22 و 20 و 16 علي التوالي

__________________

النت جدا سيئ
بيقولوا كابل من كابلات بلدنا سقط في البحر
ما دري وش وداه البحر

__________________

الله يخلي لك الصبايا ماشاءالله

بنت خالي ولدت الفجر بالسلامة ..
جابت ولد من بعد بنتين ربي يخليهم ويحفظهم ..
الامر اللي عجزت استوعبه في العيد سألتها بنت او ولد قالت بنت .. وقالت بتسميها على امها ..
ليش الكذب؟ اذا تبين الموضوع مفاجأة قولي مفاجأة بعدين بتعرفون .. لكن اول مرة الصراحة اسمع بوحدة تكذب في جنس جنينها .. 😕

حمدلله على سلامتها
يمكن خطا بالتشخيص
والله اعلم
عموما مريم لاعاد تسالي احد
انا عن نفسي مااسال احيانا احس من كلام الي قدامي
لكن سؤال مباشر مااسال حتى اختي
لا تشيلي بخاطرك وطنشي

ماكان سؤال لقافة وفضول .. كانت سوالف عادية و جه السؤال في سياق الحديث عن الحمل والولادة .. ويمكن مش بس انا اللي قالت لي بنت .. اتوقع كل اللي سألوها .. يمكن قصدها تفاجئنا بعدين ..
خلاص ماعاد اسألها هي بالذات .. مرة ام عيال تكذبين .. هههه .. ماكان خطأ في التشخيص تجهيزاتها لولد ..
انا وخواتي واغلب بنات خالاتي وخوالي قراب من بعض ومانخبي شي عن بعض ونعرف كل شي عن بعضنا .. بس هاذي عبارة بعيدة عنا .. ماتكون في تجمعاتنا وطلعاتنا ولا حتى مدخلينها قروبنا في الواتس .. وفيه كم وحدة من اهلنا نفس الشي .. هم اصلا مايندمجون معانا مش احنا اللي مبعدينهم عنا ..
بس هذا درس لي اني ماعاد اسولف معاها في امور تخص حياتها ..

انا في الكوفي شوب .. بروحي .. تفضلوا :

لا تتحسسي مريوم.... انا قريبات جدا ويكذبن في شهر الولادة يقولن شهر محدد ويولدن قبلها بشهرين😅😅
فصرت ما اسأل أبدا تراه ما فيني فضول السؤال أحيانا يعبر عن اهتمام بس عاد خلاص

حجزيلي الكرسي الي جنبك😅
صحة وعافية مريم

اشراقة كيفك يا عسل

مريوم بالعافية على قلبك يارب.. 😍
والحمدلله على سلامة بنت خالك..
تصدقي حتى عندنا ناس كثير يسووا هالحركة 😣


.
.

رهام.. الحمدلله يا قلبي بخير.. كنت شوية منفسة اليومين الماضية بس حاليا صرت زي الفل ان شاء الله...

ربي يسعد قلبك و ييسر لك شغلك وبحثك

❤❤❤❤❤ من الخبر -> لعمان