:

السلام عليكم ورحمه الله و بركاته ..!!
صبآحكم/ مسائكم طاعه الرحمن

انا عندي مشكله معقده شوي ..!! و كلي امل ان القى الحل عندكم
ف لا تبخلو علي بالنصح الصحيح ..!!

انا متزوجه من سنه و حامل ( على ولاده ) من اول يوم زواجي و انا كل مشاكلي
مع زوجي سببها ( امه و خواته ) للأسف الشديد .. و مع ذالك كنت اصبر و اقول في خاطري
عل و عسى الله يرزقنا و نطلع من بيتهم و نروح لبيت لحالنا و نرتاح ..

عيب زوجي الوحيد انه ( ولد امه ) قرارات حياتنا كلها بيدها .. يخبرها كل تفاصيل حياتنا
يفكر و يتحرك بعقل امه مش بعقله هوو .. و هي انسانه جدا متسلطه و غيوره و دايما كانت
تحاول تخرب بينا ..

انا انسانه مش ملاك .. و لكن يشهد الله علي اني من دخلت بيتهم ما تعاملت معاهم
الا بكل ادب و احترام رغم الاشياء اللي كانو يعملوها فيني و الحركات لكني كنت اصبر لاني
كنت احب زوجي و متمسكه فيه ..

اخر مشكله صارت ان امه كانت تبيني اوصل بنتها المتزوجه للمستشفى
( مع العلم بنتها تسوق و عندها زوجها كمان ) وانا كانت رجلي متورمه ( بسبب الحمل )
فقلت لها اليوم ما اقدر اوديكم و اجيبكم مكان ( مع العلم اني دايما كنت اوديهم و ما ارفض )
فاتصلت لزوجي ( كان بالدوام ) و قلت له اختك تبغاني اوديها و انا ما قادره و خلاص انا مليت
المفروض تراعوني انا الحين محتاجه اللي يوديني و امر بحاله توتر و خوف من الولاده .. كلمني
بأسلوب جدا جدا وقح و قفل التلفون بوشي .. و بعد 10 دقايق لقيت امه و خواته داخلين علي الغرفه
بدون احم ولا دستور و تهجمو علي بكلمات غبيه ( نحن مش محتاجين الك ) و من هالكلام انا من
الخوف من هجومهم قعدت اصيح و كنت ساكته ما ارد .. اتصلت في زوجي ما رد علي طرشت له
مسج كالتالي ( لو سمحت انا نفسيتي جدا تعبانه بروح اريح في بيت اهلي هاليومين لحد ما ترجع من الدوام)
بالبدايه رفض و بعدين وافق فقلت له خلاص انت كلم اخوي يجي ياخذني لان اهلي ما يحبو ياخذوني
الا بموافقتك .. قالي اوكي و اتصل لاخوي و بالفعل اخوي جاني .. و انا طالعه طلعت وراي امه و قالت
لاخوي دام اختك طلعت من البيت مالها رجعه ( قال لها اخو بس انا زوجها قالي تاعل خذها ) قالت له
لا ما قال انت كذاب .. قال لها اخوي طيب بتصل فيه قدامك و اسمعي .. و فعلا اتصل فيه و قاله
انت قلت لي اجي اخذها ولا .. رد زوجي ايه قلت .. قالت امه لو زوجتك طلعت ما لها رجعه للبيت
و لا راح اخليك تروح تجيبها من بيت اهلها و لا تكلمها .. رد زوجي و قال ( انا ما بخالف كلام امي )
قاله اخوي لو رجال و قد كلمتك راح تجي ترجع حرمتك و روحنا ..

من ساعتها ما اتصل فيني و لا كلمني و لا حتى فهم مني شو الموضوع و امه تقوله خلها تتأدب
و مثل ما طلعت راح ترجع لوحدها ... الحين كملت 10 ايام في بيت اهلي

و الله شاهد على كل كلمه قلتها انها كانت صحيحه ..
عطوني الحل ؟؟

:

زوجك لا يعي الفرق بين حقوق الأم و حقوق الزوجة.

عموما

أرى أن ترسلي له رسالة تشكرينه على أنه سمحك لك في البقاء عند أهلك لفترة مؤقتة.
وإنك الآن أصبحتي بصحة جيدة.

إن لم يرد.. أرسلي له بعد أربع أو خمس أيام.. أنك قلقة عليه، و تصرفاته السابقة وصمته يحتاج تفسير.


إن لم يرد أرى أن تجعلي أخوك يتفاهم معه .. وأنت تفرغي للمولود القادم.
وبك يفرجها