بناتي غيروني ريحتي قلبي بكلامك الله يريحك دنيا و آخرة يارب , موفقه .

مو قصدي انه ينساهم .. يعني تقل روحاته معهم ..

طيب ..

لييييش خارج المملكة .. ليش مو بالداخل .. يعني اذا تبي جو حلو رح للجنوب .. حلوة مرة ..

يعني ليش تضيق صدر زوجتك عشان أصدقائك ..

وأصحابك كم لهم متزوجين ؟؟ يعني تفرق بين اللي له سنتين متزوج واللي له 10 سنوات .. يعني مهما كان الحرمة ما تبغى تترك بيتها لمدة اسبوعين ..

يعني لو انتم لكم فترة طويلة متزوجين اكيد راح تقعد ببيتها مع أولادها أحسن لها ..

بعدين لا تقارن نفسك بأصحابك .. ترا المقارنه دماااار الحياة الزوجية ..

اجل هي لو قالت شف فلانة وفلانة من تزوجوا زوجها ما تركها ولا سافر مع اصحابه ابدا .. الا فترة يوم يومين بالكثير ..

..

ما شا الله عليك .. باين انك فاهم وتتقبل النقد بصدر رحب ..

الله يديم عليكم السعادة والتوفيق يارب ..

__________________

حياك الله زهرة اللافندر .

وش الفرق بين السفر داخل المملكة و خارجه من وجهة نظري أطلع برى أريح و أفضل مليون مرة من السياحة الداخلية بالله عليك و ش فيها الجنوب عشان الواحد يروح لمها غير الجو .

على العموم جزاك الله خير وبيض الله و جهك .

ملاحظه:
الرجال يقولون اذا خليت زوجتك تمنع سفرك هذي المره وطاوعتها أنسى السفر مع الربع مره ثانيه

المرأه تخشى أن طاوعت زوجها على السفر مع ربعه هذي المره يفلها ويدمن على السفر مع ربعه ومن دون مايشاورها

لذلك من وجه نظري لا تمنع المرأه زوجها من السفر مع ربعه لكن بضوابط يتفق عليها الزوجين من خلال نقاش هادى بناء:

1) السفر يكون خلال مده معينه يتفق عليها الزوجان
2) الثقه تكون أساس وإذا حصل ما يهز الثقه لزوجه حق المعارضه بإقرار الزوج
3) تخصيص سفره لزوجه
4) السماح لزوجه بالسفر مع أهلها إذا رغبت وذلك بموافقه الزوج
تنبيه:
غيرت المرأه دليل على صدق حبها....وليست حب تملك وهبال كما ينعتها البعض
بالمختصر المفيد حسس زوجتك بحريتها وبأن لها مكانه خاصه ورأيها له أهميه حتى تعطيك الحريه وتعزز مكانتك في نفسها

تمنياتي لك ولزوجك بالتوفيق والواضح من كلامك حبك وإهتمامك بزوجتك وأن زوجتك أنسانه عاقله..... الله يديم المحبه بينكم[/SIZE][/COLOR][/COLOR]

__________________
من لديها مشكله مع الأنترنت تشاركني ..وياليت الأزواج يشاركونا بإقراحاتهم
http://www.66n.com/forums/showthread.php?t=207364

حياك الله دفيني بحنانك .

مدة سفري ما تتجاوز الأسبوعان أو أقل , الحمد لله الثقه موجوده بينا و كل سنه أطلع أنا و ياها برى السعودية غير السفرات داخل السعودية .
أخت دفيني بحنانك بالنسبة لروحاتها و جياتها معطيها الضوء الأخضر .

على العموم جزاك الله خير و بيض الله و جهك .

الله ييسر أمرك أخوي دام التفاهم أساس حياتكم أن شاء الله ما راح تشوف حياتكم الإ السعاده بأذن الله

__________________
من لديها مشكله مع الأنترنت تشاركني ..وياليت الأزواج يشاركونا بإقراحاتهم
http://www.66n.com/forums/showthread.php?t=207364

دفيني بحنانك الله يسعدك دنيا و آخرة يارب .

