اهﻻ هموسة

من جد

ايش فيها لو صدقت على مشاعرك و ما انكرتها

حتى لو بتنصحك ما تستنكر مشاعرك

و تعيش جو البساطه

مشكورة على الرد هموسة

مهره ردك كثير شدني
ماخفيك أحس أني أم رتيبة كثير
أحبهم وأعطيهم بس ماعندي نشاطات تشد العيال أكثر

خبريني مهره
شو انشطتج مع عيالج ؟
كيف تختارين الافلام ؟!
وتتوقعين تحب السينما بنت بعمر 5 سنوات ؟!
وتراني ماعرف للسينما
حجز مسبق ولا روح واشتري تذكرة وخلاص

__________________
الحمدلله الذي بنعمته تتم الصالحات

هذه الحياة عزيزتي
خبرينا ووضحي بمثال
قصدك مثلا لما تحكي لهم عن موقف زعجك
يردو بمثالية انهم يفعلوا كذا وكذا أشياء مثل فيها كظم الغيظ وحلم أو تسامح كبير ومن هالقبيل ؟!

ولا ايش قصدك

__________________
الحمدلله الذي بنعمته تتم الصالحات

نعم هذا اللي يحصل

مع اني انا اللي متأذيه و انا اللي متضايقة

وقته تفرد عضﻻتها

ربما لا تقصد الاستهانة .. ربما الهدف هو محاولة تخليصكِ من شعوركِ السلبي وألا تنغمسي فيه أكثر.

__________________


اللهم طِيبَ الأثر .. وحُسْنَ الرحيل.

معاكي حق بس ليتها صآدقت على شعور

يا اخي شعور شعور

ﻻ يودي و ﻻ يجيب

مو حلو و مو وقته تسمعين بطوﻵت مزيفه

و انتي متأكده انها مزيفه

و متأكده انه الشخصية هذي لو انحطت في اقل من موقفك هذا لثارت ثائرتها

متأكده انها ما تتحمل و ﻵ تكه

متأكده انها كبشريه على اﻷقل تحمل نفس احساسك و يضايقها ما يضايقك

و آسفه اذا ضايقتكم

عليك حبيبتي معليش اخطأت لاني اقرا بسرعه ... يعني تحكيلها عن مشكلة وﻻ موقف مضايقك وتديك حل مثالي وتستنكر مشاعرك ... يمكن مافهمت عليك مضبوط او انها تتصرف على طبيعتها وتديك الحل السليم مو شرط تقصد وانتي حاولي تتقبلي كل اﻻراء اذا راي عجبك خذي فيه ماعجبك خليه واللي بيحاول يكون مثالي بكيفه تعاملي عادي معاه وخﻻص

وبعدين ليش مابدهم يتالمون زي البشر
فيهم صفات فوق مستوى البشر مثلا
الالم ياتي على قدر حجم الجرح
يعني في مواقف تصيرلك تسببلك الم خفيف وفي احداث المها يقصم الظهر كفقدان عزيز عليك
بالرغم ان هناك اشخاص تشعرك بان المك حالة شاذة ولايحق لك ان تتالم وتبدأفي فرد عضلاتهاوتستنكر عليك حتى شعورك بالالم وتبدأ بتعليمك المثالية التي تتحلّى بها
يختي بلاش هم الواحد جاي يفضفض ومحتاج حد يخفف عنه ولا جاي لحد يزيد عليه

__________________
الحمد لله

والله حتى أنا يا فوفو .. أحس نفسي بعد مقصرة.

غالباً نوديهم يلعبون في المول .. وفي الشتا نوديهم الحديقة أو الكورنيش يركبون سياكل .. بس بصراحة الحدايق بالذات تكون مزعجة جداً أيام الإجازات بسبب الزحمة الزايدة! .. عشان جذي غالباً ما أحب أروح في الويك إند .. أما الإجازات الكبيرة فنروح نص الأسبوع لأن الوضع يكون أرحم شوي.


من حوالي ثلاث سنوات فكرت في نادي الفروسية .. بس ما كانوا يقبلون الأولاد تحت عمر الثمان سنوات .. والحين سلطان قرّب على عشر وبعدني ما وديته!!

كنت متحمسة كثير لفكرة الفروسية .. بس هو الله يهديه ما كان مجاريني وما كنت أحسه مهتم كثير ... بس أخيراً قلت خليني أوديه من باب التجربة ويشوف كيف الوضع وبعدين يقرر إذا بيستمر أو لا.

المضحك إني لما كلمته آخر مرة عن الموضوع مهرة هي اللي نطت وقالت: انا ابا اركب حصان


الخيار الثاني هو السباحة .. واليوم تحديداً كنت أكلم ابوهم عن اجازة الصيف وقلت له عن المسابح اللي في الفنادق وإني ناوية اخذهم ونروح بدون ما أضطر أنتظره يرجع من دوامه عشان هو اللي يودينا .. ووافق.

وفي بعد الحديقة المائية .. بس بعد مضطرة أنتظر لين الجو يحمى شوي.


المتاحف ما يحبونها .. ولما ولدي يروح رحلة مدرسية إلى متحف يرجع متضايق ويقول: ملل ومب حلو!!!!



بخصوص السينما .. فهذي كانت المرة الأولى اللي اسويها مع مهرة .. وبصراحة ما كان عندي أساس معين أختار على أساسه سوى إنه يكون فيلم أطفال .. ويومها كان معروض فيلمين .. أنا اخترت واحد بس مهرة بغت الثاني .. كان فيلم بورورو .. وفعلاً طلع حلو وممتع.

بنت الخمس سنوات بتتحمل السينما إذا كان الفيلم مشوق وجاذبها .. وهذا للأسف ما تقدرين تعرفينه إلا لما تتورطين فعلاً وتدخلين القاعة .. لأنها لما راحت مع أبوها رجع متضايق منها وقال تمت تتحرقص ما تبا تيلس .. لكن معاي تمت مكانها ومتابعة الأحداث باهتمام .. ولما سألتها قالت: الفيلم مال بابا ما كان حلو .... أهم شي دخليها الحمام قبل بداية الفيلم

بخصوص الحجز .. طبعاً في الحجز العادي أبو طابور .. وفي إمكانية للحجز عن طريق النت .. سينما فوكس ونوفو وجراند موفرين هالخدمة .. بس احنا عيال أبو طابور ترا

__________________


اللهم طِيبَ الأثر .. وحُسْنَ الرحيل.

مهره بسالك