعد مابكيت وطلعت اللي في نفسها تروح تلعب مع الأطفال وتنساكي مؤقتاً ، فلا تشيلي هم .

والله يجمعكم مع بعض ويسعدكم مع بعض . ويصبرك .

جنة الدنيا..
صاحب رأي سديد ..
أخي في الله ..
الله يجزاكم خير على مروركم الكريم ..


بالفعل هي تقبلت الفكرة وصارت ماتبكي لما تكلمني .. بس تطلبني أروح لها ..
وحتى أمي وأبوي يقولون لي إنها ماتتذكرني إلا لما أكلمها ع التلفون ..
أو مثل ماقالت لي هي :
(( ماما مساعة ضرب راسي في الباب صحت أبيج .. ))
يعني في الأوقات الحرجة ..
الله يخليها لي ويخلي لكم كل غالي ..

اختي الحمد لله

طمنتيني انه الدنيا لا زالت بخير
لا زال الاجداد يحتضنون الاحفاد
اولاد الابنه

ام الدانه



الله يحفظها ويخليها و تشبع من حنين جدها و جدتها

و تعرف معنى العائله الممتده الحقيقيه


ما شاء الله تبارك الله الله يخليلك والديكي ويجعل ما يقومون به في ميزان حسناتهم

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

الله يخليها لك ولايحرمك منها ان شاء الله تشوفينها عروس يارب

ياحبيبتي يا أم أثير ..
الحمد لله رب العالمين على هذه التعمة ..
والله يخلي لي أهلي ..
والله يخلي لك كل غالي ..
ويحفظ أولادك من كل شر ..

آسفة قلبت المواجع ..

آمين ياقلبي ..
ويخلي لك كل غالي ..
تسلمين على مرورك الغطر ..

يا عمري يا عمري بكيتيني يا امها

بكيتيني عليها

اقول بلا مشاوير و مخططات

بلاها خير شر

أهم شيء البنت تكون يم امها حبيبة قلبها

يا قلبي عليها

انا و رغم اني بعمر ام الدانة تقريبا

و مع ذلك ما افضل اروح بمكان بدون امي

عاد هذي الطفلة

أقول روحي جيبيها و انتي طلعيها

و ونسيها

و الله يحفظكم يا عيني عليكم

و الله تأثرت كثير

__________________
اللهم تقبل دعاء