شكرا جبيبتي💖💖💖💖

سبحان الله .... الانسان ضعيف حتى نفسه ما يقدر يحميها من الهم والحزن

الله يرزقنا سعادة وراحة البال
لما تدوي ضحكات أطفالي حتى على أشياء في نظري مالها معنى
أحس بسعادة وانه احنا لازم نبحث عن السعادة بين لحظات يومنا

اللهم آميين..

صدقت رهام...

المشكلة لما تجيك الأشياء اللي تكدر خاطرك لعندك بس الحمدلله رغم هذا كله الواحد بيتجاوز ضيقته قدر الامكان.. الحمدلله..

مساء الخير حبيباتي السكاكر.

ولهت عليكن.

__________________


اللهم طِيبَ الأثر .. وحُسْنَ الرحيل.

حياج رهام 😍 ..

الله يبارك فيكم يارب .. 💕

مهره ولهنا عليج اكثر .. مرحبا ملايين ولا يسدن .. ❤

هلا مريومتي..

وحدة من معارفنا كانت حامل .. وثلاث طبيبات اتفقوا على جنس الجنين. (ما اذكر قالن ولد والا بنت بس كلهن اتفقن على الجنس)

ولما ربت طلع جنس الجنين غير.

انصدموا لدرجة إن زوجها فكرهم غلطوا وبدلوا الياهل.

__________________


اللهم طِيبَ الأثر .. وحُسْنَ الرحيل.

مساء الورد
واحنا بعد مهوره
خاصة بعد اخر موقف حكيتيه وما رجعت اضفتي أي شي

هلا الرهام.

ما عرفت شو أقول يا مروة.

بعد الموقف .. تم باقي الإجازة بدون ما يطلع طلعات طويلة .. ومعظم الوقت في البيت!.

والمشكلة إني ما ركزت في إسوارة المستشفى ومب متأكدة إذا كان مكتوب عليها (b/o) .. اختصار (baby of).

وطلعنا مرة مع اليهال .. وبنتي نطت فجأة تسألني: ماما فيه نونو؟ (هي كل فترة تسألني إذا باييب نونو ثاني؟)

رديت عليها: الله أعلم. (ما كان قصدي أبداً أنغز زوجي بس أنا لما عيالي يسألوني ما أحب أقول لهم: لا خلاص ما باييب نونو بعد)

بس الظاهر هو خذ الكلام على نفسه وضحك! .. تعرفين الضحكة البلهاء المصطنعة اللي مالها معنى؟!

ما أدري هو ضحك عشان يضيع السالفة والا عشان ما أفكر والا شو بالضبط.

راح دوامه وبعد أسبوع رجع عنده شغل في العاصمة .. وتوقعت ما يي إمارتنا لأنها شغلة يوم ويرجع دوامه .. لكنه رجع البيت وقعد معانا طول اليوم .. وطلع لصلاة العشا ورجع البيت على طول ..مع إني توقعت العكس.

المقصد إن مثل هالتصرفات اللي يسويها تخليني متخربطة ومب متأكدة من شي!

وبأمانة هو لا يزال مداريني ويحرص على احتوائي ومسايرتي كثير.

فقررت أسكت وما أفتح الموضوع .. وفي النهاية كل شي بيظهر.



من كم يوم وحدة من العضوات كتبت في موضوع نصيحة .. الدعاء ب (اللهم ذا وليّ نعمتي .. وملاذي عند كربتي .. اجعل ما أخاف وأحذر برداً وسلاماً عليّ كما جعلت النار برداً وسلاماً على إبراهيم)

من يومها أدعي به في ختام معطم صلواتي.

__________________


اللهم طِيبَ الأثر .. وحُسْنَ الرحيل.

الله يريح بالك يارب .. الجميل انه لا زال يداريك ويخاف على مشاعرك
يعجبني فيك مميرة انك تسيطري على مشاعرك ولا تحني عليه علشان تتأكدي
جميل انه الانسان يملك قوة يسيطر بيها على مشاعره

ما أدري هي سيطرة على المشاعر وإلا إني ما أحب هالمواقف وأكره إني أنحط فيها .... أحسها تصغّرني في عين نفسي.

تدرين لو كنت عرفت سالفة الموقف الأخير من خلال موبايله في الواتس مثلاً .. يمكن ما كنت تكلمت معاه أساساً .. لكن لما ركبت السيارة وشفت إسوارة المستشفى ما عرفت أظل ساكتة وأسوي نفسي ما شفتها .. واضطراري للكلام حسسني بالإهانة والوجع زيادة.


تعرفين لما كتبت الموقف .. وقتها أظن وحدة من البنات اقترحت إني أسال أم زوجي .. وقلت في نفسي: يمكن فعلاً المفروض أسألها عشان اتأكد.

لكني ما قدرت أبداً.

__________________


اللهم طِيبَ الأثر .. وحُسْنَ الرحيل.

تصدقي مهره أعرف وحده تتشابه معك في أشياء كثيييرة شخصيتك وتعاملك مع عيالك حتى عدد وجنس الاطفال... الفرق انها زوجها مجرد ما تعرف على وحده2 حذفها من حياته وعلى الرغم انه خذها عن قصة حب
احيانا لما تتكلم وأقرأ ردودك استغرب التشابه الكبير