السلام عليكم

المعذرة من الجميع لان تاخرت

بس من اسبوع تقريبا

اتصل على وتكلمنا بهدوء وضلينا نتكلم تقريبا ثلاث ساعات

ولا قلت له ان امك هي اللي مأثره عليك حتى ما يعصب على ويغلق الموضوع

وسالته وقلته خبرني بصراحه : ليش غيرت رايك بعد ماكنا تقريبا متفقين على عدم الختان لها

جلس يلف ويدور ولا عطاني رد صريح كذا

لكن قال: اني انا عانتده عشان كذا هو اصر وما ترك مجال للحوار

وبعد قال ان في حالات يكون فيها الختان ضروري للبنت وضرب امثله وكذا

قلت نسأل طبيبه ......... قد يسولف وكنه مو موافق ..

تكون ثقة ومسلمة والحمد لله في وحده من جماعتنا طبيبة وممتازة وامانته جيده وموثوقة فيها جدا ..


وماطولنا نسولف في الموضوع حتى مايحس من ناحيتي في شي غير طبيعي او يكبر الموضوع بينا ويقفل مخه ..

بس لا قنعته ولا اقنعني ,,,ولا رايد يعترف ان امه هي السبب

وقال انه هو صاحب القرار والموضوع راجع له

والنتيجه المترتبه راح تقع عليه كامله ...

لانه بنته وتحمل اسمه ...

ولو حصل اي شي بيننا _ لاسمح الله _ راح ترجع البنت لمين ؟؟؟؟؟ لابوها طبعاً...


بالله قول لي : كيف اقنعه انها بنتي انا بعد واني تعتبت وتحملت العنا وذقت المرو الويل حتى حضنتها بين يديني .........
لاني لو وقع علي اللوم راح اقول هو صاحب القرار وانا ما قدرت عليه بحيله وارمي الموضوع عليه _ هذا على حد تعبيره _

لكن هو وش يقول لازم يكون القرار له حتى ما يقع عليه اللوم بحكم انه صاحب البيت واللي يصدر قرارته ...


الله يقدم اللي فيه الخير

الموضوع يزيد تعقيده والبنت تكبر وهذا مو في صالحها ,,,,,,,,

.. عزيزتي .. استمري مع في الحديث بهدوء , ألين يلين , ويغير رأيه ,, ( الله يعينك ) ..

.. وأود ألفت أنتباهك , أنه الختان يكون بعمر أكبر من عمر بنتك .. يكون تقريبا بعمر ست سنوات وأكبر , لأنه حاليا بنت أعضائها صغيره وغير مكتمله النمو ..

.. لذلك الختان ألحين وبهذا العمر بيكون خطير جدا على صحه بنتك ..

.. واذا حبكت مررررررررررررررره , اتفقي مع حرمه ( الا تقوم بالختان ) ,, أو طبيبه ( يعني الشخص الا راح يعمل للبنت ختان ) ..

أتفقي معاها انك راح تجيبي بنتك للختان , بس ما تقوم بختانها ( فقط ظاهريا ) .. يعني تحط على البنت الدواء وكل شيء , وتتركها تبكي وتصيح .. وتلفها بسرعه , وتقول لا تغيرون لها الحفاظ الحين .. وهي لم تختنها فعليا , بس علشان زوجك , يظن ان البنت تختنت .. وبعدين , خذي البنت ليها مع زوجك .. علشان يطمن .. وخلي الحرمه تعمل نفسها انها ختنت البنت , وتحط عليها الدواء الا لونه احمر خخخ ( ماعرف اسم الدواء ) .. وبكذا ظاهريا البنت تختنت .. وفعليا ما تختنت ..

.. مو قصدي تخدعين زوجك .. بس مررررررررررررررررررررررررررررررره مقهوووووره من زوجك , وأفكاره !!!!!!!!!!!

.. احنا بطلنا هالعاده من زماااااااااااااااااااااااااااااااااااااااااااااااا ااااااااااااااان انا والا بسني ما تختنا وهذه طفله وبعصر التكلونوجيا تتختن !!!! قهر قهر قهر قهر ..

