آخيييرا وصلت النهاية 😉

صباحكم حب

كوين ي عسسل كل عام وأنتِ بألف خير

ماقلتي لنا شوو ابو ملك ألتفت للتاريخ وإلا شو😉

تدرين أنا رأفة بحالي ،.شريت لي هدايا وغلفت وحدة منهن

وبهديهم نفسي ف اقرب مناسبة ☺️☺️
وبسوي لنفسي شهادة تقدير وعرفان وبكتب رسالة حب ❤️

وبحتفل ع اساس احد مفاجئني بالحفل 😍✌️

اذا تفاعلتو معي راح اسوي لكم تقرير مصوّر😁

__________________




ربِ هب لي من لدنك ذرية طيبة أنك سميع الدعاء

مهرة ادري جيت بكيييير كثييير

اكيد راح اختار الرحلة ،،حتى لو كانت يومين 😉

وبيكون وقعها عليّ اكبر من لو كانت شي مادي مثل الذهب

__________________




ربِ هب لي من لدنك ذرية طيبة أنك سميع الدعاء

أنا أيضاً .. الفريضة فقط.

وأحياناً أصلي الضحى والشفع والوتر.

__________________


اللهم طِيبَ الأثر .. وحُسْنَ الرحيل.

آآآآه ..
تعبت وأنا أقرا ..
حتى تشتت تفكيري ونسيت المواضيع اللي تكلمتوا فيها ..

المهم .. صباحكم روز ..

معاج حق يا ملك .. صراحة انحرجت كثير لما عيالي انصابوا بالقمل أول مرة السنة اللي طافت .. وطبعاً متأكدة إن العدوى انتقلت لهم لما كنا في النمسا .. لأن القمل طلع بعد ما وصلنا مباشرةً.

انصدمت وما توقعت إن في حد في هالوقت اللي احنا عايشين فيه ممكن يكون فيه قمل!!!!

مع العلم إني مب أنا اللي اكتشفت القمل أو البيض .. ولا أعرف كيف تقدرون تشوفونه في الراس!! .. خالة زوجي هي اللي اكتشفته أول مرة وقالت لي إن في بيض في راس بنتي .. وأنا ما صدقتها واستبعدت الموضوع تماماً وقلت مب معقول القمل عايش في القرن الواحد والعشرين

وما صدقت إلا لما البيض فقس وطلعت الأشياءات اللي تمشي

والمرة الثانية زوجي أصرّ إن بنتي انعدت من المدرسة وأصر إني أتصل بهم وأتهاوش وياهم .. بس طبعاً لا اتهاوشت ولا شي لأن بنتي راحت أماكن ثانية خلال هالفترة وما أقدر أجزم بالمكان اللي انتقلت لها فيه العدوى.

بس طبعاً اتصلت بمدرستها وقلت لها عن حالة بنتي عشان تاخذ إجراء بخصوص باقي التلاميذ .. لأني قدّرت إن بنتي ممكن تكون نقلت العدوى لحد منهم ... وطبعاً غيّبتها عن المدرسة كم يوم.

__________________


اللهم طِيبَ الأثر .. وحُسْنَ الرحيل.

ما شاء الله عليكن يا بنات .. معظمكن اخترن الرحلة السياحية.

ويقولون النساء ماديات!!
.
.
.
على طاري الاحتفال بيوم الميلاد.

بالرغم من كل الأمور الحلوة المعنوية والمادية اللي يسويها زوجي .. لكنه ما تذكر يوم ميلادي اللي كان الشهر الماضي

فعادي .. خلج كوول ولا تدققين.

__________________


اللهم طِيبَ الأثر .. وحُسْنَ الرحيل.

مهره على وين ناويين تسافرون بإذن الله ..؟


الصيفية القادمة زوجي اعطاني تصريح بأني أرتب وأخطط للسفر لأي مكان أبيه ..
تخطيطي هالمرة دولتين اوروبيتين .. ربي يسهل وييسر ..
ناوية بإذن الله أروح فرنسا عشان ديزني لاند وكم يوم باريس ..
وكان ببالي أروح سويسرا للطبيعة.. بس قبل يومين لقيت حساب بالانستقرام لإماراتي مقيم حالي بالنرويج ويحط صور آآآخ تدووووخ وعذااااب ويقول إنها أحلى من النمسا وسويسرا وغيرها ..
أمس قلت له ترا غيرنا الوجهة .. بنروح فرنسا والنرويج .. قال إنتي بتلفين العالم كله قبل مايجي الصيف ..

اليوم الصبح مهرة وسلطان يغايظون بعض.

هي تقول له: أنا أحسن منك لأني أساعد ماما .. وهو يقول: حتى أنا أساعدها!!

بعدها ياني سلطان وأنا في المطبخ وهو يتحرطم: أنا ما كنت أساعدج يا ماما؟؟ .. أنا ما كنت أطلع الزبالة برا؟!! (في الفترة اللي ما كانت عندي خدامة كنت مكلفته بمهمة إخراج كيس الزبالة ـ وانتو بكرامة ـ للقمامة الخارجية)

قلت له: صحيح .. بس تبا الصراحة يعني .. إنت ما كنت تساعدني إلا لما أطلب منك .. لكن مهرة كانت تساعدني من نفسها بدون ما أطلب (كانت تنظف معاي المطبخ وتمسح الطاولة والخزائن اللي تطولها وترتب الثياب وتسقي الزرع .. ولحد الآن ترتب غرفتها وترجّع كل شي مكانه بعد انتهاء اللعب)

زاد تحرطم سلطان وطلع من المطبخ وهو مبوز .. ورجع بعد دقيقتين وراح عند المغسلة مباشرة وغسل المواعين

ولما خلص قال لي: عشان ما تقولين إني ما أساعدج الا لما تطلبين

__________________


اللهم طِيبَ الأثر .. وحُسْنَ الرحيل.

انا خلاص فات الفوت...
مفضوحة لو احد يعرفني يدخل االمنتدى كشف اسراري

....

وانتي بخير ياقلبي

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

مهرة ..
اكيد اختار السفرة ... ايش ابغا بالذهب ... اصلا ماما راح تاخدو وترفعه عندها زي باقي اطقم الذهب ...
لاني مضيعة درجة اولى ... طقمين ذهب اختفت من عندي ...


يلا سافري وسويلينا تقرير ... عشان اختار وين اسافر ..
انا بعد تقرير ام الدانة .. قررت عالمالديف ... لكن بما ان زوجي بيغار ومابيخليني اخد راحتي على الاخر فغيرت رأي ..

ام الدانه كنتي تاخدي راحتك وكداا ..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك