في أول شهور زواجنا
كذا مرة زوجي يلقي علي مسؤولية تحويل راتب الشغالة
بعدها صار الامر تلقائي من غير نقاش ان انه باحوله...
بعدها لاحظته انه بدأ يخفف من مشاويري
بحجة ان عندي سيارة واسوق...
لما شفت جذي بصراحة مرة صرت احول الراتب ومرة اتعذر بتعب او بالانشغال
ونفس الامر مشاويري
مع ان زوجي مو من النوع اللي يتملص من مسؤولياته
بس ما حبيت اعوده بحيث ما يعتبره يوم من الايام ان هذا واجب علي

__________________

حاجة الناس إليكم من نعم الله عليكم ، فـ لا تملوا النِعم ☁✨

زين ابيها
سالفه زوجك على ماتعوديه غلط
انا اشوفها غلط
الرجل من الاساس لابد انه يعرف واجباته ماهو طفل تربيه الزوجه من جديد
انا طليقي حاولت فيه من البدايه
لكن تصادمنا وتم الطلاق
بعضهم يذهب الى الطلاق ولا تعوده الزوجه على المسئوليه
ليه متزوج مدري
يمكن فيه نوعيه ترى ان الزوجه ليس لها حقوق وشغل البيت عليها
وتربيه الاولاد
وبعضهم يرى انها اذا موظفه
بعد يصير عليها الصرف كامل والتصرف
والزوجه اذا بتحافظ على بيتها شتسوي مالها الا الصبر

زين يمكن يكون الخطأ من الزوجة نفسها
ترحمه اذا شافته مضغوط و تقول في نفسها اخفف عنه
تصحي تلقاها واجبات لا فكاك منها

__________________

ما مسألة ترحمه صدقيني..... بديت أخليله مسؤوليات الي يعتبرها مهمه مثلا موعد طبيب
أبس الاشياء الي ما يقتنع بها يهملها والصغار يصيحوا فوق راسي فأضطر ما أحشر نفسي في زواية ضيقة

روح متفائلة نورتينا يا حلوة

__________________

صح كلامكم يا مبتعثة وهاجر

الله يعين..
اكره ان احد يرمي بمسؤولياته علي
سوى زوج ولا اخ ولا اي احد
انه اسوي الشيء بمزاجي بدون ما احس ان انه مقيدة اي..
اما غيره ما استحمل

__________________

حاجة الناس إليكم من نعم الله عليكم ، فـ لا تملوا النِعم ☁✨

صعبة الحياة لما تعيشين مع واحد معيشج وحيدة

__________________

حاجة الناس إليكم من نعم الله عليكم ، فـ لا تملوا النِعم ☁✨

سبحان الله .. أنا عاد ريلي يتحمل المسؤولية بطريقة مبالغة .. وأحياناً غير منطقية.

من فترة اخترب مقبض باب البيت الخلفي .. وما صار ينفع يتسكّر بالمفتاح.

رفض إني أييب عامل يصلح الباب .. وصمم إني أنتظر رجعته من دوامه عشان هو اللي يصلحه!!! .. وكان باقي على رجعته ثلاث أيام كنت أسند خلالها الباب بطابوقة!!!!

من يومها قررت ما أقول له إذا صار شي في البيت وهو مب موجود.

عقبها بفترة اخترب مكيف غرفة الخدامة .. وعلى طول اتصلت بالعامل وصلّح المكيف .. وانتهى الموضوع.

النكتة إن زوجي لما عرف السالفة بعدين خذ الموضوع ببساطة.

طيب ما كان من الاول يا شيخ!

__________________


اللهم طِيبَ الأثر .. وحُسْنَ الرحيل.

يوه يا مهرة انت في نعمة ما شاء الله
الي عندي الضروريات ما يقصر فيها
و يركض يسويها
الامور الي تتاجل يعل القلب
الحين لمبة احد الحمامين احترقت من خمسة ايام
رحنا عند اهلي و رجعنا و ما غيرها
جابت اللمبات قبل نروح و جالسين يتسنوا متي يتكرم و يبدلهم
و لما نبهتموا انفعل علي اساس فيه حمام ثاني ليش العجلة

__________________

صحيح يا مهرة ما شاء الله انتي في نعمة
هجور انا عادي يتم يأجل ممكن لسنة مع انه في أشياء مش ضرورية بس ﻷنه يحبها يسويها.... المشكلة الي عندي انسان يعتمد عليه فعلا ومكافح بس بالنسبه له التوافه والكماليات مش قد من مستواه وقدراته😎😎 إلا لو كانت تمسه بشكل شخصي وتتعلق براحته