صدقني ما فيه أحلا من السفر مع زوجتك ... اريح لك وأفضل لك وأضمن لك ويضفي على حياتكم مزيد من الارتياح والثقة وفي السفر ستكون بينكم ذكريات حلوه تستمر معكم ما حييتم , وصدقني بعدين حتى لو قلت لها تعالي بنسافر ماراح توافق لأن مسئولياتها بتزيد ... اما مايخص ان الواحد لازم يفك عن نفسه شوي ... ليه هي خانقتك ؟ والا بتهوي عنها ؟ هذا وانت تقول ان حياتكم فيها حب وتفاهم وارتياح ... صدقني اخي الفاضل رأيها صح 100% خلاص حياة العزوبية انتهت والسفرات مع العزابيه خلاص انت طلعت منها ماعاد لك فيها ... وبعدين يا اخي احمد ربك ان زوجتك تروح معاك ولا هي من النوع ثقيل الطينة ... يا اخي زوجتي فقعت مرارة ابو جد جدي عشان نروح أنا وياها لحالنا لجده من بداية زواجي للآن كل ماقلت بنروح وبنحط الاولاد عند اهلي والا اهلك ... قالت انت اناني انت ماتحب الا نفسك ... وانا السفره ماقامت عندي ولا قعدت اهم شي وناستهم هم ... والان ابحث عن زوجه ... اهم شي فيها ماتكون معقده وابيها بكل سفره على يميني ... وربي احسن لك اجتماعياً ودينياً ودنيوياً انك تسافر مع زوجتك ... بلا سفرات عزاب ... عارفينا وياما شفنا وش يصير فيها ... ولا تقولي محافظ وماني عارف ايش ... شفنا ناس اعوذ بالله من حالهم من زود التقى والورع مقصر البنطلون وهو ( على البسـ .. ) ولا أعمم في هذا الأمر ... لكن صدقني ضحكة تضحكونها هناك وذكرى تصنعونها لمستقبل أيامكم تسوى 13 عزوبي
والا ... على قولتهم ... صل فرضك واقضب ارضك ... وش فيها ربوع بلادي

ما الومهااااااااااااا


تعرف ليش


بسبب الفساد الفضيع اللي منتشر بالدول برا .. وهي خايفه عليك

لا احد يجيني ويقول اللي يبي الفساد يبلقاه هنا .. على عيني وراسي

لكن مو مثل برا ... وخاصه بعض الدول العربيه اعوذبالله بس من يشوفون الخليجي ما تتركه بحاله لو ايش ما يصير

وانا ما قلت هالكلام عبث .. انا دائمة السفر للخارج مع اهلي وزوجي

وواله اني اشوف العجب العجاب والمناظر اللي يدمي لها القلب

واذا تقولون ثقه وما ثقه

يا اعزائي الحرام بين والحلال بين ... السفر للخارج اقل صفه فيه انه كله اختلاط باختلاط

ومن متى الختلاط يجيب الخير للناس .. خاصه انهم رجال لوحدهم وتعالوا شوفوا وش بيصير لا صاروا سوا




الله يعين بس


اخوي لمصلحتك قبل خاطر زوجتك .. لا تروح

خلاص انسى كل ماضي مرتبط بالعزوبيه

اخويك لاحق عليهم استراحات مقاهي مطاعم اللي تبون

وفلوسك ووفرها وسافر فيها انت وزوجتك لاحلى سفره لاوروبا ولا شرق اسيا

اقسم بالله تنسى اخوياك وسنينهم

__________________


ارجوكم لكل من قراء كلماتي ...ادعوا لي انا وزوجي بالتوفيق والسعاده

وان يهدي زوجي ويرزقني بالذريه الصالحه ...اللهم اميين

حياك الله حياتي أليمه .

أقولك كل سنه أسافر أنا و ياها برى السعودية غير السفرات داخل السعودية و دول الخليج و تقولين سافر أنت و ياها .

ما ألومك دام أسمك حياتي أليمه الله يرحم حالك و يوفق يارب .