بقول لك قصه .. ما صارت لي بس هذه قصه حكتها لي حرمه من ( عُمان ) .. تقول ان بنتها وبنت حماها , تختنوا بيوم واحد .. وان بنتها عدت من سالفة الختان بخير وما حصل لها مشاكل , لكن بنت حماها , ( يا كافي الشر ) .. نزفت مررررررررررررررررررررره ..
وظلت البنت تنزف بشكل مو طبيعي .. اضطروا ياخذوا البنت للمستشفى , وعملوا لها ( جراحه = خياطه للجرح ) .. يعني فوق مأساة الختان خياط وهي طفله عمرها 4 سنوات ؟؟ يعني هذه البنت راح تكون حياتها الزوجيه ( مأساة ) .. الله يسامح امها ..

.. هذه بنت وانتي بكيفك .. تبين تختنيها او لا هذا شيء راجع لك ..والبنت سواء مختنه او غير مختنه , اذا تربت تربيه زينه , وعندها وازع ديني قوي , أبدا ما تفكر تسوي الغلط ..

.. الله يحفظها لك من كل شر , وتكبر وتشوفيها عروسه قموره منوره الكوشه ..

ارسل لكم ارق التحايا القلبيه والشكر

بس اتفق مع الدكتورة مقابل ايش يعني ......

بعدين اعتقد ان ابوها بيشيل البنت ويوديها عند اللي يختنها

او يجيبه البيت ....انا ما راح يكون لي حضور ابد

بعدين موعد الرجعه للبيت قرب

وانا احس اني كارهــــه الرجعة من خوفي على بنتي ....

والله لا هو من الدين ولا السنه

لاتختنينها !!! يضيع مستقبلها عشان معتقدات باليه !!!

__________________
اللهم احفظ لي زوجي وسخره لي واحفظ لي اولادي

اشكرك يا عزيزتي على مشاركتك

بس احب اوضح لك انه فيه حكم في الدين

بس في اختلاف بين المذاهب بين كونه واجب او سنه او مكروه ...


انا ما ودي اختن لها اكيد

بس هو ورقته رابحه والسلطة في يده


واهله وراه وراه لين يختن لها ..

انا مختونة صرااحة وماياثر ولاشي هي عادات كانت في بلدنا والى الان

اما بناتي ماختنتهم صراحة الاني ماكنت مقتنعة بيه

بس اخواتي ختنو لبناتهم بس نحن ختاننا بسيط جدا ( ختان حضرمي ) ماياخذو من البنت شي كثير

ويوم وتتشافى بعد ان تبول (اكرمكم الله )

اذا كان ولا بد خليه يختنها في عيادة لانها اضمن وتوجد بعض العيادات بعمل هذه العمليه

والله يحفظها لك ويخليها وتشوفيها عروسة

__________________

ايه في حريم مختنات وعايشين ولا عليهم خلاف

لكن اكيد مو مثل اللي مو مختنات ......

وخصوصا اذا كانت وحده مختلفه عن مثيلاتها _بنات خالتها وعماتها _

كيد اتحس بفرق ... وما اعرف من هنا لذاك ليوم ايش بيصير

امين ولك بالمثل تسلمي ع مرورك وتجاوبك .....

حببتي
وش صار قلبي معك؟؟؟

امانه

اكثري الاستغفااااااااااااااااااار

والدعاااااااااااء
ارجوك استغفري
لاجل الله يهدي زوجك وينسئ هالشيء .

لا جديد

انا بعدني في بيت هلي بسبب مشاكل من نوع اخر

وبااقي اذا رجعنا اكيد انه مصمم على رايــه


وامه بعد تبي هالشي وتزن عليه ...وتذكره كل يوم ..

ـولا يهمــــــــك ... اكيد راح استغفر وادعـــي...

انا مستغربة جدا بس حتى لو فرضنا ان بيختنوها كيف بالسن هذا
ما اعتقد انو ينفع

__________________
ام خديجة وعبد الرحمن