يمكن حبها فعلا و تعلق بها و تزوجها بالحلال ..
بما انه كلم أمك من السنة الماضية ، يعني متعلق فيها ..

و برأيي اتركوه هو و حياته حر فيها ..

هو ماحبها الا بعد الشوفه الشرعيه
كلمني
يقول صح انا غلطت بسرعة زواجي ودورت الحل الاسهل ولا فكرت بعواقب الامور
بس مااقدر اروح اللحين واطلق البنت بهالسرعه وانا ماشفت منها شي انا مو لئيم ..
يقول انا حبيتها بعد الزواج والشوفه الشرعيه
سألته عن ظروفها اللي حدتها تتزوج بالسر
طلع ماعندها ظروف
عيالها مع ابوهم وهي تدرس بالجامعه
ومستواهم المادي طيب
بس يقول تعشموا فيني خير...
قلت له هذي حياتك انت قرر وش تبي.
قال تتخلين عني...
قلت له مو تخلي مااقدر اقرر بالنيابه عنك
مااقولك طلقها ولا اقدر اقولك استمر معها انت حدد
تبغى تستمر بزواجك خلاص نخبر اهلي
ونسوي حفله لك
قال لا
تبغى تطلقها طلق بدون ماتلعب بالبنت وتلعب بمشاعرها وبعد ماتشبع منها تطلقها ..
قال بجلس كم شهر واشوف
قلت اذا بتجلس حط ببالك ان موضوع زي الزواج مستحيل يتخبى
فكر بكل الاحتمالات وفكر كيف تواجهها
قال انا بتزوج وحده ثانيه عشان ارضي امي
واغطي ع موضوع زواجي هذا وبكذا مااحد يقول بزواجي الاول شي
قلت له لاتصلح الخطأ بخطأ اكبر
وتلعب ع بنات الناس يكفي اللي عندك..

__________________
(سيدة الموقف)
لم ننساك ونسأل الله ان تكوني أنتي وأولادك بخير

قلت له وش رأيك نكلم اخونا الشيخ نستعين فيه هو يخاف الله وبأذن لله ماراح يضرك او يضرها وممكن يعطيك حل ويساعدك
رفض وقال لا مو الان قلت له خلاص براحتك...

__________________
(سيدة الموقف)
لم ننساك ونسأل الله ان تكوني أنتي وأولادك بخير

قال ايضا انا امي وابوي فوق اي اعتبار
اذا قالوا لي طلقها بطلقها
قلت له طيب وش رايك نعلمهم ممكن يكون لهم رأي غير ماتدري قال لا
قلت اجل ياخوي اللي يريحك سويه ووقت ماتحتاجني انا موجوده
بس قبل ماتسوي شي
مو تتسرع بشي وتسويه بدون تفكير وبعدين تستنجد فيني وقتها ماراح اسمع لك ابدا ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

الله يفرج همك ويصلح حالك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

سبحان الله .. أخو زوجي عمل نفس الحركة.

أمي ـ أم زوجي ـ قالت له: تزوج .. وإذا تحب إحنا بندوّر لك .. لكنه كان يماطل ويقول: مب الحين .. مع إن عمره تقريباً 35.

وحليلها صار لها أكثر عن سنة ونص أو سنتين وهي تحلم بيوم عرسه وتخطط شوي بتسوي له فيه.

ومن كم شهر اعترف إنه متزوج من حوالي سنة .. مطلقة من جنسية عربية .. وأيضاً عندها عيال .. وما راح أتكلم عن بنت الناس الله يستر عليها .. في النهاية الله أعلم هل هي صادقة والا لا .. وهل أخو زوجي صادق في الكلام اللي قاله عشان يبرر زواجه منها أو لا.

وقال نفس كلام أخوج .. باتزوج مواطنة واسوي العرس اللي أمي تتمناه!! .. ما أدري يختي كأن الناس على كيفهم!!


أمي سلّمت أمرها لله .. وحتى ما عاتبته كثير .. لكنها لين الحين مب راضية عن زواجه .. ورافضة تماماً إنها تتعرف عليها أو تسمح إنها تزورها أو تدخل البيت.



حاسة بالمشاعر اللي ممكن يحسون فيها أمج وأبوج يا أم نونا .. لأني شفت أمي كيف كانت شفقانة على يوم زواج أخو زوجي وشكثر كانت تحلم وتخطط له.

لكن تبين الصدق .. ما بيصير فيهم شي إن شاء الله .. فحتى لو كان تصرف أخوج يكسر القلب لكنه في النهاية ما ارتكب إثم ولا كبيرة .. عشان تتوقعين يصير فيهم شي ـ لا سمح الله ـ لما يعرفون.


أما أخوج .. فما عليه .. لو أمكم وأبوكم فوق أي اعتبار ما كان تزوج بالسر من الأساس!

__________________


اللهم طِيبَ الأثر .. وحُسْنَ الرحيل.

يا عزيزتي دايما حيل المراة على امراة مثلها
وتتعاطف مع الرجل المسكين المضحوك عليه
اللي باقي ما عرف كيد النساء!!

اين كلامكم المراة عاطفيه والرجل عقلاني؟!
مو على اساس المراة ينضحك عليها والرجل يحكم عقله؟!
هي يمكن راحت ورى عواطفها وصدقته باعلان الزواج فيما بعد
لكن هو وين العقل اللي تدندنون فيه انه ملك الرجل؟!!

