السلام عليكم ورحمة الله وبركاته..

بدو يكسر الحاجز اللي بينكم كنافة واضحكي معه بالرسائل عادي يا بنت بلاش عناد..

يسأل واحسني الظن بدو يشوف الأشياء الناقصة بالبيت الحين الشوارع زحمة..

كنافة انسجمي معه، لا تهتزي لتقلباته..

روحي يا بنت ضعي فيس ضحك على رسائله

وقولي شكرا حبيبي بلاش نشد خلاص رخى ارخي الحبل

شكلكم متأثرين بتوم وجيري

زوجي لما رجع سلم ورديت السلام
قال اوف ليه وجهك كذا احمر
سكت انا
قال الله يهديك ودخل ينام


انا ماودي اتكلم معه
بالكلام يوديني شرق وغرب
تخيلوا امس ذكر شي من 5 سنين
انا ما اذكره والله ابدا ابدا
يقول بشهر العسل ناظرك واخد خليجي وابتسمتي
ولحقنا المقهى وجلس قدامك
وجلستي تبتسمي كل شوي له!!!

قصه قليله ادب وتقهر
قلت انت وين كنت؟ قال عذرتك قلت يمكن تأثير العزوبيه
قلت له عيب عليك انا مستحيل اعمل كذا
ماصدقني


هالقصه اول مره يقولها لي
كانت ردا على كلامي له اني احبه وما اشوف بالدنيا غيره


والله هالرجال يجيب الامراض
يتخيل اشياء غريبه فيني ويصدقها
ويعتبرني امثل عليه
ويتهمني انو ارضائي صعب
وهو اللي اضاءه صعب!! مو انا !!


تخيلوا تذكر لي سالفه سخيفه
كان قايل لي ايش رايك نروح مصر وبعدها اسبانيا
قلت لا مصر شايفتها خلنا نروح اسبانيا دايركت
قال لي انتي انااااانيه
لانه هو ماشاف مصر!!
يقول بعد ردك هذا عرفت انك ماتستاهلي شي
وان مشوار للديره كثير عليك!!!

طيب انا تعليقي ماكان بشع لهالدرجة
وكلامي قلته حتى اوفر عليه سفره بدل ثتتين
ولانه اساسا يقدر يسافر مصر مع اصحابه
زوج غيره قال كثر خيرك.. اجل سفره وحده تكفي!


اصلا انا لافه العالم قبل اتزوجه
بس ماعمري قلت له هالجمله
وهو يتمنن علي حتى بالكلام
ويضخم اخطائي بشكل مقزز
ظنه دايما سيء فيني

هذا اكثر شي يتعبني بحياتي

انا اخذت عهد على نفسي
لو يسألني وين نروح نتعشى؟ مثلا
بقول له ما ادري اي مطعم تبيه
وهكذا

ماراح اعطيه رأي ابدا بأي شي
ارائي بخليها على لبسي وعيالي بس
علما بأني والله ماعمري قلت له شي
الا اذا سألني
واذا ما سأل اسكت على طول

لكن سياسيتي الجديده ماراح اعطيه اي رأي
واذا بخاطري مكان رحته بعدين مع اهلي
دام يتهمني اني متسلطه
ذي الكلمه قاهرتني مدري من وين جايبها
بس نشوف ايش اخرتها

كلمة مانتب رجال

والله كلمة كبيرة جداً جداً في حق الزوج

بس الظاهر انه زحلقها لكي وخلاها تأديب فقط

__________________

ترى انا زوجته من 5 سنين
واول مره اعمل معه كذا
وكان في سياق معين شرحته بالقصه

ربي وهو ربي يغفر الذنب

هي الكلمة مو حلوة و كبيرة
لكن مراضاة شهر كفاية

__________________

السلام عليكم ..
تصدقين ياكنافه موضوعك قلب علي المواجع
لدرجة فكرت اكتب مشكلتي
لان عندي نفس القصه

لكن لما استرسلت بالقراءه لقيت ان كل الاخوه هنا والاخوات اعطوك حلول
وحلول جداً مناسبه لوضعك لكن انتي مو سائله
او يمكن لانك متضايقه حابه تفضفضين وبس

زوجك باختصار
مثل الطفل مو كانو يعلمونا قبل عاملي زوجك كالطفل
طيب عندك طفل وكل شوي يضغطك و (( يجادلك )) ويقولك مثلاً كرهتك
وهالطفل ابنك !!
هل بتصدقين انه يكرهك ؟؟
هل اذا قالك انا اذا كبرت ياماما وشريت سياره ماراح اوديك معي
بتكرهينه وتدعين عليه ؟؟
اكيد بتقولين حبيبي يبي يقهرني مثل ماهو انقهر مني
اعرفه مايستغنى عني ( حتى بو مجرد وجبات رمضان !! )
دورك مهم بحياته بس الشبطان بيقولك يحتاجك مثل حاجته للشغاله مو بقايلك يحبك ومايستغنس عنك

