رايحين تايلاند بإذن الله .. باعتبار إن الهدف الرئيسي من الرحلة هو إحياء ذكريات شهر العسل على حسب تعبير زوجي.

بس السفر مب الحين طبعاً .. بيكون إما في إجازة شهر مارس إن كان جدول عمل زوجي يسمح بذلك .. وإما في الصيف بإذن الله.



النمسا حلوة يا أم الدانة .. احنا قعدنا في كابرون .. سبحان الله تحسين فيها براحة نفسية عجيبة.

فرنسا كانت خيار من ضمن الخيارات اللي انطرحت في الصيف الماضي .. لكن الاختيار وقع على سويسرا وإيطاليا .. والحمدلله كانت رحلة حلوة .. وسويسرا مثل النمسا ترتاحين فيها نفسياً .. أما إيطاليا فرحناها طيّاري على السريع .. بس بصراحة مب مريحة كثير مثل النمسا وسويسرا وجوها كان حار.


ومن المواقف المضحكة في إيطاليا .. رحنا مطعم نتغدا .. كنا تسع أشخاص .. وكلنا طلبنا معكرونة وانصعقنا بالحساب .. كان حوالي 1000 درهم!!!!!

حشا .. معكرونة وصلصة طماطم بـ 1000!!!!!!!

__________________


اللهم طِيبَ الأثر .. وحُسْنَ الرحيل.

ابشركم ..

زوجي اخيرا عبرني وعملي حفله بسيطة
صح مو زي الصورة ههههه بس يلا اهم شي افتكرني ...

لكن بنتي دلع قومت الدنيا وقامت تبكي ليه الحفله لماما ... وقطعت الورد .. وحاسو الكيكة وعدمو الطاوله هههههههه
وانا تركتهم وطنشتهم ورحت اذاكر ..

وجلس زوجي يراضي بناتي الغيرانين مني ..

ايش الحل مع غيرة بناتي

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

الحل إنه كان المفروض يجيب لكل وحدة كيكة صغيرة على الأقل وكم شمعة وكأنكم تحتفلون بيوم ميلاد كل وحدة فيكم.


مهره يوم ميلادها شهر 6 .. وشما شهر 4 .. وطبعاً ما أقدر أحتفل بشما قبل مهرة .. ولا راح تقتنع إن حفلتها عقب شهرين بس من حفلة شما .... فكان الحل إني أعمل للثنتين حفلة واحدة وكل وحدة لها كيكتها الخاصة.

وعلى فكرة في حفلتهم كل الصغار اللي عمرهم بين 2 و3 سنوات يغارون .. فنقوم نولع الشمع ونطفيه خمسين مرة عشان كل واحد ياخذ له دور ويرضى

__________________


اللهم طِيبَ الأثر .. وحُسْنَ الرحيل.

أيوا أنا رحت النمسا زيلامسي وكابرون وسالزبورغ وكم منطقة أخرى.. جميلة جدا ..
بس يقولون لا تقارن بالنرويج .. وبالفعل الصور ذبحتني


ممم 1000 درهم ل9 أشخاص مش كثير مهره .. يعني تقريبا 110 درهم لكل شخص .. لا بأس فيها ..

يا شيخة صلي على النبي .. أقول لج معكرونة وصلصة طماطم ,, تقولين مب كثير!!


بس المهم إن طعمها كان حلو

__________________


اللهم طِيبَ الأثر .. وحُسْنَ الرحيل.

المشكله بناتي يمووتو في الحفلات .. يعني لو يطلع سنها عملت لها حفله وماملو ..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

مازرت باوربا الا لندن ً

ودي اعمل جوله باوربا
وش رايكم اول سفره اوربيه لي اسافر لكم دوله

روح متواجده
انا اسفه ان ازعجتك اتمنى فعلا تقبلي اعتذاري
وهذي بوسه على راسك
بس والله سوء فهم هو لا اكثر ولا اقل

الي تسافر مع اطفالها ..

نفسي اسافر من دونهم ... لكن ماظنيت لان خدامة ماما ماتساعد اني اخلي بناتي عندها ..

احس السفر مع الاطفال .. مايعتبر استجمام .. لان نص اليوم اكون متفرغة لهم ..

صح حلو لما اشوفهم مبسوطين قدامي .. وراحة نفسيه لي ... لكن اتمنى فترة استجمام لي لوحدي ..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

السلام عليكم ورحمة الله وبركاته..

__________________