مرااااااااااحب
حلم السحر ,,, اشكرك على تواجدك
وان شاءالله تسرك الاخبار
الرسمي ,,, هلا وغلا يالله حيووو
ياقلبي يفداك المقطع واللي كتب لك هالمقطع وش تبي بعد
الله يخليك لزوجتك ياارب .
ملفوف ,,
ترى شخصيتي قويه لايغرك الاسلوب
مو شرط ان اللي يضحك شخصيته ضعيفه يا
أختي بس هذي امي ولازم ارضيها ماقدر اكسر بكلامها وانا طبعي كذا بشووش ماحب اصير مكتم
وكل شيء الا امي وربي انها مررره طيبه وماقد ضربتنا من يوم كنا صغار لين صرنا اطول منها
يسعدك ربي يا
........ على تواجدك
شمس الحيارى ,, ويسعدك بعد بس ليش احسك كذا محزن وزعلااان
انبسط يالغلا واستانس ترا الدنيا نعيشها مره بس وخلك كذاا >>
fatoushi .. اهليين
واتركي عنك الغم والهم واذا حسيتي بالهم عليك بذكر الله تعالى
ربي يحفظ لك عيالك ياارب ويخليهم لك .
برودة خريف .. ياجعل ربي يصلح من احوالك وييسر لك خطاك
وابشرك سالفتي خلصت بس ابي اشكر الاعضاء واعلمكم
ام الجود .
جعل ربي يحفظ لك اخوك وزوجوه تراي حاس بمعاناته
ولاتخافين على زوجتي لو كانت نكديه بصير نكدي مثلها واوريها النكد لين تقول اتوب وبسامحها هههه فديتهاااا بس وفديت نكدها
هديل الروح
يسعدك ربي على الرد على المواضيع
الحين ابكتب لكم المستجدات
ابكتب لكم اخر التطورات البيتوتيه
طبعا امس ماشاركت معكم عشان كنت انفذ بعض من خططي الاستراتيجيه
قبل امس كنت متغير 190 درجه وبشكل غريييييييب والجوال مايفارق اذوني قدام امي واجلس اسولف واضحك وانا اصلن داق على 902 ابي اشوف كم فاتورتي هههههههه
الموووهم امس بالعصر دقيت على امي وانا راجع من العمل وقلت ترا اليوم معزوم
قالت ويييييييييين واحس نبراتها الصوتيه شوي وتتقطع ههههه
قلت بروح عند واحد من الشباب ويمكن اتاخر قالت اهاا خييير ان شاء الله
وتروح تعلم ابوي تبيه يكلمني ويهاوشني ويتصل ابوي قال وينك ؟؟ قلت مع واحد وبنتاخر شوي قال اييه خلاص مو مشكله واسمع امي جنبه تقول هاوشه خله يجي
وانا كل هالوقت كنت مع صديقي
ابيه بموضوع وقلت له ياحبيبي انت وجلس يطالع كذا >
هههههه
الموووهم قلت ابي منك طلب بس تكفى لاتردني قال ابشررر
قلت ابي تقلد صوت بنت وتدق على بيتنا وتسئل عني قال طيب
المووهم ويدق عالبيت وعليه صووووت
ويرد اخوي قال من انت ( ي ) ماعرف هو بنت ولا ولد من صوته ههه
قال ابي فلان قال من نقووله قال خلاص بس بلغوه وهو بيعرفني يلا بااااي << مسوي يبي يتدلع هو وخشته
المهم واقله ارجع دق بعد عشر دقايق وخوينا والله من قلنا له ياحبيبي وهو عيونه عيت ترجع وصار أليف هههه
ويدق وترد امي هههههه وانا مااااسك نفسي من الضحك
وقال الووو ممكن فلان ؟ قالت امي من انتي قال هو راح يعرفني وامي طرطعت وجلست تسب فيه سب مو صاحي وانا ماتحملت وفكيتها ضحك هههههه وانقلبت عيونه وصار كذا >
طبعا راضيناه بعشاء وقهويناه ودلعناه ورجعت لبيتنا وانا بالعطر اللي شريته
وامي والله حاااااااااااااااااااااااقده وقالت تعال تعال وانا سويت نفسي كذا >
قلت اشفيك يمه قالت قل وربي ماكلم بنات قلت اعوووذ بالله وش هالكلام البذيء < مسوي أدب وانا طاقه الضحكه بشفاتي ههههه
وجلست تسبني وتتكلم علي وانا اضحك واهي تقرص
وتركتها ورحت نمت واليوم العصر جيت من الدوام للبيت رحت قلت ابي غداء عشان معزوم برا قالت وربي ماتروح ولا مكان ولا بدعي عليك وانا قلت يوووه يعني ما اتزوج ولا اروح ولا اجي
ورحت ورجعت لها بعد المغرب سولفت معها وقلت يمه ماراح اسكن برا بيتنا بجلس معكم بس ابي ارتاح نفسيا ومعنويا وابي اتزوج والله طفشت كذا قالت لا توك قلت خلاص بس وربي بطلع كل يوم ومابرجع الا وقت ما ابي قالت بدعي عليك قلت عادي ادعي عشان اموت وماصير معكم وكانت ملامحي تكسر الخاااطر وقالت انت ليش تبي تتزوج علمني بصراحه انت تبي تنام مع مرتك ولا عشان وشو << قصدها جنس .
قلت لا مو كذا يايمه بس انا الحين اخسر براتبي على اشياء تافهه والا اصرفها على اخوياي ولا بالدبابات والا السيارات وحرام كذا وهذا تبذير وعطيتها شوي عن التبذير هههه
وقالت انت تراك مو بعقلك وانت مو صاحي اخاف تفشلنا بكره قلت وربي مافيني شيء بس عطوني مجاال
قالت والله لو تتزوج وانت لسى ماعقلت والله ثم والله ارجعها بيتهم وانت وربي تشوف شي ماشفته قلت لا هات كيف احسن
وسطرتني كف خفيف قلت ايواا كملي << مسوي ماحس بالكف
قالت خلاص خلني اقول لابوك ونشوف من نختار لك قلت ههههاااااااااااااااااااي حلوووووووووووه نختار لك والله مايختار الا انا قالت هاااه تبي تتزوج ولا لا قلت خلاص اختارو بس عااد ابي ارشح اقل شيء من البنات اللي بتختارونهم قالت خير ان شاء الله
وعاااد طول وقتي اليوم وانا كذا
بس احس عندي مشكله جديده
ابي اختار زوجتي انا
ودي اخش اي عرس واروح اختار لي اي وحده تعجبني
يالله ماودي اطول عليكم بس والله شاركتوني حزني ومأساتي وكتبت لكم كل اللي بخاطري وبجلس معكم خلاص الييين اتزوج
والله انكم احلى منتدى شفته والله يسعدكم ياااارب الصغير قبل الكبير والله ينور قلوبكم بالايمان ويحفظ نفوسكم من الشيطان ويفتحها عليكم من اوسع ابواب الرحمه يامجيب ياااارحمان
بس والله دعيت لكم من كل قلبي
05-12-2009, 08:04 AM
ضوابط المشاركة
العرض العادي
