للأعضاء الذين يعانون من السمنه والوزن الزائد (قصة واقعية)

05-08-2007, 11:51 AM

بوإبراهيم

عضو جديد

تاريخ التسجيل: Mar 2007

المشاركات: 2

للأعضاء الذين يعانون من السمنه والوزن الزائد (قصة واقعية)

السلام عليكم ورحمة الله وبركاته

في البداية أحب أرحب بنفسي .. بوإبراهيم .. عضو قديم نوعاَ ما في المنتدى ولكنه قليل أو نادر المشاركة لكثرة مشاغل الحياة .. وعدم التفرغ مثل قبل .. فسامحوني وأنا موجود معكم دائماَ

طبعاَ بدت قصتي مع الرجيم بالتحديد .. شهر إبرايل 2006 ..
بينما كان وقت التجهيز لعمل جديد .. وللتقديم في عدة شركات و أماكن للعمل ..
في ذك الوقت كان خاطري إني ألبس بدلة ( سوت ) خصوصا إن حاليا في عصر الشركات الجديدة المستقبلية الموجودة في مملكة البحرين.

عالعموم .. رحت ستوديو ون ( المدعو حالياَ سبلاش ) .. محل لبيع الملابس ومستواه جيد جداَ

وكنت أتلفت على بدلة حليوه تليق بجسمي .. ولفتت نظري بدلة وايد حلو .. وخبرت الموظف إن ينزلها لي علشان أجيكها .. طبعا في هالوقت ما كنت أعرف للبدلات نهائياَ خصوصاَ إن أول مرة بلبس بدله .. رحت أجيك البدلة .. وتفاجأت بالجسم الفضيع ! شنو ذي ! جم عمرك يا بوإبراهيم !

ألفت نظركم بأن وزني كان 95 كيلو وطولي 174 ومقاس البطن 36 -38 مأساه

طلعت من غرفة التبديل وكنت متضايق وايد .. من جسمي وشكلي .. فقررت أسوي رجيم قاسي
خصوصا إن الجسم والشكل مهم وايد في الأشغال ..

كان ذي اليوم .. يوم جمعة ( قبل لا يسوون الجمعة والسبت ويكند )
فقررت إن من يوم السبت أبدأ رجيمي القاسي والدايت .. بكتب لكم التفاصيل ليستفيد منه البقية
فبديت وكان برنامجي وأكلي كالآتي :

أول 10 عشر أيام :
الأكل: ثلاث وجبات يوميه .. والوجبات عبارة عن :
سلطة خضرة مع فلفل تباسكو وفلفل أسود وربع قفشة ( ملعقة ) ملح.
مكونة من جميع أنواع الخضرة المتواجدة والمشروب كان بيبسي دايت ( على فكرة دائماَ وللحين أشرب بيبسي دايت )
ويومياَ الساعة السادسة والنصف بعد صلاة المغرب .. الممشى رياضة مشي سريع وجري بما أقدر عليه
أو كيلو للمشي السريع وكيلو للجري

الأكل بين الوجبات : مشروبات دايت وماء و كوفي أو شاي بدون سكر

جيكت الوزن بعد 10 أيام وصار 91 يعني نزلت 4 كيلو
طبعاَ إستانسيت وايد وتشققت

وبعدها والحمد لله واصلت على هالمنوال والرياضة دائماَ وصرت أنزل ساعات 3 وساعات كيلوين وساعات كيلو .. وما تركت الرياضة نهائياَ يومياَ .. ولكن تم تغيير الوجبة من سلطة خالصة إلى دجاج مشوي مقطع في السلطة .. وبعض الأحيان نص دجاجة للغدا ونص دجاجة للعشا وهكذا

والحمد لله نزلت وتخلصت من الشحوم الزايده في 3 شهور فقط وبشكل كلي .. إلى أن وصلت
الوزن 74 والطول 174 و مقاس البطن 30

كانت المعاناه لين تجوف شخص ياكل جدامك تتضايق شوي وتزمر على روحك !
ولكن حاول تكون عندك إرادة ويود نفسك .. أهم شي الإرادة ..

أحب أفيدكم بإني الآن صرت صاحب خبرة في البدلات والسوت وحتى الألوان والستايلات والموضه الموجودة .. وحتى التاي واللي يبي مشورة حيا الله

يمكن شوي كتبت القصة على السريع لأني في الشغل و وايد مشغول
وقلت بس أفيدكم بملخصات مفيدة من القصة

يعطيكم العافية ولأي إستفسار خاص أو علني أنا حاضر

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه