بعدين لاتنسا احنا اخوانك وخواتك بالغربه وسع صدرك اخوى وكلها مؤقته وترجع الله يوفقك واعتبرة ابتلاء وتمحيص وانت قدها

__________________
اللهم اغفرلى ولوالدى ولاهلى ولزوجى والمسلمين والمسلمات الاحياء منهم والاموات

قول لامك ماتستقبل البنت وتقلهم انها تعبانه وماتتحملها وتفهما بعد ان البنت تبكي تبغى امها وماتخليها تنام...

البنت لازم تجلس مع امها عشان تحس بمسؤليتها وعشان البنت ماتتعب نفسيا

ودام امها موجوده امك مو بملزومه بها خلها ترسل البنت عليها واذا دقت قالت تعالوا خدوها خلي امك ترفض بحجة ان البنت تبكي وقت النوم فاقدتكم

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

السلام عليكم .. أخي الفاضل ..

سجلت في المنتدى بخصوص مشكلتك !!
واتمنى إني أفيدك ..

عن تجربة شخصية ..
زوجتك تتوحم فيك والله اعلم .. !
لي من تزوجت 9 شهور وحملت بعدها بثلاث شهور
توحمت بزوجي وكرهته كره شديد لدرجة إني طلبت منه الطلاق !!
وإذا جات الوالده او الوالد يتكلمون معي في موضوعه اكره اكثر وأجيب اني لا أريده
وإذا أحتد النقاش بيني وبينهم ابكي وادعي عليه بالموت !!!
لأن هو سبب ضيقتي
كان وحامي شديد لدرجه إن الوالده شكت إن فيني عين او سحر
وذهبت اكثر من ثلاث مرات لشيخ يقرا علي ,
أذكر كنت اكرهه بشكل كبير ذاك الوقت حتى لو اتذكره واتذكر شكله يزيد كرهي !!
واذكر بعد اني كنت اطلع كل مساوئه عند امي وابوي بس عشان يكونون بصفي ويجعلونه يطلقني ,
بس كانت امي عارفه إنه وحام وقالت انا ماراح اخذ بكلامك الحين
وانتِ الحين ماينشره عليك
اذكر حتى كنت ارد عليها واقولها ليش انا مجنونة !!!
وفهموا زوجي إني اتوحم وانه يصبر علي
كان وحامي شديد لدرجه إني ما اكلمه وكل ما أرسل لي ساله اكرهه اكثر ( مع إن الرسالة اما ان تكون غزليه او شوق او فقد )
مع نهاية الشهر الثالث كنت ارضى اطلع معه في مطعم او اي مكان بس يكون غير الشقه بس مو دايما ع حسب وحامي
لأن بعض الأيام يخف
ومع الشهر الرابع خف اكثر بكثير وكنت اخليه يجي بيتنا ويزورني واحيانا اروح الشقه بس ما اطول
ويوم دخلت الخامس الحمدلله خف وحامي ورجعت الشقه معه بس فيني بعض الحساسية يعني ماشتهي ريحته بس اني ما أكرهه
والحين انا بداية الشهر السادس وهو في مكة والله يرجعه بالسلامه وحيييل فاقدته

كنت ابي اقول
اصبر ع زوجتك لما يخف الوحام الحين تكرهك بس بعدين بتحبك وبتعرف إنك تحبها وصبرك عليها اثبت لها
هي ماتسوي هالشي إلا لأنها كارهتك بس والله بعدين بتندم
انا الحين احس بندم لأني دعيت عليه وطلعت شي من مساوئه

والله يجمع مابينكم يارب

واتمنى إني افدتك ,
ودعواتك لي ولزوجي وللبيبي إلي في بطني
والله يوفقك ويسعدك دنيا وآخره والمسلمين اجمعين .

اللهم آمين
بارك الله فيك

اشكرك على النصائح مارح اغفل عن كل نقطه ذكرتيها وزي ماقلتي البعد افضل خصوصا بعد ما اتصلت على امها اليوم

الله يرضى عليك اختي ويبارك فيك

والله تعبت احاول في امي امي اصلا ماصدقت انها ما تبيها
تحب بنتي وتفرح انها تجلس عندها
حاولت مع الوالده قلت قولي انا مالي شغل البنت بنتك انتي وهو وهو مسافر وهي بنتك مو بنتي
بس الوالده الله يطول بعمرها تقول اذا هي تبي بنتها انا ما اردها لكن اذا ما تبيها انا ابي البنت
بس عمي حسم الموقف وخلا البنت عندها وطنش اتصالاتها وقال لاخواني لا احد يروح ياخذ البنت

الله يجزاك خير

الاخت دارين حياك الله بيننا وانضمامك لاسرتنا
والله يكثر من امثالك
كلامك صحيح بس المشكله زوجتي وصلت السابع يعني وينها ووين الوحام
ماضنيت انه وحام خصوصا بعد اتصالي لامها اليوم
الله يبارك فيك ويخليكم لبعض انتي وزوجك والطفل ويرزقم الصحه والعافيه
تحياتي

بعد ردودكم لي قررت اني ادق على امها واسل عن زوجتي
اتصلت عليها وبعد السؤال عنها بدأت اسال عن زوجتي وتقولي تعبانه وتنومت في المستشفى ومادري شنو وهي قبل امس سامره هي وزوجتي عند وحده من عماتي وضحك ووناسه وفله ( ام زوجتي هذي حالها عجيب تاليف عيني عينك )
وانا طول المكالمه احول اللطف الجو وادعي لزوجتي انها تقوم بالسلامه وما تشوف شر ومن هالدعاء و سألت عن بنتي قالت لي البنت تعبانه لانها محرومه من امها واول ما شافت امها مرضت من الفرحه ( ياحبيبي) الحين تطرد البنت وتقول من الحرمان ( قلت هي اللي كل شوي تتصل على عماني وعلى اخواني انهم يجون ياخذون البنت) <<<<شوفوا كيف مخارجها تصلح تكون مهندسه كباري وطرق
قالت ذاك عشان كانت بتتنوم في المستشفى ( شكلها تستهبل تحسب ان اخبارها واخبار زوجتي ما تجيني اول باول) وبعدين وش عرفها انها بتتنوم وليه ماخلتها عند اخواتها اذا بتتنوم (حسبي الله ونعم الوكيل)
شكلهم يحظرون لفلم اني حارمها البنت وعلد شوف وش الفلم الجاي لها الدرجه في ناس تصطنع احداث وهم عارفين انهم على غلط (حسبي الله ونعم الوكيل)

في نفسي قلت لا تدقق يعني شو بيصير.. انت بعيد يعني خلها ( تصرف علي من الرخيص) يعني تالف
المهم بعد ما انهيت الاتصال خلصت كم شغلة ورجعت الشقه
فتحت المسن كالعاده وكلام اختي سيدة الموقف يدور في راسي اذا فتحت المسن
قلت امري لله بمشي مع سيدة الموقف واجرب والاخوان والاخوات بس الصدمه اللي ما توقعتها
دخلت المسن في حاله دون ظهور وغيرت الكلام ( التوبك )الاول اللي قلت لكم انه كان بمثابه رساله لي وكتبت( والله بعض الناس زي الجدار مايفهم ) وغيرت الصورة ودخلت متاح
حسيت انه خلاص ذي النهايه وبس باصبر لين ارجع بعد شهرين واتمم اللي في راسي
لو انها متوحمه قلنا اوكي بس ذي عدة الوحام ( الشهر السابع ) والله اعلم
والواحد الزم ماعليه كرامته اذا فرط فيها فرط في كل شي
لا تحرموني من نصايحكم
بارك الله فيكم

أخوي دراما ..

بأسألك كم سؤال معليه و مو لازم تجاوبنا ..

هل تشتم أم زوجتك أمام زوجتك كل شوي ؟؟؟
لإنك لو عملت كذا مرة وحدة ، فما ألوم زوجتك ..

هل تتعالى على زوجتك و فيك شي من بعض الغرور ؟
شعرت بكذا من طريقتك بالكلام ..

أحس لو رجعتوا لبعض ، بترجع مشاكلكم مع بعض ..