يابنت الحلال
اول حل لمشكلتك (( لا تجادلين ))
واذا سألك ردي عليه
ترا نعمه زوجك يسألك عن حالك وعلى قولة وحده هنا كان يكفيه يقول مليت من كآبتك ونكدك

جدالك يخليه يحاول يدافع عن نفسه ويجيب اشيا غبيه

خلي شعارك ... لاجدال

لاااااااجدال
لان انا وانت بتدخلكم بمتاهات وتزيد الجروح سكري باب الجدل العقيم

جالك يبي علاقه حياه الله
هذي باب اجر يابنت الحلال خير وجايلك من الله تسدينه ؟؟
اقصد الاجر طبعاً ولا ليتك تحسسينه انك تحبينه وقتها .
باختصار لاتقولين مايلمس مني شعره .. تبينه يرضى وماتبينه يلمسك ؟؟ كيف تجي

يلين هو تصدين انتي ؟؟

ثالثا.
كلام اختي روح الطير

ليه ماتقدمين حسن الظن ؟؟
نصيحه لله

لاتفسرين كلامه ابد ابد باتفسرينه
هذا انتي شغاله تفسير وبقى شوي وتجيك الجلطه من تفسيراتك اسم الله عليكي وبعيد الشر عنك يارب ..

خذي الكلام بظاهره
ركزي عالجوانب الطيبه فيه
هو بزر خلاص فهمنا
بس اكيد عنده مزايا

ان شا الله ميزه وحده ركزي عليها وبتكبر باذن الله

بكرا ان شا الله بيجي رمضان اعبدي الله صدقاً
مو علشان زعلانه عليه بتقولين اعبد ربي ولا علي منه

بطلي دعاوي عليه ملجابتلك الا زيادة حقد عليه
يمكن هو حقود بتصيرين مثله ؟؟
كوني صدقه باعتذارك بحسن خلقك
بينك وبين نفسك لاتدعين عليه ترا هالدعاوي تزيد الضغينه بينكم
وانتو بينكم عشرة عمره والمشاعر تفضح نفسها بالنظرات والافعال حتى لو ماتكلمتي

اعبدي الله صدقاً في صيامك وحسن تبعلك للزوج
مو تصيرين شغاله
مثب بعض الحريم تنظف وتطبخ والباقي ترا هذا مو بسنع
ولا الجفا الكامل لانها رساله واضحه انك كارهته
وبيجيكي بعدها ينكد عليكي

كوني اميره في بيتك راقيه بتعاملك مع زوجك وكلها حطيها تحت بند احتساب الاجر
ولا بيضيع عملك هباءً منثورا


واسمعي كلام الرجال هنا
طبقي ماقالوه

وعذراً اذا طولت عليك لكن مثل ماقلتلك الحال من بعضه

والحمدلله اموري ماشيه
وعلى فكره زوجك الله يجزاه خير يسألك اشفيك اذا متضايقه
اللي عندي ابد ماحولك احد

اقول تحمدي ربك يابنت الناس

عذراً عالغلطات الاملائيه
بس يارب يكون مفهوم الكلام

رأيي ان تصارحي زوجك بهدوء. كيف انك حسّيت بالندم و هو غبنك و صدك
و انك كذلك تنجرحي منه و انت بشر. و لنتصالح قبل رمضان و لتكن نفوسنا طيبة
قولي له احتاج من الكلمة الطيبة و ضيوفك على راسي

انت بشر. و احيانا تصدر منا ردات فعل بسيطة لا إرادية من أمور تزعجنا
لا نقصد به أذية الطرف الاخر. أكرر بسيطة
لذا لننصح الأخت كنافة نصائح بشرية لا ملائكية نحن لا نستطيع تطبيقها
لا تزعلي لا تجادلي لا تمتنعي. تحكمي بمشاعرك تماما
نعم المحاولة جيد. لكن لا لوم في الهفوات البشرية
ترى البعض عذره لما كسر الصحن. اذن لنكن واقعيين

جلسة مصارحة. توضيح أنكما تحتاجان ان تتغافلا عن هفوات بعضكمها الصغيرة
تصفى نفوسكما. انت تعتبريه رجل البيت و ان فهم بعض كلامك تسلط او محاسبة فليصارحك و ليفهم انك لا تقصدي ذلك

__________________

والله انا كملت الدراما حقتي
اللي جت غصبا عني
هو اذا شافني منكسره واتبكبك ينقلب حاله
جاء قال لي امشي السوق نشتري الشنطه

(قبل اسبوع كنت مصوره شنطه بسناب
وكاتبه جنبها: خاطري فيها)

انا هنا بكيت وقلت ما ابي الشنطه
قال اجل وش تبين؟!!!
قلت ابي اعيش بدون نكد
جلس يبربر على راسي
وانا اهز راسي كني شغاله هنديه
بالاخير قال خلاص انا كل اللي عندي قلته
وانتي ابشري بسعدك
بس لو تكرر تصرفك ياويلك
وقال فكيها عاد بكرا رمضان
قلت له كل عام وانت بخير
وكتبت له لسته المقاضي وراح يجيبها



خلاص انا بحسن الظن مثل ما وعدتوني
جزاكم الله خير جميعا