25 سنه صغير؟!وينضحك عليه؟!
ايش دراكم يمكن هي عمرها 20 والا 22؟؟!!
ماثث بيت وعاقد من سنه وصغير ما يعرف لكيد النساء؟!

ليش ما يكون هو اللي ضاحك عليها؟
ومعشمها باعلان الزواج وهي اصرت يعلن
لكن بذكاء الرجل وحيله اقنعها ان الاعلان في الوقت الفلاني
وهي بعاطفتها ورغبتها برجل يحتويها صدقته وتنازلت؟!

ما اقساكم على بنت جنسكم العاطفيه الضعيفه
المحتاجه المضطره لكونها مطلقه وام ابناء
وما انعمكم وارحمكم برجل لن يخسر شيء
و سوف يطلق بمجرد ان تامره الماما ان يطلق!!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

لا اطمني دامها من اختياره ما بيمل منها ولا بيطلقها
وبصراحه واضح انه يحبها وخذها عن قناعه
لكن من خوفه من ردت فعل اهله ومجتمعه جننتوه
ويمكن ردت فعلك انتي زادت الطين بله

بصراحه اشوفك مكبره الموضوع مره
تراه متزوجها!
اللي يشوف ردت فعلك يقول انه جاك يقول زنيت والحرمه حامل!!!!
تراه قالك تزوجت يا اختي تزوجت مو زنيت

كثر خيره غيره يظف وحده بالحرام ومن شقه لشقه
اخوك رجال ودخل البيت من بابه
ليش تحدونه على الحرام؟!
لو طلقها وهو يحبها ما بيتهنى مع اللي بتختارها امك ولا بيهنيها
لذلك اتركوه بحاله وخلوه يقرر حياته
ترى نظرت المجتمع وردت فعلك انتي هي اللي خلته يتخبط
ولا لو عليه هو مقتنع فيها ولا ليش سبق وكلم امك عنها
ولما رفضت راح وتزوجها بنفسها ويمكن هذا من اسباب كون الزواج بالسر
فهذا دليل انه يبيها ومقتنع فيها

وامك علموها بهدوء واشرحولها ان كثير يسوون كذا والله المستعان
لكن بالنهايه راحته بزواجه اهم من راحت امك
لانه هو اللي بيعاشرها مو امك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

هو على العموم قدامه اربع حلول
1- اما يعترف لامه وابوه ويتحمل النتائح
2- او يعترف لها بعدم مقدرته بالمخاطره باخبار امه وابوه وانه يبي يستمر على السر لين الله يفرجها . وهالحل مشكلته انه ب يشوه سمعته لو انكشف بذات عند الجماعه والسمعه مصيبتها بتاثر على اولاده لو جاه اولاد
3- او يطلق المسكينه ويبدا بدايه جديده
4- واخر حل من عندي . انه يتفاهم وياها على انه يطلقها ويرجع يتزوجها بالطريقه الصحيحه
وانا اشوف الحل الاول او الاخير انسب شي
انتي لازم تفهميه انه لو طلب خطبتها واصر عليها كان بتوافقو عليها وان الي سواه ماله داعي

القضية مو مين غلطان بالوقت الحالي

لان كل الاطراف غلطانة

اللي تزوج بالسر وخطب من ورا اهله غلطان لا وناوي يصلح غلطه بطرف زيادة ضحية يخبي عنه زواجه الاول على اساس الاولى بترضى وبيتخبى موضوعها للابد والدنيا سهالات والطلاق عنده شربة موية ويحسب الزواج والميثاق الغليظ تحصيل حاصل!

زيادة على كذا على كلامها هو يادوب شايل نفسه ونص مصرفه على اهله ولو هو تعبان على بيته مافرط فيه!

واللي راضية بزواج بهذي الطريقة برضو على غلط ومش هينة يعني وعارفة كويس انه وضع مؤقت! ولو حبها وقت الشوفة فهو ماحاول اصلا مع اهله ولاكان في شي واحد يحده يروح يشوفها لحاله.. ماغير عرض وكلام ولا اصر عليهم بالاساس!

الدنيا مو عواطف.. العواطف ماتبني بيت! ولو طلق على كلامه خل العواطف والعشق والهيام تنفعها لو ندخل من هالباب

ومن نظرة عامة لو الوضع طبيعي وهالشي منتشر فالمجتمع ماراح يكون سوي.. خشخشة ودسدسة وكذب

نجي لاهله غلطانين بالمماطلة والتاجيل لكن مايبرر الفعل بالمرة.. كثير اهل يماطلون وياخرون بس عيالهم ماتجاوزوا وتزوجوا

كله من جهة ام نونا مش مهم.. عقولهم بروسهم يعرفون خلاصهم..

هم سووه بدون اي اعتبار لاحد

اللي فيها مكفيها.. مشكلتهم يحلونها بس اهم شي الوالدين توصلهم المعلومة بطريقة كويسة عشان صحتهم والولد يشيل مسؤوليته بنفسه عشان يعرف قيمة الاشياء وينصحونه ويعقلونه

لان في ناس بتتضرر مو تصرف انسان غير ناضج بيضر نفسه وبس!

هذي الاولوية والامور اللي عليهم

__________________

اختلافي عنك لا يعني اختلافي معك